UNEC-in I kurs tələbəsi Mirmehdi Əhmədzadə

UNEC beynəlxalq reytinqdə ölkə birincisi oldu

39
(Yenilənib 13:39 28.06.2018)
Bakı Dövlət Universiteti isə 2787 istinadla ikinci yerdə qərarlaşıb

BAKI, 28 iyun — Sputnik. UNEC beynəlxalq reytinqin nəticələrinə görə, Azərbaycan universitetləri arasında ölkə birincisi olub. Bu barədə Sputnik Azərbaycan-a UNEC-in mətbuat xidmətindən məlumat verilib.

Bildirilib ki, "Webometrics" reytinq agentliyinin iyun ayında açıqladığı “Google Akademik istinadlarına görə ən yaxşı universitetlər” (HYPERLINK "http://www.webometrics.info/en/transparent" TRANSPARENT RANKING: Top Universities by Google Scholar Citations) reytinqində UNEC Azərbaycan universitetləri arasında lider olub. Reytinqə görə, “Google Scholar” platformasında UNEC alimlərinin elmi məqalələrinə 3614 istinad edilib.

Azərbaycandan iki ali təhsil müəssisəsinin yer aldığı reytinqdə Bakı Dövlət Universiteti isə 2787 istinadla ikinci yerdə qərarlaşıb.

Qeyd edək ki, UNEC reytinqdəki mövqeyinə görə bir cox Amerika və Avropa universitetlərini qabaqlayıb.

39
Teqlər:
Google Akademik, birinci, "Webometrics" reytinq agentliyi, BDU, UNEC
Əlaqədar
UNEC-də tədris və imtahanların təşkili qaydaları dəyişdi
UNEC Rusiyada beynəlxalq sərgidə çıxış edib
UNEC magistrləri daha bir cəlbedici təklif
UNEC-dən tələbələrə inanılmaz fürsət – 4 ilə 2 diplom!
Fransalı rektor: "UNEC çox yaxşı universitetdir"
Millət vəkili: "UNEC öz adını dünyanın ən nüfuzlu universitetləri sırasına yazacaq"
UNEC Avropa təhsil məkanına inteqrasiyanı genişləndirir
Mahmud Əhmədinejad

Mahmud Əhmədinejat yenidən İran prezidentliyinə namizədliyini irəli sürüb

6
(Yenilənib 13:18 12.05.2021)
O, bu gün səhər öz tərəfdarları ilə birlikdə Daxili İşlər Nazirliyinin binasına gələrək namizədliyinin qeydə alınmasına dair sənədləri təqdim edib.

BAKI, 12 may - Sputnik. İranın sabiq prezidenti Mahmud Əhmədinejat qarşıdan gələn prezident seçkilərində iştirak etmək üçün namizədliyini irəli sürüb.

Sputnik Azərbaycan APA-ya istinadla xəbər verir ki, o, bu gün səhər öz tərəfdarları ilə birlikdə Daxili İşlər Nazirliyinin binasına gələrək namizədliyinin qeydə alınmasına dair sənədləri təqdim edib.

Namizədlərin qeydiyyatının ikinci günü həmçinin İran parlamentinin spiker müavini Əmirhüseyn Qazizadə Haşimi də öz namizədliyini irəli sürüb. Bundan başqa, Əhmədinejadın prezidentliyi dövründə kənd təsərrüfatı naziri işləmiş Sadiq Xəlilyan da namizədliyini irəli sürüb.

Qeyd edək ki, İranda ötən gündən prezidentliyə namizədlərin qeydiyyatı başlayıb. Namizədlərin siyahısına daxil olmaq üçün müraciətlər mayın 15-dək qəbul ediləcək.

İranda 13-cü prezident seçkiləri iyunun 18-nə təyin edilib. Qanunlara görə, seçkidə iştirak etmək istəyənlər qeydiyyatdan keçdikdən sonra İran Konstitusiyasının Mühafizə Şurası (Konstitusiya Qəyyumları Şurası) tərəfindən təsdiqlənməlidir. Şura tərəfindən təsdiqlənən namizədlərin adları mayın 26-da açıqlanacaq. Mayın 28-də isə seçkiqabağı təbliğat kampaniyası başlayacaq və iyunun 16-dək davam edəcək.

Qeyd edək ki, namizədlərin qeydiyyatının ilk günü 57 nəfər qeydiyyata alınıb.

 

6
İsrailin Iron Dome sistemləri Qəzza zolağında buraxılan raketləri zərrəsizləşdirir

Qəzza zolağından İsrailə mindən çox raket atılıb

8
(Yenilənib 13:15 12.05.2021)
Yonatan Konrikus: "Bu müddət ərzində İsrail ərazisinə 860 raket atılıb ki, bu raketlər sərhədi keçib və təxminən 200 raket sərhəd hasarını keçmədən sektor ərazisində partlayıb"

BAKI, 12 may - Sputnik. Mayın 10-dan Qəzza zolağından İsrailə mindən çox raket atılıb.

Sputnik Azərbaycan xarici mediaya istinadla xəbər verir ki, bu barədə İsrail Müdafiə Nazirliyinin sözçüsü Yonatan Konrikus keçirdiyi brifinq zamanı bildirib. 

O qeyd edib ki, fələstinli islamçılara qarşı İsrail Müdafiə Qüvvələrinin əməliyyatı artıq 38 saatdan çoxdur davam edir.

"Bu müddət ərzində İsrail ərazisinə 860 raket atılıb ki, bu raketlər sərhədi keçib və təxminən 200 raket sərhəd hasarını keçmədən sektor ərazisində partlayıb", - deyə Konnrikus bildirib. 

Həmçinin oxuyun:

Təl-Əviv qan içindədir: Radikalların atdığı raketlərdən biri avtobusu partladıb

İsrail Həmas və "İslami Cihad"ın mövqelərinə 80 təyyarə ilə zərbələr endirib

8
Teqlər:
Fələstin, Qəzza bölgəsi, Qəzza zolağı, Qəzza, İsrail