Sumqayıt-Bakı yolunda tıxac

Bakı-Sumqayıt yolu yenə kilidləndi - Bu dəfə əks istiqamətdə

447
Bu gün səhərdən etibarən Bakıya gələn insanlar yenidən saatlarla tıxacda qalıblar

BAKI, 6 iyul — Sputnik. Bu gün səhər saatlarından Bakı-Sumqayıt yolunda yenidən güclü tıxac yaşanmağa başlayıb. Sputnik Azərbaycan-ın əməkdaşı xəbər verir ki, bu dəfə tıxac yolun Sumqayıtdan Bakıya doğru gələn istiqamətində yaranıb.

Buna səbəb isə Avtomobil Yolları Dövlət Agentliyinin (AYDA) Xırdalan dairəsinin altından keçən hissəsindən "Ekologiya postu"na qədər olan ərazidə yeni asfaltlama işlərinə başlamasıdır. Yolda qazıntı-söküntü işləri ötən gecə saatlarında başlayıb və bununla bağlı ictimaiyyətə hər hansı məlumat verilməyib.

Xatırladaq ki, ötən ayın sonlarından etibarən Bakı-Quba-Rusiya Federasiyası ilə dövlət sərhədi avtomobil yolunun 6-11-ci km-lik hissəsində (Bakı Beynəlxalq Avtovağzalı-Xırdalan dairəsi) asfalt-beton örtüyünün intensiv hərəkət nəticəsində və təbii təsirlərdən aşınmaya məruz qalan üst qatının yenilənməsi işləri ilə aparılır. Bununla əlaqədar bir müddət Bakıdan Sumqayıta doğru asfaltlanma prosesi həyata keçirildiyi üçün həmin istiqamətdə, həmçinin şəhərin bir hissəsində nəqliyyatın hərəkəti iflic oldu.

İndi isə Sumqayıtdan Bakı istiqamətinə hərəkət məhdudlaşdırılır. Bu gün səhərdən etibarən Bakıya gələn insanlar yenidən saatlarla tıxacda qalıblar. Prosesin daha bir müddət davam etdiriləcəyi gözlənilir.

447
Teqlər:
tıxac, asfalt, təmir, Bakı-Sumqayıt yolu
Əlaqədar
Bakı-Sumqayıt tıxacında inləmək azmış kimi əlavə cəza da kəsildi: Maaşlardan tutulsun!
Bakı-Sumqayıt yolundan istifadə edənlərə xoş xəbər
Bakı-Sumqayıt yolundakı tıxaca görə operativ qərar verildi
Bakı və Sumqayıt əhalisinin görəcəyi gün qabaqdaymış - Əzablı bir ay başladı
Bakı-Sumqayıt yolunda yenə tıxac yaşanacaq
Bakı və Sumqayıt sakinlərinin nəzərinə!