BakuBus MMC-nin avtobusları

“BakuBus” sərnişinlərin həyatını təhlükəyə atan sürücülərin görüntüsünü yaydı

125
(Yenilənib 13:19 13.06.2018)
“BakuBus” avtobuslarının yoluna çıxan avtomobillərin yaratdığı təhlükəli vəziyyətlərlə bağlı görüntülər yayıb

BAKI, 13 iyun — Sputnik. Bəzi sürücülərin idarə etdikləri nəqliyyat vasitələrini “BakuBus” MMC-yə məxsus avtobusların yoluna çıxararaq təhlükəli vəziyyətlər yaratması narahatlıq doğurur.

“BakuBus”ın mətbuat xidmətindən Sputnik Azərbaycan-a verilən məlumata görə, “BakuBus” MMC-yə məxsus avtobusları idarə edən sürücülər digər nəqliyyat vasitələri sürücülərinin yol-hərəkət qaydalarını pozması nəticəsində yaranan təhlükəli vəziyyətlər zamanı qəzalardan yayınmaq məqsədilə əyləcdən istifadə etmək məcburiyyətində qalır. Bu hal isə sərnişinlərdə narahatlıq yaradır və onlar “BakuBus” MMC-yə müraciət edirlər.

Автобусы в Баку, фото из архива
© Sputnik / Murad Orujov

“BakuBus” MMC-yə sərnişin tərəfindən edilən müraciətin araşdırılması zamanı məlum olub ki, 24 may 2018-ci il tarixində saat 12:37-də Hüseyn Cavid prospektində 3 nömrəli marşrut xətti üzrə hərəkət edən, “BakuBus” MMC-yə məxsus avtobusun qarşısına qəflətən minik avtomobili çıxıb. Baş verə biləcək qəzadan yayınmaq üçün avtobusun sürücüsü əyləcdən istifadə etmək məcburiyyətində qalıb. Bu zaman avtobusda olan bəzi sərnişinlər yıxılıb.

Həmçinin, 29 may 2018-ci il tarixində saat 09:37-də 5 nömrəli marşrut xətti üzrə hərəkət edən “BakuBus” MMC-yə məxsus avtobusla bağlı Rəşid Behbudov küçəsində oxşar hadisə baş verib.

“BakuBus” MMC bütün sürücüləri yol-hərəkət qaydalarına əməl etməyə, idarə etdikləri nəqliyyat vasitələrini avtobusların hərəkət zolağına çıxarmamağa və təhlükəli vəziyyətlər yaratmamağa çağırır.

24.05.2018 və 29.05.2018-ci il tarixlərində “BakuBus” MMC-yə məxsus avtobusların yolunda yaranan təhlükəli vəziyyətlərə dair görüntüləri təqdim edirik:

125
Teqlər:
sərnişin, "BakuBus" MMC, sürücü, müraciət, təhlükə
Əlaqədar
"BakuBus" məsuliyyəti piyadanın üzərinə qoydu: Yola özü çıxıb
Sərnişinlərə şad xəbər: “BakuBus”-ın problemi həll olundu
"BakuBus"-ın sərnişinləri niyə istidən "bişirdiyinə" aydınlıq gətirildi
"BakuBus"da ağlasığmaz oğurluq
Xəbəriniz olsun: Daha bir marşrut xətti "BakuBus"a verilir
"BakuBus" gediş haqlarının qaldırılacağı xəbərini təkzib etmir...