ABŞ dövlət katibinin Cənubi və Mərkəzi Asiya məsələləri üzrə köməkçisinin birinci müavini, xanım Alis Uels, Bakı, 29 iyun 2018-ci il

Azərbaycan Vaşinqtonun diqqət mərkəzində: "İlham Əliyevə təşəkkür düşür"

104
(Yenilənib 13:08 29.06.2018)
"Azərbaycan Əfqanıstanda vəziyyətin sabitləşməsi istiqamətində önəmli rol oynayır"

BAKI, 29 iyun — Sputnik. "Azərbaycanın Əfqanıstanla görüş məkanı seçilməsi faktoru yenidən Azərbaycanın çox vacib məkanda yerləşməsinin əyani təzahürüdür və düşünürəm ki, Əfqanıstanda vəziyyətin sabitləşməsi istiqamətində önəmli rollardan birini oynayır".

Sputnik Azərbaycan xəbər verir ki, bunu ABŞ dövlət katibinin Cənubi və Mərkəzi Asiya məsələləri üzrə köməkçisinin birinci müavini, xanım Alis Uels Azərbaycana səfərinin yekunları ilə bağlı keçirdiyi mətbuat konfransında bildirib: "Prezident Əliyevə Əfqanıstana göstərdiyi dəstək və bu istiqamətdə gördüyü işlərə, tutduğu liderlik mövqeyinə görə təşəkkür etmək istəyərdim".

"Praktiki baxımdan Əfqanıstana yardımlar barədə danışarkən biz Əfqanıstan cəmiyyətinin daha yaxşı yaşaması, daha da inkişaf etməsi üçün yardımlar barədə düşünürük" — deyən Uels iyunun 28-də Bakıda keçirilən görüşün Əfqanıstan hakimiyyəti ilə "Taliban" arasında atəşkəs əldə olunandan sonra keçirilən ilk görüş olduğunu xüsusilə vurğulayıb.

O, həmçinin qeyd edib ki, beynəlxalq ictimaiyyətin təmsilçiləri dünən Bakıda keçirilən görüşdə də "Taliban"a sülhün bərqərar olması istiqamətində yardım əlini uzadıb: "İndi "Taliban" buna münasibət bildirməlidir".

Qeyd edək ki, Bakıda Əfqanıstan üzrə Beynəlxalq Təmas Qrupunun toplantısı keçirilir. Beynəlxalq Təmas Qrupu 2009-cu ildə təsis edilib və Azərbaycan Respublikası daxil olmaqla, 60 dövlət və beynəlxalq təşkilat bu qrupda təmsil olunur.

Tədbirdə Beynəlxalq Təmas Qrupunda iştirak edən ölkələr və beynəlxalq təşkilatların, təqribən 90-a yaxın nümayəndəsi iştirak edir. Toplantıda, həmçinin Əfqanıstanın dövlət və qeyri-hökumət təşkilatlarının nümayəndələrinin iştirak edirlər.

104
Teqlər:
Əfqanıstan üzrə Beynəlxalq Təmas Qrupu, ABŞ dövlət katibinin Cənubi və Mərkəzi Asiya məsələləri üzrə köməkçisinin birinci müavini Alis Uels, Alis Uels, Əfqanıstan, Azərbaycan
Əlaqədar
"Azərbaycan Əfqanıstanın yenidən qurulmasında iştirak edir" - ABŞ rəsmisi
ABŞ-dan gözlənilməz etiraf: 939 nəfəri öldürmüşük
ABŞ yeni müharibə cəbhəsi açır, həm də bizim qonşumuza qarşı
ABŞ Dövlət Departamentinin nümayəndəsi Azərbaycana gələcək
Türkiyə ABŞ-la iqtisadi "müharibəyə" qoşuldu, rüsumlar artırıldı
Tramp yenə qalmaqal yaratdı: "Onları ABŞ-dan qovmalıyıq"
Xəstəxana, arxiv şəkli

Azərbaycanda İİV xəstələrinin sayı açıqlandı

2
Bir dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb.

BAKI, 1 dekabr — Sputnik. "1 dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb, onlardan 1 864 nəfər QİÇS mərhələsindədir. İİV infeksiyasından ölənlərin sayı 1 082 nəfərdir".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, bu ilin ilk 11 ayı ərzində Azərbaycanda 494 yeni yoluxma halı təsdiqlənib: "484 nəfər (98.0%) Azərbaycan vətəndaşı, 10 nəfər (2.0%) əcnəbidir. Azərbaycanın yoluxmuş 316 (65,3%) vətəndaşı kişi, 168-i (34,7%) isə qadındır".

2
Xalq artisti Arif Babayev, arxiv şəkli

Xalq artisti koronavirusa yoluxub

3
Gültəkin xanım: "Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir"

Şahpəri Abbasova, Sputnik Azərbaycan

BAKI, 1 dekabr — Sputnik. Azərbaycan Milli Konservatoriyasının "Muğam" kafedrasının müdiri, Xalq artisti Arif Babayev koronavirusa yoluxub.

Bununla bağlı Sputnik Azərbaycan-a məlumat verən Arif Babayevin həyat yoldaşı Gültəkin Babayeva bildirib ki, sənətkarın vəziyyəti stabildir: "Bildiyiniz kimi, Arif Babayev bir müddət öncə insult keçirib. Ona görə də vaxtaşırı Mərkəzi klinik xəstəxanaya müayinəyə gedirik. Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir" .

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

3
Teqlər:
xalq artisti, Koronavirus, yoluxma, Arif Babayev