Bakı Nəqliyyat Agentliyi

Bakıda yaşanan gərginliklə bağlı vətəndaşlara müraciət edilir

754
(Yenilənib 11:15 04.07.2018)
"Yaranmış müvəqqəti narahatlığı nəzərə almağınızı xahiş edirik"

BAKI, 4 iyul — Sputnik. "Günün pik saatı olduğu üçün hazırda bütün metrostansiyaların ətrafında sərnişin sıxlığı müşahidə edilir. Adi günlərdən fərqli olaraq sərnişinlərin daşınması yalnız müntəzəm marşrut avtobusları ilə həyata keçirildiyindən müəyyən çətinliklər müşahidə edilir".

Bu barədə Sputnik Azərbaycan-a Bakı Nəqliyyat Agentliyinin (BNA) mətbuat xidmətindən məlumat verilib. "Buna baxmayaraq Bakı Nəqliyyat Agentliyinin göstərişi ilə bütün ehtiyat avtobuslar sərnişindaşıma prosesinə cəlb edilir. Sərnişinlərimizdən yaranmış müvəqqəti narahatlığı nəzərə almalarını xahiş edirik" — deyə qurumdan bildirilib.

Qeyd edək ki, dünən ikinci dəfə ölkə üzrə elektrik enerjisinin verilişində problem yaranıb. Saatlarla paytaxt və bəzi rayonlara işıq olmayıb. Bununla bağlı dünən axşam saatlarından indiyədək Bakı metrosu fəaliyyətini dayandırıb.

754
Teqlər:
sıxlıq, nəqliyyat, avtobus, sərnişin
Əlaqədar
Əhaliyə xəbərdarlıq olundu
Rəsmi qurum vəziyyətdən sui-istifadə edənləri hədələdi
Daha bir qurum mövcud vəziyyətlə bağlı hesabat verdi
Bakı sakinləri nəqliyyat problemlərindən şikayət edirlər - FOTO