Tapança, pullar və zinət əşyaları, arxiv şəkli

"Lotu Quli" bu sahəyə nəzarəti tam ələ keçirmək üzrədir

1091
(Yenilənib 10:06 08.06.2018)
Azərbaycanlı alverçilər onlara himayədarlıq edənlərlə sıx bağlıdırlar və problem ondadır ki, heç də həmişə azərbaycanlılar arasında baş verən cinayətlər barədə məlumat Rusiya hüquq-mühafizə orqanlarına çatmır

Ramella İbrahimxəlilova, Sputnik Azərbaycan

BAKI, 7 iyun — Sputnik. Azərbaycanlı kriminal avtoritet, "Lotu Quli" ləqəbi ilə tanınan "qanuni oğru" Nadir Səlifovun Azərbaycan mafiyasının bossu olması üçün bütün zəruri göstəriciləri var.

Bunu kriminal dünyada baş verənlərlə bağlı Rusiya KİV-lərində yayılan məlumatları Sputnik Azərbaycan-a şərh edən "Fontanka.ru" nəşrinin jurnalisti, Sankt-Peterburq Dövlət Daxili İşlər İdarəsinin cinayət-axtarış şöbəsinin keçmiş əməkdaşı, "Tulski-Tokarev", "Tanış-yad", "Kənar müşahidə" kitablarının Andrey Konstantinovla ("Banditskiy Peterburq") birgə həmmüəllifi Yevgeni Vışenkov deyib. Onun sözlərinə görə, əvvəllər Azərbaycanın kriminal elementlərinin iki qəhrəmanı vardı: Rövşən Canıyev (Rövşən Lənkəranski) və uzun illər oturduğu cəzaçəkmə müəssisələrində özü üçün yaxşı əlaqələr qurmuş "Lotu Quli". Amma 2016-cı ilin avqustunda Rövşən Canıyevi İstanbulda öldürdülər. 

"Qaldı biri və o adam azadlığa çıxdı. O adamın özünü göstərmək və meyvə-tərəvəz alverinə nəzarəti ələ keçirmək üçün bütün imkanları var. Azərbaycanlıların tarixən ticarətlə əlaqəsi olub. Şifahi razılaşma əsasında azərbaycanlıların qrupları öz həmyerlilərinin biznesinə nəzarət edirlər. Ekonom-sinif sektorunda ictimai iaşə müəssisələrinin 50%-dən çoxunun rəhbəri azərbaycanlılardır. Bütün Rusiya üzrə göyərti, meyvə-tərəvəz topdanşatış bazaları yayılıb. Bu, azərbaycanlıların nəzarətində olan böyük miqdarda pullardır" — Vışenkov bildirib.

Azərbaycanlı alverçilər onlara himayədarlıq edənlərlə sıx bağlıdırlar və problem ondadır ki, heç də həmişə azərbaycanlılar arasında baş verən cinayətlər barəsində məlumat Rusiya hüquq-mühafizə orqanlarına çatmır. Elə hallar olub ki, polislər Azərbaycan diasporunun nümayəndəsinin oğurlandığını eşidəndə girovun qohumlarına zəng edərək bunu dəqiqləşdirmək istəyiblər. Girovun yaxınlarına təqribən belə bir sualla müraciət ediblər: "Eşitmişik, sizin qızınızı oğurlayıblar". Lakin girovun yaxınları etiraf etməyərək deyiblər ki, heç nə baş verməyib. Onlar özləri problemlərini qapalı rejimdə həll edirlər. Əgər istintaqın versiyası ilə "qanuni oğru" Hacıbaba Talıbxanlı (Hacı Beyləqanski) tərəfindən öldürülənlərin siyahısında qalan 7 nəfər azərbaycanlı çıxsa, heç kim təəccüblənməyəcək.

Qeyd edək ki, Beyləqanski mayın 31-də Moskvanın "Belıy dom" restoranında saxlanılıb. Rövşən Lənkəranskinin keçmiş sağ əli olan Beyləqanski son illərdə Türkiyədə yaşayıb, lakin bu ilin aprelində mərhum Canıyevin qohumu Zaur Əhmədovun köməyi ilə "Lotu Quli"yə qarşı koalisiya yaratmaq və iri topdansatış alverçilərini öz tərəfinə çəkmək üçün Moskvaya gedib. Azad edildikdən sonra Quli meyvə-tərəvəz bazalarına nəzarəti ələ keçirməkdə xüsusilə fəaldır. 

Rusiya İstintaq Komitəsindən verilən məlumata görə, Talıbxanlıya qarşı RF İstintaq Məcəlləsinin 30-cu, 105-ci və 222-ci maddələri üzrə ittiham irəli sürülüb. Söhbət qətldən, qətlə cəhddən və qeyri-qanuni silah dövriyyəsindən gedir. İstintaqın məlumatına əsasən, Beyləqanski 2012-ci ildə "qanuni oğru" İlqar Əliyevi (İlqar Danabaş) güllələyib. Sonuncu Aslan Usoyanın (Ded Xasan) klanında Azərbaycan diasporası ilə əlaqələrə cavabdeh imiş və azərbaycanlıların bizneslərinə nəzarət edirmiş. 52 yaşlı Əliyev rəfiqəsi ilə birlikdə aprelin 19-da "Toyota Land Cruiser" avtomobilində Presnenski bulvarında olarkən naməlum şəxs avtomobilin şüşəsindən onlara bir neçə dəfə atəş açıb. Əliyev həlak olub, qız isə ağır yaralanıb. 2013-cü ilin yanvarında snayper tüfəngindən açılan atəşlə Danabaşın himayədarı Ded Xasan öldürülüb. Güman edilir ki, İlqar Əliyevin, həmçinin Ded Xasanın qətlinin arxasında Rövşən Lənkəranski dayanır.

Vışenkovun sözlərinə görə, "Quli" alverçilərin biznesinə himayədarlıq edərək xərac alsa da, hələlik göyərti və meyvə-tərəvəz bazarlarının tam nəzarətçisinədək yüksəlməyib.

"Hacı Beyləqanski tərəfindən öldürülmüş adamlara gəldikdə, onların adları, Usoyan və Danabaşdan savayı, Rusiya hüquq-mühafizə orqanlarının əməkdaşlarına heç nə demir. Bizdə kriminal avtoritetlərlə DİN-də iki kiçik şöbə məşğul olur. Əgər əməkdaşları bir yerə toplasaq, onlar bir xırda kafeyə yerləşərlər" — deyə Vışenkov bildirib.

Qeyd edək ki, Səlifovun mövqeləri Uralda, cənubda və Mərkəzi Rusiyanın bəzi bölgələrində güclüdür.

1091
Əlaqədar
Afaq Aslan Lotu Quli ilə sevgi münasibətlərindən danışdı
Sankt-Peterburqda Lotu Qulinin adamı güllələndi
"Lotu Quli"nin yaxın adamı Ağstafada tutuldu
"Lotu Quli"ni söyən avtoritetin arvadı öldürüldü
Kriminal aləmdə yeni müharibə gözlənir: Erməni “qanuni oğru” Lotu Quliyə şər atıb
ABŞ Prezidenti Donald Tramp, arxiv şəkli

"Rusiya bunu çox istəyir" - Tramp

11
(Yenilənib 23:29 12.08.2020)
Avqustun 16-18-də Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək

BAKI, 12 avqust — Sputnik. Birləşmiş Ştatlar Prezidenti Donald Tramp Rusiyanın ABŞ-la "nüvə silahları üzrə pakt" imzalamağı "çox istədiyinə" əmin olduğunu bildirib.

"Biz hazırda Rusiya ilə nüvə silahları üzrə paktın üzərində işləyirik və onlar bunu istəyirlər, çox istəyirlər. Mən hesab etmirəm ki, onlar gözləyəcəklər. Hazırda bu dünyanın ən böyük problemidir və biz Rusiya ilə hazırda işləyirik", - deyə Tramp ABŞ jurnalisti Hyu Hyuittə müsahibəsində bildirib.

Qeyd edək ki, daha əvvəl Tramp bəyan etmişdi ki, ABŞ Rusiya ilə nüvə sazişi imzalamağa şad olardı.

Qeyd edək ki, 16-18 avqust tarixlərində Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək.

11
Əlaqədar
Dünya müharibəsinin gedişini birdəfəlik dəyişəcək addım - Rusiya bunu da etdi
Rusiya hansı halda nüvə zərbəsi endirə bilər? Baş Qərargah açıqlayıb
Trampdan bahalı əməliyyat: bunun üçün pul tökmək günah deyil
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Təcavüzkarı cəzalandırmaq üçün Rusiyanın zəmanəti: "Skif" raketi
Türkiyədə məktəbli, arxiv şəkli

Türkiyə məktəblərin açılması ilə bağlı qərar verdi

23
(Yenilənib 23:15 12.08.2020)
Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib

BAKI, 12 avqust — Sputnik. Türkiyədə avqustun 31-dən etibarən dərs ili başlayacaq.

Sputnik Azərbaycan Habertürk-ə istinadən bildirir ki, bu barədə Türkiyənin Təhsil naziri Ziya Selcuk məlumat verib.

Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib. Təhsil naziri isə avqustun 31-dən onlayn təhsilə başlanacağını deyib. Onun sözlərinə görə, sentyabrın 21-dən isə artıq uşaqlar sosial məsafəni gözləmək şərtilə məktəblərə gələ biləcəklər.

23
Mövzu:
Dünyanı cənginə almış bəla
Əlaqədar
Yeni modelə keçidin başlanğıcı: Azərbaycanda pandemiya dövründə təhsil inqilabı
Daşa dirənmiş proses: Xaricdə təhsil alan tələbələrin taleyi necə olacaq?
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Rusiyada oxumaq istəyənlər pandemiyaya rəğmən sərhədi keçə bilərlər