Bakı-Sumqayıt yolu

Bakı Sumqayıt əhalisinin görəcəyi gün qabaqdaymış - Əzablı bir ay başladı

15674
(Yenilənib 10:16 22.06.2018)
Bakı-Sumqayıt yolunun 6-18 kilometrlik hissəsində təmir işlərinə başlanıb

Təranə Xudabaxşiyeva, Sputnik Azərbaycan

BAKI, 22 iyun — Sputnik. Bakı-Sumqayıt magistralı hər zaman oradan istifadə edən sürücülər və sərnişinlərin ən çox vaxt itirdiyi yoldur. Bu yolda, nəinki dəqiqələrlə, hətta saatlarla belə, tıxacda qalanlar olur. Bir sözlə, Bakı-Sumqayıt yolu oradan keçənlər üçün, sözün əsl mənasında, kabusa çevrilir.

Bu günlərdə sözügedən yoldan istifadə edən insanların problemlərinin üzərinə biri də əlavə olunub. Belə ki, bir neçə gün öncə Avtomobil Yolları Dövlət Agentliyi (AYDA) Bakı-Sumqayıt yolunun 6-18 kilometrlik ərazisində (Bakı Beynəlxalq Avtovağzalından üzü "Xırdalan dairəsi"nədək) yenidən təmir işlərinə başlayıb. Bu da həmin yoldan istifadə edənlər üçün əsl cəhənnəmə çevrilib.

Sputnik Azərbaycan yolun təmir səbəbini, təmirin nə zaman bitəcəyini, həmçinin gələcəkdə bu yola alternativ bir yolun çəkilib-çəkilməyəcəyini araşdırıb. AYDA-nın mətbuat xidmətinin rəhbəri Anar Nəcəfli deyib ki, təxminən 1 ay müddətində təmir işləri tamamlanacaq.

"Artıq bir neçə gündür Bakı-Sumqayıt yolunun 6-18 kilometrlik hissəsində təmir işlərinə başlanıb. Həmin ərazidə asfalt-beton örtüyü yenilənir. Uzun müddətdir ki, həmin ərazinin asfalt-beton örtüyü tam yenilənmirdi. Ola bilər, hissə-hissə hansısa yollarda təmir gedib" — qurum sözçüsü bildirib.

Anar Nəcəfli əlavə edib ki, Bakı-Sumqayıt yolunda hər gün pik saatlarda sıxlıq olur: "Yolun təmiri sıxlığa qismən təsir edə bilər, amma ümumilikdə yol bağlanmayacaq".

Alternativ yoldan istifadə
©Karikatura
Alternativ yoldan istifadə

AYDA təmsilçisi alternativ yol məsələsinə də aydınlıq gətirib: "O yola alternativ yol çəkilməsi qeyri-mümkündür. Çünki yolun sağı da, solu da yaşayış məntəqələridir. Yalnız həmin ərazidəki yaşayış məntəqələrinin daxilindən keçən yollardan istifadə etmək olar. Gələcəkdə ola bilsin, mühəndislər yeni layihə düşünsünlər. Bu gün isə belə bir addım atılması mümkün deyil".

Yol
© Official website of President of Azerbaijan Republic

Sözügedən yolda asfalt qazıntısı və yeni yolun çəkiləcəyi barədə ictimaiyyətə məlumat verilib-verilmədiyinə dair sualımıza Nəcəfli müsbət cavab versə də, nə redaksiyamıza belə bir xəbərdarlıq məlumatının gəldiyini xatırlayırıq, nə də digət mətbu orqanlarda belə bir elana rastlamışıq.

Yol-nəqliyyat məsələləri üzrə ekspert Tural Yusifov isə bildirib ki, əvvəlki illərdə yollar çəkilən zaman problem mövcud olub: "Yollar çəkilən zaman bəzi məsələlər nəzərə alınmayıb. Xüsusilə Bakı Beynəlxalq Avtovağzalının giriş və çıxışında böyük problemlər var idi. Avtovağzal XXI əsrdə tikilsə də, 19-cu əsrin tələblərinə cavab verən bir tikilidir. İndi orada yenidənqurma işləri gedir. Yəqin ki, həmin ərazidə də təmir işləri aparılacaq".

Ekspert müəyyən yolların tez-tez təmirə bağlanmasına da aydınlıq gətirib: "Buna səbəb iş başa çatandan sonra yuxarıdan nəzarətin olmamasıdır. Yəni heç kim maraqlanmır ki, bu işin sonu necə oldu. İşlərin əksəriyyəti yarımçıq qalır. Ona görə də belə problemlər yaranır".

T.Yusifov qeyd edib ki, tıxacların yaranmasının bir səbəbi də yol təmiri işlərinin səhər saatlarında, insanların yollardan sıx istifadə etdiyi zaman aparılmasıdır: "Halbuki, dünyanın bir çox ölkələrində yolların salınması və təmiri gecə saatlarında həyata keçirilir".

"Bakı-Sumqayıt yolunda hər zaman problem mövcud olması yolun əvvəlcədən səhv salınmasından qaynaqlanır. Bu əraziyə alternativ yol çəkmək daha çətin olacaq və baha başa gələcək. Bu yol butulka formasındadır. Yəni 6 zolaqlı yol, hətta iki zolağa kimi azalır. Bu da tıxaca və sıxlığa səbəb olur" — deyə ekspert vurğulayıb.

Müsahibimizin fikrincə, bu problemin bir həlli yolu var: "Həmin yolun 6 zolağı yolun sonuna kimi davam etməlidir. Bunun üçün həmin zolaqları düzəltmək lazımdır. Əks təqdirdə, problem öz həllini tapmadan qalacaq".

15674
Teqlər:
Tural Yusifov, yol örtüyü, 6-18 kilometrlik ərazi, Bakı-Sumqayıt magistralı, AYDA, Avtomobil Yolları Dövlət Agentliyi, alternativ yol, Bakı Beynəlxalq Avtovağzalı, beton, asfalt, təmir, Anar Nəcəfli, Bakı-Sumqayıt yolu, ekspert
Əlaqədar
Bakı-Sumqayıt yolunda yenə tıxac yaşanacaq
Bakı və Sumqayıt sakinlərinin nəzərinə!
Bakı-Sumqayıt yolundakı qəza ölümlə nəticələnib
Bakı və Sumqayıt arasında “çörək müharibəsi”: İki şəhəri üz-üzə qoydular
Bakı və Sumqayıtda böyük söküntü dalğası gözlənilir, üstəlik kompensasiya ödənilmədən
Bakı və Sumqayıt sakinlərinin diqqətinə!

"Qafqazın Xirosiması" - fransız kanalı Ağdamı belə adlandırdı

10
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

10
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

56
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

56
Teqlər:
mina, Füzuli rayonu, Füzuli, ANAMA