Su-30M

Rusiya Ermənistana müasir qırıcılar satıb, yoxsa yox?

242
(Yenilənib 20:24 02.07.2018)
Paşinyan paylaşıma "artıq Yerevandadır" cümləsi yazıb

BAKI, 2 iyul — Sputnik. Ermənistan müttəfiqləri, o cümlədən Rusiyadan yeni növ silahların alınması istiqamətində işləri davam etdirir.

Sputnik Ermənistan xəbər verir ki, bunu Ermənistan Silahlı Qüvvələrinin Baş qərargah rəisi, general-mayor Artak Davtyan jurnalistlərin "SU-30SM" qırıcılarının alınması barədə sualını cavablandırarkən bildirib: “Bütün informasiyalar məqsədyönlüyü nəzərə alınaraq acıqlanacaq. Nə zaman lazım olsa, o zaman xəbər verəcəyik".

General ancaq onu bildirib ki, silahların bir hissəsi alınıb, digərləri ilə bağlı proses davam edir.

Qeyd edək ki, daha əvvəl Ermənistan baş naziri Nikol Paşinyan "Facebook"-da "SU-30SM" qırıcısının kabinəsindən şəkil paylaşıb. O, paylaşıma "artıq Yerevandadır" cümləsi yazıb.

242
Teqlər:
Nikol Paşinyan, SU-30, general, qırıcı, Ermənistan
Heroin, arxiv şəkli

Bakı sakini karantin zamanı da öz əməlindən qalmırmış

4
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

4
 Braziliyada epidemioloji vəziyyət

Virusdan ölənlərin sayı getdikcə artır

4
(Yenilənib 12:35 04.07.2020)
Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

Eldar Tanrıverdiyev, Sputnik Azərbaycan

BAKI, 4 iyul — Sputnik. Dünyada koronavirusa yoluxanların sayı 11 078 760-a çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 525 191 nəfər vəfat edib, 5 875 364 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 2 milyon 794 min 321 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 666 941 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

4