Gənc qadın

Qadınlar, bu ölkələrə getməyin: Sizi zorlaya bilərlər!

990
(Yenilənib 00:52 28.06.2018)
The Thomson Reuters Foundation sorğular əsasında dünyanın qadınlar üçün ən təhlükəli ölkələrinin adlarını açıqlayıb.

BAKI, 28 iyun — Sputnik. The Thomson Reuters Foundation sorğular əsasında dünyanın qadınlar üçün ən təhlükəli ölkələrinin adlarını açıqlayıb.

Bu ölkələr arasında birinci yeri Hindistan tutub. Ondan sonra qadınlar üçün təhlükəli olan ölkələr belə sıralanır: Əfqanıstan, Suriya, Somali, Səudiyyə Ərəbistanı, Pakistan, Konqo Demokratik Respublikası, Yəmən, Nigeriya və ABŞ.

Sputnik Azərbaycan xarici mediaya istinadla xəbər verir ki, 7 il əvvələdək Hindistan bu reytinqdə 4-cü yeri tuturdu.

Hindistanın qadınlarla dost olmayan ölkələr siyahısında ilk yeri tutmasına səbəb bu ölkədə zərif cinsin nümayəndələrinə qarşı seksual zorakılıq riskinin yüksək olması və qadın əməyinin istismarıdır. Hindistanda qul əməyi günümüzdə də aktualdır. Onlar seks köləsi olmaqla yanaşı, həm də qul kimi istismar edilirlər. Bəzi əyalətlərdə qız uşaqları kiçik yaşlarından başqa ailələrə kölə kimi verilir. Bəzən ailə törətdiyi hansısa cinayətin bədəlini, yaxud da borclarını ödəmək üçün, eləcə də qan düşmənçiliyinə son qoymaq, yaxud da intiqam məqsədilə öz qızını qarşı tərəfə kölə kimi verməli olur.

Sözügedən hesabat iyunun 26-da The Thomson Reuters fondu tərəfindən açıqlanıb.

Hindistanda təcili yardım avtomobili
© AFP 2021 / SAJJAD HUSSAIN

Hesabatda bildirilir ki, qadınlara qarşı təhlükənin yüksək olması milli-mədəni ənənələrlə bağlıdır. Hindistanda tez-tez qadınların üzünü və digər orqanlarını kimyəvi turşu (kislota) ilə yandırmaq, qadınları sünnət etmək, cinsi orqanlarına xəsarət yetirmək, yaxud onları qəsdən eybəcər hala salmaq, uşaq nikahları və fiziki zorakılıq halları qeydə alınır. Hindistan 7 il əvvəl aparılan araşdırmalar zamanı da qadın hüquqlarının ən qəddarcasına pozulduğu ölkələrdən olub və olkə rəhbərliyinə bu barədə beynəxalq təşkilatlar tərəfindən xəbərdarlıq edilib. Lakin indiyədək heç bir tədbir görülməyib. Nəticədə Hindistanın anti-reytinqi 4-cü yerdən 1-ci yerə yüksəlib.

"Hindistan qadınların hüquqlarına tamamilə diqqət yetirməyib: zorlama, həmçinin nikahda olarkən qadınlara qarşı zorakılıq, cinsi hücumlar və təcavüz, qız uşaqlarının öldürülməsi halları azalmayıb" — deyə Thomson Reuters fonduna Hindistanın Karnataka ştatı hökumətinin məmuru Mancunat Qanqadxara (Manjunath Gangadhara) bildirib.

Qadınlara qarşı zorakılıq məsələsində Hindistanı məmnuniyyətlə təqib edən digər 9 ölkədə də (Əfqanıstan, Suriya, Somali, Səudiyyə Ərəbistanı, Pakistan, Konqo Demokratik Respublikası, Yəmən, Nigeriya və ABŞ) vəziyyət təqribən eynidir. MeToo hərəkatının məlumatına görə, Amerika qadınlara qarşı zorakılıq həddinin yüksək olduğu yeganə Qərb ölkəsidir. Bu ölkədə qadınlara qarşı şiddət 2017-ci ildə ortaya çıxan film sənayesində də yüksək səviyyədə əksini tapıb.

Sorğuda ölkələrin zorakılıq və diskriminasiya ilə bağlı başlıca problemlərini qiymətləndirən 550 qadın hüquqları üzrə ekspert iştirak edib.

Thomson Reuters fondu 1982-ci ildə ABŞ və Böyük Britaniyanın xeyriyyə təşkilatı kimi qeydiyyatdan keçib. Fond KİV-in inkişafı, qadın hüquqlarının müdafiəsi, korrupsiya ilə mübarizə və pulsuz hüquqi yardım göstərməklə məşğuldur.

990
Teqlər:
Kongo, Nigeriya, Səudiyyə Ərəbistanı, Suriya, Amerika, Böyük Britaniya, Pakistan, ABŞ, The Thomson Reuters Foundation, Manjunath Gangadhara, Hindistan
Əlaqədar
Qadınlar haqqında maraqlı statistika açıqlandı
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Rusiya hər üç Cənubi Qafqaz ölkəsi üçün əsas ticarət partnyorudur”

1
(Yenilənib 16:46 22.06.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, “3+3” formatında ölkələrin ümumi iqtisadiyyatı 3 trilyon dollara yaxındır
Vüsal Qasımlı: “Yeni format iqtisadi baxımdan böyük potensial vəd edir”

““3+3” formatı ölkələrinin kəsişmə coğrafiyası Cənubi Qafqaz, kənar həlqəsi isə Rusiya, Türkiyə və İrandır”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

O bildirib ki, Azərbaycan Cənubi Qafqazın siyasi, iqtisadi və hərbi cəhətdən lideri olmaqla bu formatın həm özəyində, həm də kənar həlqəsində həlledici mövqeyə malikdir: “Azərbaycan Qarabağ konfliktini uğurla həll etməklə, Cənubi Qafqazda sülh, təhlükəsizlik və inkişaf üçün zəmin hazırlayıb və “3+3” formatına əsaslar yaradıb.  “3+3” formatında ölkələrin ümumi iqtisadiyyatı 3 trilyon dollara yaxındır ki, bu da ABŞ, Çin, Yaponiya və Almaniyadan sonra dünyanın 5-ci ən böyük iqtisadiyyatı deməkdir: Bu miqyaslar onu göstərir ki, yeni format təkcə siyasi və təhlükəsizlik deyil, həm də iqtisadi baxımdan böyük potensial vəd edir. Cənubi Qafqaz ölkələri Avropa İttifaqı ilə Avrasiya İttifaqı bazarlarına oriyentasiya götürüblər, amma regional identiklik zəifdir. Hansı ki, regional ticarətin inkişafı da iqtisadi artım üçün əsaslar yarada bilər. Rusiya hər üç Cənubi Qafqaz ölkəsi üçün əsas ticarət partnyorudur, Gürcüstan və Azərbaycan üçün ikinci ən böyük ticarət partnyoru Türkiyədir. “3+3” formatı təkcə Cənubi Qafqazda regional ticarətə deyil, həm də Türkiyə, Rusiya və İranın da öz aralarında ticarət həcminə təsir göstərə bilər”.

Vüsal Qasımlının fikirlərinə audiofaylda qulaq asa bilərsiniz

 

1
Qəbələyə mənzərə, arxiv şəkli

Ölkə xaricində istirahətdən həzz almaq olmur - Həmvətənlərimizin yay planları

22
(Yenilənib 01:46 23.06.2021)
Pandemiya qaydaları yumşaldıqca, havalar istiləşdikcə yay arzularını, istirahət planlarını gerçəkləşdirmək istəyənlərin sayı artır. Azərbaycanda bu mövsüm üçün insanların hansı planlar qurduqlarını araşdırdıq.

BAKI, 23 iyun - Sputnik. Tətil, məzuniyyət mövsümü olan yay Azərbaycanda güclü istilərlə başlayıb. Bir neçə gündür ki, ölkənin bəzi bölgələrində temperatur 40 dərəcə Selsini keçir. Hələ Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyevanın anomal istilərlə bağlı açıqlaması və Nazirlər Kabineti yanında Operativ Qərargahın karantin rejimində yumşalmalara getməsi də istirahəti sağlamlığa faydalı və maraqlı keçirmək əndişələrini aktuallaşdırıb.

İstirahət planı - olan var, olmayan var

Karantin şərtlərinin yumşaldıldığını nəzərə alaraq, insanların yay istirahəti ilə bağlı planlarını öyrənmək və pandemiyanın səyahət planlarına təsirini müəyyənləşdirmək üçün Media Təhlil Mərkəzi tərəfindən keçirilən sorğuda respondentlərin 47,5%-i yay ayları üçün istirahət planı olmadığını deyib. Cavab verənlərin 36,7%-i bölgələrə, 8%-i xarici ölkəyə səyahət edəcəyini bildirsə də, 7,8%-i isə yayı bağ evində keçirəcəyini qeyd edib.

Qeyd edək ki, sorğuda iştirak edən 760 respondentin 48%-ni qadınlar, 52%-ni kişilər təşkil edib.

Favorit - sərinlikdir

Sorğuya əsasən, insanların daha çox hansı bölgələrdə istirahətə üstünlük verdiyini müəyyənləşdirmək mümkün olub. Bir neçə variant seçmək imkanına malik olan respondentlərin cavabları aşağıdakı kimidir:

Lənkəran – 33%; Şəki-Zaqatala – 32%; Quba-Xaçmaz – 29%; Qarabağ – 29%; Gəncə-Qazax – 19%;

Aran – 18%; Şirvan – 8%; Naxçıvan – 5%. Respondentərin 29 faizi isə bölgələrə getməyi planlaşdırmadığını deyib. Göründüyü kimi, insanlar daha çox havası sərin olan bölgələrimizə üz tutmağa üstünlük verirlər.

Dost-qohum maşınları trenddə, xaricdən həzz alan azalıb

Rəyi soruşulan həmvətənlərimizin 35%-i dost və ya qohumuna məxsus avtomobillə ölkə daxilində səyahət etdiklərini söyləyib. Bölgələrə şəxsi maşını ilə gedənlər cavab verənlərin 29%-ni təşkil edib. Sərnişin avtobusu ilə səyahət edənlər sorğu iştirakçılarının 22%-ni, müxtəlif turlara qoşulanlar 13%-ni əhatə edib. Respondentlərin 1%-i isə təyyarə ilə səyahətə üstünlük verdiyini bildirib.

Pandemiya bitənədək xarici ölkəyə səyahət planlarını təxirə salanlar respondentlərin 12%-ni təşkil edib. Sorğu iştirakçılarının 28%-i bildirib ki, qadağaların davam etdiyi müddətdə ölkə xaricində istirahətdən həzz almaq olmur. Respondentlərin 10%-i xarici ölkəyə səyahətə məhdudiyyət qoymadığını, 50%-i isə əvvəllər də xaricə səyahət etmədiyi üçün hazırkı vəziyyətin istirahət planlarına heç bir təsirinin olmadığını dilə gətiriblər.

Cibdə varsa pul...

Başqalarının istirahətə nə qədər pul xərclədiyi həmişə maraq doğurur - həm məkanları müqayisə edə bilirsən, həm də büdcəni planlaşdırırsan. 

MTM-in keçirdiyi sorğudakı respondentlərin 67%-i yay istirahətinə 300-500 AZN, 15%-i 500-700 AZN, 9%-i 700-1000 AZN, 9%-i isə 1000 AZN-dən çox vəsait ayırdığını qeyd edib.

Bu mövsüm bölgələrdə istirahətin nisbətən baha olacağı gözlənilir. Məsələn, populyar istiqamətlərdən olan Şəki-Zaqatala-Qax bölgəsində günlük kirayə evlərin qiyməti indidən artıb. 

Ötən il yayda paytaxtdan bölgələrə getməklə bağlı məhdudiyyət olduğundan rayonlara üz tutanların sayı xeyli azalmış, bu səbəbdən də günlük kirayə evlərin qiymətləri də xeyli enmişdi. Şəkidə də günlük evlərin kirayəsi 5 dəfəyədək ucuzlaşmışdı. 100, 80 manatlıq evlər ötən il 30-20 manata zorla müştəri tapsa da, bu il maklerlər və yerli sakinlər evləri yenə 80-100 manata razılaşma yolu ilə verə biləcəklərini söyləyirlər.

Aviasəyahət

Azərbaycanda avqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

Azərbaycan Hava Yolları (AZAL) bir müddət əvvəl bildirmişdi ki, iyun ayından Bakıdan Bodrum və Dalaman kurortlarına xüsusi reyslər açılacaq. Bu istiqamətdə uçuşlar iyunun 25-dən başlanır. Cədvələ görə, Bakı-Bodrum-Bakı reysləri hər gün, Dalamana və geriyə uçuşlar isə həftədə üç gün - bazar ertəsi, çərşənbə və cümə günləri yerinə yetiriləcək.

Buta Airways aviaşirkəti də Bakıdan Alanyaya uçuşları bərpa edərək Ankaraya reyslərin sayını artırıb. 

İyulun 3-dən aviaşirkət Bakı-Alanya-Bakı reyslərinə start verir. Uçuşlar həftədə bir dəfə - şənbə günləri gerçəkləşəcək.

Ankaraya uçuşların sayı da artır: iyunun 19-dan Buta Airways Türkiyə paytaxtına həftədə üç dəfə - bazar ertəsi, cümə axşamı və şənbə günləri reyslər təşkil edəcək.

Azərbaycan ərazisinə isə Rusiya və Türkiyə (iyunun 10-dan) ilə yanaşı, ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətərdən (iyunun 21-dən) uçuşlara icazə verilir.

Eləcə də oxuyun:

  • Rusiyaya getmək istəyən azərbaycanlıların nəzərinə - Qaydalar dəyişir

  • Azərbaycanın bölgələrində günlük kirayə ev bazarı canlanıb

  • Azərbaycan turizmi yeni mövsümə hazırdırmı? – Samir Dübəndi danışır

  • AZAL sərnişindaşıma ilə bağlı bir sıra məqamlara aydınlıq gətirib

  • Azərbaycanda gəlmə turizmə "yaşıl işıq" - Siyahı artırıla bilər

  • Umayra Tağıyeva çimərliklərlə bağlı qadınlara müraciət edib

22