Marneuli

Həyəcan təbili çalınır: Gürcüstandakı azərbaycanlıların bədbəxtliyinin günahkarı kimdir?

2016
(Yenilənib 21:46 29.06.2018)
Gürcüstanda 187 Azərbaycan məktəbindən cəmi 90-nı qalıb, erməni diasporu isə 140 erməni məktəbini saxlayıb

Ramella İbrahimxəlilova, Sputnik Azərbaycan

BAKI, 29 iyun — Sputnik. Gürcüstan azərbaycanlılarının icmasının ictimai inkişafının iflası göz önündədir.

Bunu Sputnik Azərbaycan-a Marneuli rayonunun meri Temir Abazovun saxlanmasını şərh edərkən Gürcüstan İnsan hüquqları üzrə Qafqaz Monitorinq Mərkəzinin rəhbəri Elbrus Məmmədov deyib.

Sınıqkörpü sərhəd gömrük məntəqəsi
© Official website of President of Azerbaijan Republic

Qeyd edək ki, Abazov Cinayət Məcəlləsinin 144-cü maddəsi ilə (məmur və ya ona bərabər tutulan şəxs və ya şəxslər qrupu tərəfindən törədilmiş alçaldıcı və ya qeyri-insani rəftar) təqsirləndirilir. Abazovu, çəkdirərək Facebook sosial şəbəkəsində yaydığı videoçarxa görə 6 il müddətinə azadlıqdan məhrumetmə cəzası gözləyir. Həmin videoçarx ictimaiyyət arasında hiddət doğurub. Orada müxalif "Vahid Milli Hərəkat" partiyasının üzvü Elçin Allahverdiyev Bidzina İvanişvilini, Marneuli merini və onun həyat yoldaşını təhqir etdiyi üçün qanundankənar cəzalandırılıb. Naməlum şəxslər onu kamera qarşısında sidiyi ilə üzünü yumağa və öz arvadını təhqir etməyə məcbur ediblər. Bu qanunazidd hərəkətlərdə Abazovun əlinin olduğu ehtimal edilir. İyunun 13-də Gürcüstan prokurorluğu Abazovun saxlandığı barədə məlumat yayıb.

Məmmədov qeyd edib ki, bütün bunları görmək üçün eynək taxmağa ehtiyac yoxdur. Amma aydın deyil ki, niyə məmurlar günahkarı görmək istəmir.

"Gəlin Gürcüstandakı azərbaycanlı icmasının ətrafındakı ictimai həyatla bağlı vəziyyəti analiz edək. Əvvəla, son 25 ildə azərbaycanlı icmasının kompakt yaşadıqları regionda məqsədli şəkildə xoşagəlməz mühit yaradılıb və ictimai təşəbbüssüzlük hökm sürür. İkincisi, bu gün Gürcüstanın azərbaycanlı əhalisi arasında bizə yad olan dəyərlərin təbliği istiqamətində ideoloji iş aparılır. Burada əsas məqsəd azərbaycanlıları öz milli kimliklərindən məhrum edilməsidir. Gürcüstandakı azərbaycanlılar arasında milli kimliyin məhv edilməsi proqramı artıq bəhrə verməyə başlayıb. Faktiki olaraq fəal şəkildə öz kökünü və əslini inkar edən yeni gənclər nəsli yetişməkdədir. Hazırda milli kimliyin süni və yabançı mədəni ideoloji komponentlə fəal şəkildə əvəz edilməsi prosesi gedir" — deyə Məmmədov bildirib.

Onun sözlərinə görə, bu təbliğat istisnasız olaraq mədəniyyət, din, sosial və ictimai həyatın bütün sahələrində gedir. Çox məhdud dünyagörüşlü azərbaycanlılardan ibarət ictimai fəal qrup meydana gəlib ki, onlar yaşadıqları yerdən asılı olmayaraq, azərbaycanlı ruhuna yaxın olan bütün ənənə və dəyərlərin təkzib edilməsi ilə məşğul olurlar. Azərbaycan gənclərinin zehinlərində belə bir zəhərli virus dolaşır ki, Gürcüstanda yaşayan azərbaycanlılar bütün dünyadakı soydaşları tərəfindən qeyd olunan tarixləri qeyd etməməlidirlər. İslam dini və mədəniyyəti gülünc bir şey kimi təqdim olunur. Bu isə öz milli kimliyini itirmiş azərbaycanlı gənclərin əli ilə edilir.

Ekspert əmindir ki, milli şüurun məhv edilməsi, mədəni həyatın inkişafına maneələr, deqradasiya, gənclərin müəyyən bir hissəsinin parçalanması prosesi Azərbaycan icmasının kompakt şəkildə yaşadığı bölgələrdə başlayıb.

"Bu layihənin həyata keçirilməsi onilliklər ərzində davam edəcək. Buna görə də icraçıların (parlamentdə deputatların, ictimai xadimlərin, məmurların, din xadimlərinin) tərkibinin dəyişməsindən asılı olmayaraq, hər şey əsas məqsədə — maksimal dərəcədə öz kökündən uzaqlaşdırmağa, qoparmağa və milli şüuru məhv etməyə yönəlib. Beynəlxalq və yerli ictimai təşkilatların 50-dən çox məruzəsini, hadisələrin zəncirini və nəticələrini araşdırdım. Nəticədə, son 25 ildə Gürcüstandakı Azərbaycan icmasının ətrafında baş verən hadisələrin mənzərəsi ortaya çıxdı. Bu qiymətləndirmələr yuxarıdakı tezislərdən hər hansı birinin mövzusunun formalaşmasına, genişləndirilməsinə və ətraflı öyrənilməsinə kömək edə bilər. Deyilənlərin hər birinin doğruluğunu yoxlamaq üçün mənbələrə, fotoşəkillərə və videomateriallara müraciət edə bilərsiniz və baş verənlərin daha ətraflı təhlilini aparmaq olar" — deyə hüquq müdafiəçisi bildirib.

Məmmədovun sözlərinə görə, bəzi qüvvələr həmin yolla azərbaycanlıların Gürcüstandan emiqrasiyasına nail olmaq istəyirlər. Bu gün Gürcüstanda Azərbaycan əhalisinin birliyini bərpa edəcək və möhkəmləndirəcək təşkilatlar yoxdur. Bu amil icmanı təşkilatlar qarşısında aciz və passiv duruma salır. İcma nümayəndələri arasında əlaqələrin qırılmasında azərbaycanlı məmurların və onların rəhbərlərinin də rolu var. Gürcüstan Müsəlmanları İdarəsi ətrafında da məmurların çirkin oyunları gedir.

O, həmçinin qeyd edib ki, azərbaycanlıların kompakt yaşadıqları ərazilərdəki bütün toponimlər və hidronimlər dəyişdirilir, Tbilisidəki Heydər Əliyev adına Azərbaycan Dram teatrının fəaliyyəti məhdudlaşdırılır, hətta Gürcüstan Aşıqları Təşkilatına hücum edilir. Bütün bunlar mədəni təbəqənin məhvinə yönəlib.

"Bu məmurların çirkin intriqaları icma üçün çox vacib olan "Elat" bayramının keçirilməsinin qadağan edilməsinə səbəb oldu. Onilliklər ərzində ictimai təşkilatların məhv edilməsi və ləğvi istiqamətində iş aparanlar öz məqsədlərinə çatdılar. Hazırda regionda milli azlıqların problemləri ilə məşğul olmağın özü belə təhlükəlidir, hətta bununla özümüzünkülər və hakimiyyətə işləyənlər məşğul olmuş olsa belə" — deyə Məmmədov bildirib.

Ekspertin sözlərinə görə, Temur Abazov guya azərbaycanlıların regionda öz rəhbərlərini özlərinin seçdiyini göstərmək üçün Marneuli rayonunun meri təyin edilib və xoşagəlməz amillər nəticəsində qurbana çevrilib.

O, faktiki olaraq müdafiəsiz qaldı. Onu nə azərbaycanlı deputatlar, nə parlamentdəki hakim partiya müdafiə etdi. Bundan isə maraqlı yerli məmurlar istifadə etdilər. Nəticədə məsələ belə şəkil aldı ki, uzun müddət azərbaycanlıların mer postu uğrunda mübarizə aparmaq arzusu arxa plana keçməli olacaq. Elə bütün baş verənlərdə əsas məqsəd də buna nail olmaq idi.

Məmmədov onu da qeyd edib ki, Gürcüstanda sistemli olaraq azərbaycandilli təhsil məhdudlaşdırılır, azərbaycanlıların öz ana dillərində təhsil aldıqları məktəblər mərhələli şəkildə bağlanır.

"Bir sözlə, savadsızlaşdırma prosesi gedir. Biz azərbaycandilli məktəbəqədər uşaq bağçalarının tamamilə yox olma həddindəyik. Gələcəkdə məktəblərdə dərs deyəcək müəllim kadrların hazırlanması prosesi aradan qaldırılır. Yaxın vaxtlarda Azərbaycan məktəbləri kadr çatışmazlığı ucbatından bağlanacaq. Erməni diasporu isə bu problemlərə qarşı dirəniş göstərir və bütün problemlərini uğurla həll edir. Gürcüstanda 187 Azərbaycan məktəbindən cəmi 90-nı qalıb. Müqayisə üçün deyək ki, erməni diasporu 140 erməni məktəbini saxlayıb. Bütün bunlarla yanaşı, azərbaycanlıların gələcəyi heç kəsin vecinə deyil" — hüquq müdafiəçisi bildirib.

O qeyd edib ki, məktəb və məktəb kollektivlərini dəstəkləmək məqsədilə yaradılmış ictimai təşkilatlar fəallıq nümayiş etdirmirlər. Bəzi təşkilatlar müəllimlər üçün çap vəsaitlərinin bərpasına cəhd edir. Lakin artıq gecdir. Erməni diasporu bu məsələdə xeyli şanslıdır. Ermənistanda Gürcüstandan və hətta Abxaziyadan olan müəllimlərə kvota ayrılıb. Orada 30-dan çox erməni məktəbi fəaliyyət göstərir.

"Hansı inkişafdan danışmaq olar ki, azərbaycanlıların adından parlamentə gürcü dilini bilməyən və milli məktəblərin bağlanması üçün təbliğat aparan Mahir Dərziyev deputat seçilir?" — deyə Məmmədov soruşur.

Onun sözlərinə görə, müstəqillik dövründə Gürcüstan parlamentinə Azərbaycan icmasından 24 nəfər deputat seçilib. Onlardan 20-si dövlət dili olan gürcü dilini bilmir. Aydındır ki, deputatlar seçilən zaman onların son siyasi proseslərdə və Gürcüstanın ictimai həyatında fəallıq göstərib-göstərməməsi nəzərə alınırdı. Azərbaycanlı deputatların fəaliyyətsizliyinin başlıca səbəbi iqtisadi asılılıq və Gürcüstandakı daşınmaz əmlakını itirmək qorxusudur. Bütün regionlarda müxtəlif dərəcəli məmurlar gəlirlər və gedirlər. Yalnız azərbaycanlıların regionlarında eyni məmurlar qalırlar. Azərbaycanlı deputatların avtoriteti maksimal səviyyədə devalvasiyaya məruz qalıb. Azərbaycanlı məmurların heç biri effektiv inteqrasiyadan söhbət açmır, lakin fəal surətdə assimilyasiya siyasəti aparırlar. Bu amil, azərbaycanlı icmasını xarici təşkilatların qarşısında aciz və passiv duruma gətirir.

Xatırladaq ki, Tbilisidə keçirilən etiraz aksiyaları zamanı Marneuli (Kvemo Kartli regionu) sakini Elçin Allahverdiyev hakim "Gürcü arzusu – demokratik Gürcüstan" partiyasının rəhbəri, milyarder Bidzina İvanişvili və Marneuli meri Temur Abazovun ünvanına senzuradankənar ifadələr işlədib.

Gürcüstan prokurorluğunun yaydığı məlumata görə, "Parlament üzvü Azər Süleymanov Elçin Allahverdiyevdən sosial şəbəkədə canlı yayımlanan videomüraciəti kimin sifarişi ilə etdiyinə dair izahat tələb edib. Nəticədə Azər Süleymanov, Ramin Allahverdiyev (Marneuli rayon şurasının hakim partiyadan olan deputatı) və vətəndaş E.Q. Elçin Allahverdiyevi fiziki cəhətdən təhqir ediblər.

Prokurorluğun məlumatına görə, hadisə Milli Hərəkatın ofisində baş verib. Daha sonra Elçin Allahverdiyevi restoranlardan birinə gətiriblər. Orada onu mer Abazov gözləyib. Abazov burada onun üzünə tüpürüb və onu vurub. Sonra isə ondan tələb edib ki, internetdə canlı yayıma qoşularaq əvvəllər verdiyi bəyanata görə üzr istəsin və öz arvadını təhqir eləsin. Hər şey onunla bitib ki, Elçin Allahverdiyevi kamera qarşısında öz sidiyi ilə yuyunmağa məcbur ediblər.

2016
Teqlər:
Marneuli rayonu, mer, qanunsuzluq, problem, Gürcüstan, azərbaycanlı
Əlaqədar
Azərbaycanlı icra başçısı həbs edildi
Gürcüstanda azərbaycanlı icra başçısı seçilib
Heydər Əliyev aeroportu, arxiv şəkli

Vətəndaşlar pandemiyadan əvvəl aldıqları səyahət biletlərinin pulunu geri ala bilmirlər

4
Şikayətlərdə bunun səbəbi əsasən səyahət edəcəkləri ölkələrə uçuş marşrutunun dəyişdirilməsi ilə əlaqələndirilir.

BAKI, 26 iyul — Sputnik. Hələ 2020-ci ildə müxtəlif xarici ölkələrə səyahət üçün turpaket alan Azərbaycan vətəndaşlarının bir qismi bu günədək turizm şirkətlərinə ödədikləri məbləği geri ala bilmirlər. Bu barədə sosial platformada vətəndaşlar mütəmadi olaraq narazılıqlarını ifadə edən statuslar paylaşır. Şikayətlərdə bunun səbəbi əsasən səyahət edəcəkləri ölkələrə uçuş marşurutunun dəyişdirilməsi ilə əlaqələndirilir.

Turizm şirkətlərindən birindən Misirə turpaket alan müştəri hələ 2020-ci ilin əvvəlində bunun üçün turizm şirkətlərindən birinə 700 manat ödəyib. Turpaketin qiymətinin 30 faizini ödəyən vətəndaş 2400 manatın yerdə qalan hissəsini isə səyahət edəcəyi təqdirdə ödəyəcəkmiş. Koronavirus pandemiyasına görə hava sərhədləri bağlandığından onun Misir səfəri təxirə düşüb. Amma indiyədək turizm şirkəti ödədiyi vəsaiti vətəndaşa geri qaytarmayıb. Buna da səbəb kimi Bakıdan Misirə birbaşa uçuşların dayandırılması göstərilib. Bu gün Azərbaycandan xarici ölkələrə səyahət üçün aviabilet alan vətəndaşlar da eyni problemi yaşayır. Onlar arasında da biletlərinin dəyərini geri ala bilməyənlər az deyil. Sputnik Azərbaycan problemin həlli yollarını araşdırıb.

Əlaqə saxladığımız turizm şirkətlərindən Sputnik Azərbaycan-a bildiriblər ki, pandemiya səbəbindən bəzi ölkələrə aviareyslər dayandırılıb. Bu isə müştərinin aldığı turpaketklə həmin ölkələrə səyahət imkanını çətinləşdirib.

Aviareyslərin dayandırılması turpaketlərin qiymətini də bahalaşdırıb...

"Delta travel" turizm şirkətindən bildirdilər ki, onlar müştərilərin çoxunun turpaket üçün ödədiyi vəsaiti geri qaytarıb. Amma bəzi aviaşirkətlər bilet dəyərini geri qaytarmadığından, onlar da müştərinin pulunu geri qaytara bilmir. Amma turizm şirkətləri turpaket alan müştərilərinə səyahət üçün başqa variantlar da təklif edirlər. Məsələn Misirə turpaket alan müştərilərə hazırda turizm şirkətləri İstanbul üzərindən səyahət imkanı yaradır. Turizm şirkətlərindən bildirdilər ki, Azərbaycandan Misirə birbaşa uçuş olmadığından, onlar müştərilərə İstanbul üzərindən səyahət təklif edirlər. Amma bu zaman müştəri əlavə vəsait ödəməlidir.

Belə ki, 2020-ci ilin yanvarında iki nəfər üçün Misirə 2400 manata turpaket alan müştəri indi bunun üçün 2100 ABŞ dolları ödəməlidir. Çünki uçuşun birbaşa həyata keçirilməməsi turpaketin qiymətini bahalaşdırıb.

O ki qaldı pandemiyadan əvvəl xarici ölkələrə səyahət üçün alınan aviabiletlərin dəyərinin qaytarılmasına, "Azərbaycan Hava Yolları" QSC-dən (AZAL) sorğumuza cavabda bildirib ki, COVID-19 pandemiyasının yayılması ilə əlaqədar "Azərbaycan Hava Yolları" QSC-nin reyslərinə aviabiletlərin qaytarılması və dəyişdirilməsi qaydalarını tərtib edib.

COVID-19 pandemiyasının yayılması ilə əlaqədar hansı aviabiletlər qaytarılmalı və dəyişdirilməlidir?

2020-ci ilin 10 mart tarixindən 25 oktyabr tarixinədək uçuş dövrünü əhatə edən "AZAL" və "Buta Airways" aviaşirkətlərinin aviabiletləri ödənişsiz yenidən təxsis edilə və ya dəyişdirilə bilər. Açıq tarixlə rəsmiləşdirilmiş aviabiletlər (konkret geri qayıdış tarixi qeyd edilməyən biletlər) istisnadır.

Aviabiletlərin qaytarılması və ya dəyişdirilməsi üçün hara müraciət etməyə gəlincə, AZAL-dan bildirdilər ki, bunun üçün callcenter@azal.az elektron poçtu vasitəsilə yazılı formada aviaşirkətin çağırış mərkəzinə və ya aviaşirkətin internet saytında əlaqə forması vasitəsilə müraciət etməyiniz xahiş olunur.

AZAL aviabiletlərin hansı tarixə dəyişdirilə biləcəyini də açıqlayıb. Bildirib ki, yeni uçuş tarixi ilkin aviabilet üzrə uçuş tarixindən sonrakı 24 aydan gec olmamalıdır. Sərnişinə təkcə uçuş tarixini deyil, tariflər arasında fərqin ödənilməsi şərtilə (həmin fərq mövcuddursa) uçuş istiqamətini də dəyişmək imkanı təqdim edilir. Bu halda arzu olunan tarixdə həmin istiqamət üzrə reysin yerinə yetirilib-yetirilmədiyi nəzərə alınır.

O ki, qaldı aviabileti dəyişməyib ödənilən pulun geri alılnasına, AZAL-dan bildridilər ki, alternativ olaraq, AZAL həmçinin sərnişinlərə aviabiletin dəyərinin geri qaytarılması əvəzinə vauçer formasında pul sənədi (EMD) təklif edir. Bu vauçeri ləğv edilmiş reysə biletin ilkin uçuş tarixindən etibarən iki il ərzində istifadə etmək mümkündür. Vauçer "AZAL" və "Buta Airways" aviaşirkətlərinin bütün istiqamətlərində etibarlıdır. Vauçerin kodu sərnişinin elektron poçtuna göndəriləcək. Həmin kod aviaşirkətin rəsmi kassalarında və agentliklərində aviabiletin alışı zamanı təqdim edilə bilər.

Məlumat üçün bildirək ki, bu günədək isə Azərbaycan 10-a yaxın ölkə ilə hava əlaqəsini bərpa edib. Bunlar Türkiyə, Rusiya, ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətərdir.

Qeyd edək ki, Nazirlər Kabinetinin 5 iyunda imzaladığı qərarından sonra 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq, Rusiya Federasiyası və Türkiyə Respublikasının vətəndaşlarının hava yolu ilə Azərbaycan ərazisinə səfərinə icazə verilib. Həmin qərara əsasən, yaşı 18-dən yuxarı olan sərnişinlər tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması şərti ilə ölkəmizə səfər edə bilərlər.

Həmçinin 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testinin neqativ nəticəsini təsdiq edən rəsmi sənədi təqdim olunmalıdır. Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur. Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

İyunun 21-dən isə ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətər vətəndaşlarının Azərbaycan Respublikasının ərazisinə səfər etməsinə icazə verilib.

Həmçinin oxuyun:

TƏBİB-dən səyahət edənlərə çağırış

Pandemiya Azərbaycanda səyahət və yay istirahətləri planına necə təsir edir?

Koronavirussuz səyahət: hələlik PZR testlə, tezliklə peyvənd pasportu ilə

4

Həqiqəti tapmaq: "Feyk-nyus"la necə mübarizə aparmalı

7
Sputnik Beynəlxalq İnformasiya Agentliyi və Radiosu pandemiya ilə əlaqədar fasilədən sonra SputnikPro təhsil qrupunun işini bərpa edib. Yeni modulun mövzusu feyk-nyus və onunla necə mübarizə aparılması olub.

Bazar ertəsi, iyulun 26-da Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

Son zamanlar sosial şəbəkələrdə, bəzən isə KİV-lərdə də yalan məlumatların yayılması geniş vüsət alıb. Blogerlərin sayının artması, habelə koronovirus pandemiyası sosial şəbəkələrdə işıq sürəti ilə yayılan şayiə və feyklərin sayını artırıb.

İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

SputnikPro layihəsi artıq dünyanın 13 ölkəsində təşkil olunub. 2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

Bu maarifçilik layihəsi ilə bağlı yenilikləri aşağıdakı "Facebook" səhifəsindən izləmək olar: https://www.facebook.com/SputnikProject/

Foto:

Sputnik Azərbaycan mətbuat mərkəzində keçirilən görüşdə jurnalistlərə feyk xəbərlərin hansı şablonlar üzərində yaradıldığı və bir çox məşhur feyklərin yaranmasının səbəbləri barədə danışılıb.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak danışıblar.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Artyom Buftyak – "İnanmıram!" (Не верю!) və "Biz hamımız öləcəyik. Amma bu dəqiq deyil" (Мы все умрем. Но это не точно) resurslarının aparıcısıdır. "Bu, necədə russayağıdır" (Как это по-русски) və "Hekayələr. DOC" (Истории. DOC) resursları üçün ssenarilər yazır.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Natalya Şaşina – "Rossiya Seqodnya" media qrupunun İnnovativ jurnalistika mərkəzi rəhbərinin müavini.

Spikerlər çoxsaylı nümunələrlə "şübhə testlərinin" necə keçirilməsini, feykləri aşkar etmək, yoxlamaq və ifşa etməyin yollarını nümayiş etdiriblər

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır

7
  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

  • © Sputnik / Murad Orujov

    "Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

  • © Sputnik / Murad Orujov

    İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

  • © Sputnik / Murad Orujov

    SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

  • © Sputnik / Murad Orujov

    SputnikPro layihəsi artıq dünyanın 13 ölkəsində təşkil olunub.

  • © Sputnik / Murad Orujov

    2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

  • © Sputnik / Murad Orujov

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası