BAKI, 8 iyun — Sputnik. Şəki-Bakı marşrutu ilə sərnişin daşıyan mikroavtobus Şamaxı rayonu ərazisində qəzaya uğrayıb, yaralılar var. Sputnik Azərbaycan "Report"a istinadən xəbər verir ki, hadisə rayonun Mirikənd ərazisində baş verib.
Şəkidən Bakıya sərnişin aparan "Ford" markalı mikroavtobus idarəetməni itirərək öncə "Mercedes" markalı avtomobilə çırpılıb, daha sonra yoldan çıxaraq aşıb. Qəza nəticəsində 13 nəfər yaralanıb. Müxtəlif bədən xəsarətləri almış yaralılar xəstəxanaya yerləşdirilib.
Qəza zamanı xəsarət alanların, artıq adları da məlum olub. Xəsarət alan şəxslər bunlardır: Rzayev İlham Baxış oğlu, Rəhimov Qurban Ağakər oğlu, Səmədova Qızılgül Badəddin qızı, Babayev Süleyman Atabala oğlu, Məmmədli İbrahimxəlil, Məmmədov Toğrul, Ömərov Yaqub, Məmmədov Röyal, Darçınova Bəsti, Abdulrəhmanov İlham Akif oğlu, Ağabalayev Humar Talıb oğlu, Zamanova Raidə Zaman qızı və Xəyal Rüstəmov (əməliyyat olunub).
Faktla bağlı araşdırma aparılır.
