Azarkeşlər

DÇ-2018: Bu gün hansı oyunlar keçiriləcək

604
(Yenilənib 04:19 21.06.2018)
Günün ən maraqlı qarşılaşması Bakı vaxtı ilə 22:00-da baş tutacaq

BAKI, 21 iyun — Sputnik. Rusiyada keçirilən futbol üzrə dünya çempionatında daha bir neçə oyun keçiriləcək. Sputnik Azərbaycan xəbər verir ki, C və D qruplarında mübarizə aparacaq millilər ikinci turda mübarizəyə qatılacaq.

Günün ilk oyununda Bakı vaxtı ilə saat 16:00-da Danimarka və Avstraliya milliləri qarşılaşacaq. Samarada “Kosmos Arena”da baş tutacaq oyunda dünya çempionatında mübarizəni davam etdirmək üçün Avstraliya millisi mütləq qalib gəlməlidir.

Günün ikinci qarşılaşması isə Yekaterinburqda baş tutacaq. Burada Fransa və Peru milliləri üz-üzə gələcək. İlk oyunda Avstraliya önündə əzmkar qələbə qazanan fransızlar bunun təsadüf olmadığını sübut etməyə çalışacaq.

Günün ən maraqlı qarşılaşması isə Bakı vaxtı ilə 22:00-da baş tutacaq. D qrupunda Argentina və Xorvatiya milliləri qarşılaşacaq. İlk oyundan sürpriz şəkildə İslandiya millisi ilə heç-heçə edən Cənubi Amerika təmsilçinə qrupun lideri ilə qarşılaşmada yalnız qələbə sərf edir. Əks halda Messi və onu komandasının qrupdan çıxmaq şansları lap azalacaq. Oyun Nijni Novqorod şəhərinin mərkəzi stadionunda baş tutacaq.

604
Teqlər:
dünya çempionatı, Rusiya, oyun, futbol
Mövzu:
Futbol üzrə dünya çempionatı (90)
Əlaqədar
DÇ-2018: İspaniya millisinin çətin qələbəsi
DÇ-2018: Uruqvay növbəti mərhələyə keçdi
DÇ-2108: Portuqaliya çətin qələbə qazandı
DÇ-2018: Rusiya tarixində ilk dəfə 1/8 finalda
DÇ-2018: "Qara oğlanlar"ın əzmkar qələbəsi
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

20
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

20
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

8
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

8