Range Rover

Qafqazlı "qanuni oğru"lara sərt xəbərdarlıq edildi: Moskvada ortalıqda dolaşmayın!

917
(Yenilənib 16:56 02.07.2018)

BAKI, 2 iyul — Sputnik. Moskvanın hüquq-mühafizə orqanları futbol üzrə Dünya Çempionatının keçirildiyi günlərdə böyük bir qrup "qanuni oğru" ilə izahat yönümlü söhbət aparıb. Söhbət şəhərin mərkəzində çoxsaylı mühafizəçilərlə birlikdə kortejlərlə hərəkət edən "kriminal generallar"dan gedir.

Sputnik Azərbaycan Rusiya mediasına istinadla xəbər verir ki, ölkənin hüquq-mühafizə orqanlarının qorxduğu kriminallar arasında azərbaycanlı "qanuni oğru" Vaqif Süleymanov (Diplomat Vaqif) da olub. Hüquq mühafizəçiləri kriminalların liderlərinə bildiriblər ki, onların bu cür eskortları Dünya Çempionatını canlı izləməyə gələn qonaqları heyrətləndirə bilər.

Hüquq-mühafizə orqanlarındakı mənbənin sözlərinə görə, son zamanlar bəzi "qanuni oğru"lar özlərini VIP-persona kimi aparmağa başlayıblar. Onlar paytaxt küçələrində zirehli limuzinlərlərlə gəzirlər və onları içində 5-6 mühafizəçi olan bir neçə maşın müşayiət edir. Bu isə şəhərdə hərəkətə mane olur və əhali arasında qorxu yaradır. 

Asayiş keşikçiləri bildirirlər ki, bir sıra "qanuni oğrular" münaqişəli vəziyyətdədirlər. Onlar hər an küçənin ortasında silahlı qarşıdurma yarada bilərlər. Odur ki, Dünya Çempionatının keçirildiyi günlərdə onlarla bağlı təhlükəsizlik tədbirlərinin görülməsində hüquq-mühafizə orqanları tamamilə haqlıdır.

Tez-tez kriminal avtoritetlərə bu nümayişkaranə davranışların yersiz olduğu barədə xəbərdarlıq edilsə də, onlar buna əhəmiyyət vermirlər. Mafia başçıları ictimai yerlərə (o cümlədən, restoran və ticarət mərkəzlərinə) də çoxsaylı mühafizəçilərin müşayiəti ilə gedirlər ki, nəticədə çox vaxt mühafizəçilərin iştirakı ilə münaqişələr, qanlı hadisələr baş verir.

Çoxsaylı mühafizəçilərin əhatəsində paytaxtda və ictimai yerlərdə dolaşan "qanuni oğrular" əsasən azərbaycanlı Vaqif Süleymanov (Diplomat Vaqif), gürcülər Dmitri Çanturiya (Miron), Kaxaber Parpaliya (Kaxa Qalski), Elquca Turkadze (Quca Kutaisski), Quram Çixladze (Kvejoyeviç) və erməni Eduard Asatryandır (Edik Osetrin).

Güc strukturları hesab edir ki, dünyanın ən ucqar guşələrindən futbol üzrə Dünya Çempionatını izləməyə gələn qonaqların qanqsterlərin xidmətində olan avtokolonları müşahidə etməsi xoşagələn deyil. Bu səbəbdən də asayiş keşikçiləri "qanuni oğru"ları çağıraraq onlarla ətraflı söhbət aparıblar.

Kriminallar mundial zamanı Moskvada olan əcnəbiləri narahat etməməyə çağırılıb. Onlara tövsiyə edilib ki, öz işlərini mafiozların cəmləşdiyi Moskva ətrafında görsünlər. Bu çağırışı dinləməyən mafiozların cəzaçəkmə müəssisələrinə aparılacağı bildirilib.

Güc strukturları slavyan əsilli "qanuni oğrular"ın əksəriyyətinə hər hansı xəbərdarlıq etməyi lazım bilməyib. Çünki Vladimir Tyurin (Tyurik), Oleq Şişkanov (Şişkan), Vasili Xristoforov (Vasya Voskres) kimi avtoritetlərin heç vaxt mühafizəçilərin çöxluq təşkil etdiyi böyük eskortlarla dolaşdığını görən olmayıb. Onlar adətən cangüdənlərlə gəzmirlər və istisna hallarda onları 2-3 adam müşayiət edir.

"Qanuni oğrular"a bir sıra digər göstərişlər də verilib. Məsələn, bildirilib ki, onların nəzarətində olan qanunsuz dəstələr ortalıqda çox da dolaşmasın və qanqaraçılıq törətməsinlər. Əgər qonaqlarla hansısa kriminal insidenti yaşansa, o zaman onları himayə edən "qanuni oğrular", "kriminal generallar" da şübhəli şəxs qismində nəzarətə götürüləcək.

Hüquq-mühafizə orqanlarından xəbərdarlıq alan "qanuni oğrular" Dünya Çempionatı dövründə demək olar ki, fəaliyyətlərini məhdudlaşdırmaqla fərqlənməyiblər. Onlar müəyyən məhdud dairələrdə öz fəaliyyətlərini davam etdiriblər. Bu kriminalların başında isə erməni qanuni oğru Eduard Asatryan gəlir.

Asatryan 2017-ci ilin sonlarından etibarən digər qanuni oğru Dmitri Çanturiya (Miron) ilə ittifaqa girib. Lakin bu ittifaq kriminal dünyaya bir qədər qəribə görünüb. Çünki Miron Eduard və onun oğlu Sergeyin (Seryoqa Bentli) döyülməsində iştirak edib. Bu səbəbdən də sonuncunun oğru titulu şübhə altına düşüb. Daha sonra Bentlini həbs ediblər. Miron isə öz növbəsində həbsxanaya məktub yazıb ki, Seryoqa Bentlini "qanuni oğru" saymasınlar.

Nəticədə hər iki qanqster öz həmkarlarında xeyli suallar doğurublar. Məsələn, Voskres Mirona haqq qazandırmaq üçün zirehsiz qalıb (Osetrinlə Xristoforovun münasibətləri çoxdandır çox pisdir).

Asatryan bəyanatında özünə haqq qazandırmaq üçün deyib ki, hüquq-mühafizə orqanları onun qarşısında şərt qoyublar. O, ya Mironla sülhə gələrək adam kimi yola getməlidir, ya da onunla birlikdə həbsxanaya. Bundan sonra da həmkarlarının Osetryana münasibəti dəyişməyib.

Qeyd edək ki, Vaqif Süleymanov hazırda Türkiyədə yaşayan azərbaycanlı "qanuni oğru", kriminal dairələrdə "Lotu Quli" ləqəbi ilə tanınan Nadir Səlifovun qruplaşmasına daxildir. "Quli klanı"nın kölgəsi sayılan Vaqif Səlifovun Moskva vilayətinin Dolqoprudnı rayonundakı "Veqetta" iri meyvə-tərəvəz bazarına nəzarət edir. 

Bir müddət əvvəl KİV-də belə bir məlumat yayılmışdı ki, vaxtilə böyük gəlir gətirən (bəzi məlumatlara görə, illik 10 milyard rubl.) "Veqetta"nın təhvil-təslimi gedir. Gəzən söhbətlərə görə, bazara nəzarət elədiyi beş il ərzində Vaqif Süleymanov Cənub dairəsinin bəzi vəzifəli şəxsləri ilə münasibətlər qurub. Biznesə "himayədarlıq" etdiyinə görə etnik qruplaşma hər ay 100 min ABŞ dolları alır.

Vaqif vaxtilə Rusiya mafiyasının "xaç atası" Aslan Usoyanın (Ded Xasan) klanında yer alıb. O, hazırda Rusiyanın kriminal dairələrində "Lotu Quli"nin əsas himayədarlarından biri hesab edilir. 

917
Teqlər:
Veqetta, Miron, Dmitri Çanturiya, Diplomat Vaqif, Vaqif Süleymanov, Ded Xasan, Aslan Usoyan, kriminal avtoritet, dünya çempionatı, mafiya, Lotu Quli, "qanuni oğru", Eduard Asatryan, Moskva
Əlaqədar
"Lotu Quli" bu sahəyə nəzarəti tam ələ keçirmək üzrədir
Sankt-Peterburqda Lotu Qulinin adamı güllələndi
"Lotu Quli"nin yaxın adamı Ağstafada tutuldu
"Lotu Quli"ni söyən avtoritetin arvadı öldürüldü
Kriminal aləmdə yeni müharibə gözlənir: Erməni “qanuni oğru” Lotu Quliyə şər atıb
Rusiyada təcili yardım maşını, arxiv şəkli

Rusiyada koronavirusdan ölümlərin sayı azalmır

4
(Yenilənib 14:43 04.03.2021)
Ümumilikdə, Rusiyada bu xəstəliyə yoluxanların sayı 4 290 135 -ə çatıb. Rusiyada pandemiya yayılandan 87 823 nəfər COVID-19-dan vəfat edib.

BAKI, 4 mart — Sputnik. Son bir sutka ərzində Rusiyada 11 385 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 475 nəfər ölüb.

Ümumilikdə, Rusiyada bu xəstəliyə yoluxanların sayı 4 290 135 -ə çatıb. Rusiyada pandemiya yayılandan 87 823 nəfər COVID-19-dan vəfat edib. Ölkədə bu virusdan sağalanların sayı 3 869 857- ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 115,1 milyonu keçib, 2,55 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib

4
Teqlər:
test, Rusiya, Koronavirus, epidemiya, COVID-19
Dövlət Gömrük Komitəsinin sədri Səfər Mehdiyev, arxiv şəkli

Səfər Mehdiyev: Ötən il idxalın 59 faizi gömrük rüsumundan azad edilib

4
(Yenilənib 14:36 04.03.2021)
Ötən il Azərbaycanda idxalın 41 faizi gömrük rüsumuna cəlb edilib, idxal əməliyyatlarının dəyəri isə 10 milyard 730,7 milyon dollar olub.

 

BAKI, 4 mart — Sputnik. 2020-ci ildə idxalın 59 faizi gömrük rüsumundan azad olunub.

Sputnik Azərbaycan xəbər verir ki, bu barədə Dövlət Gömrük Komitəsinin sədri Səfər Mehdiyev deyib.

O bildirib ki, keçən il idxalın 41 faizi gömrük rüsumuna cəlb edilib, 59 faizi isə rüsumdan azad olunub:

"Belə ki, idxal rüsumundan azad olunan malların dəyəri 6 milyard 331 milyon 856 min ABŞ dolları, rüsuma cəlb olunanların dəyəri isə 4 milyard 398 milyon 864 min dollar təşkil edib".

Qeyd edək ki, ötən il Azərbaycanda idxal əməliyyatlarının dəyəri 10 milyard 730,7 milyon dollar olub.

4