Gümrüdəki 102-ci Rusiya hərbi bazası

Rusiyanın Ermənistandakı səfiri Gümrü hərbi bazasına gedib

49
(Yenilənib 12:14 05.07.2018)
Polkovnik Vladimir Elkanov diplomatik korpusun nümayəndələrini hərbi baza və bazada olan ən müasir silahlarla tanış edib

BAKI, 5 iyul — Sputnik. Rusiyanın Yerevandakı səfiri Sergey Kopırkin və Ermənistanda fəaliyyət göstərən rusiyalı digər diplomatlar Gümrüdəki 102 saylı hərbi bazada olublar. Sputnik Ermənistan xəbər verir ki, bu barədə məlumatı Rusiya Cənub Hərbi Dairəsinin mətbuat xidməti yayıb.

Rusiyanın Ermənistandakı səfiri Sergey Kopırkin
Rusiyanın Ermənistandakı səfiri Sergey Kopırkin

Diplomatlar Rusiyanın Gümrüdəki hərbi bazasının komandir heyəti, Federal Təhlükəsizlik Xidmətinin Ermənistandakı Sərhəd İdarəsinin nümayəndələri, Ermənistanın Gümrüdəki Baş Konsulluğu, Şirak vilayətinin rəhbərliyi ilə görüşüb.

Rusiya hərbi bazasının komandiri polkovnik Vladimir Elkanov diplomatik korpusun nümayəndələrini hərbi baza və bazada olan ən müasir silahlarla tanış edib.

49
Teqlər:
Sergey Kopırkin, Rusiya səfiri, Gümrü, Ermənistan
Əlaqədar
Rusiya səfiri etimadnaməsinin surətini XİN başçısına təqdim etdi
ABŞ səfiri Rusiya ilə münasibətlərdən danışdı
Rusiya səfiri azərbaycanlı ədiblərə mükafat verdi
Rusiya səfiri İŞİD liderinin öldürülməsindən danışdı
Məmmədyarov Rusiya səfiri ilə Lapşinin məsələsini müzakirə edib

Yanvarın 25-nə qədər ölkədə ictimai nəqliyyat işləməyəcək

9
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

9

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev