Studiya mikrofonu, arxiv şəkli

XXI əsrin ən yaxşı mahnıları açıqlandı SİYAHI

227
(Yenilənib 04:45 30.06.2018)
Siyahıda yer alan digər mahnılarla aşağıdakı link vasitəsilə tanış ola bilərsiniz

BAKI, 30 iyun — Sputnik. Musiqi ekspertləri XXI əsrin ən yaxşı 100 mahnısının siyahısını açıqlayıb. Sputnik Azərbaycan xəbər verir ki, bu barədə "Rolling Stone" jurnalı məlumat yayıb.

Məlumatda qeyd olunur ki, nəşrin redaksiyası musiqiçi, prodüserləri və tənqidçilərə müraciət edərək 2000-ci ildən bəri "ən yaxşı musiqi" siyahılarını tərtib etməyə dəvət edib və bundan sonra siyahıları uzlaşdırıblar.

Siyahıda birinci yeri amerikalı müğənni Beyonsun (Beyonce) "Crazy in Love" treki tutub. Mahnı müğənninin həyat yoldaşı Jay – Z-nin iştirakı ilə birgə yazılıb.

İkinci pillədə isə Britaniyalı müğənni M.I.A və "Paper Planes" mahnısı gəlir. Bu mahnı 2008-ci ildə ilin ən yaxşı filmi nominasiyası üzrə Oskar mükafatı alan "Xarabalıqdan çıxan milyonçu" filminin əsas saundtrekidir. Üçüncü pillədə isə ABŞ-ın "The White Stripes" rok qrupunun "Seven Nation Army" musiqisi tutur.

Siyahıda yer alan digər mahnılarla bu link vasitəsilə tanış ola bilərsiniz.

227
Teqlər:
Rolling Stone, XXI əsr, jurnal, musiqi, mahnı
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

14
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

14
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19