177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir

Cümhuriyyətin 100 illiyi 177 saylı məktəbdə qeyd edilib

532
(Yenilənib 16:13 23.05.2018)
Tədbirdə Nərimanov Rayon İcra Hakimiyyətinin və Təhsil İdarəsinin nümayəndələri də iştirak ediblər

İradə Cəlil, Sputnik Azərbaycan

BAKI, 23 may — Sputnik. 2018-ci il may ayının 28-də müsəlman Şərqində qurulmuş ilk parlamentli respublikanın – Azərbaycan Xalq Cümhuriyyətinin yaranmasının 100 illiyi tamam olur. Bununla əlaqədar olaraq ölkə prezidenti İlham Əliyevin 16 may 2017-ci il Sərəncamında qeyd olunur ki, Azərbaycan Xalq Cümhuriyyətinin yaradılmasının 100 illik yubileyi respublikada dövlət səviyyəsində geniş qeyd edilsin.

Spuntik Azərbaycan xəbər verir ki, bu çərçivədə keçirilən silsilə tədbirlərdən biri də bu gün 177 saylı orta məktəbdə baş tutub. Məktəbin 6-cı sinif şagirdlərinin ifasında şerlər, rəqslər və özündə milli-mənəvi dəyərləri birləşdirən bədii kompozisiya təqdim edilib.

Məktəbin direktoru Günel Xanlarova bildirib ki, tədbirin keçirilməsində əsas məqsəd şagirdlərdə vətənpərvərlik hissinin formalaşdırılması, onlarda tarixin salnaməsində iz qoyub getmiş, dövlətçilik ənənələrini formalaşdırmış Azərbaycan Xalq Cümhuriyyətinin dəyərinin çatdırılmasıdır.

Günel Xanlarova 177 saylı məktəbin direktoru
© Sputnik / Irade JELIL
Günel Xanlarova 177 saylı məktəbin direktoru

"Bildiyiniz kimi, bu il Cümhuriyyətin 100 illiyi tamam olur. Prezident İlham Əliyev Azərbaycan Xalq Cümhuriyyətinin 100 illik yubileyinin ölkə səviyyəsində qeyd olunması ilə bağlı sərəncam imzalayıb. Bu tədbir də bizim digər tədbirlərimizlə yanaşı may ayı ərzində nəzərdə tutulmuş tədbirlərdən biridir. Tədbirdə səhnəciklər, rəqs nümunələri və şer ifaları nəzərdə tutulub", — direktor deyib.

Məktəbin Azərbaycan dili və Ədəbiyyat müəllimi Vətanə Zeynalova isə qeyd edib ki, Azərbaycan Xalq Cümhuriyyətinin yaranmasının 100 illiyi bütün respublikada təntənəli şəkildə qeyd edilir: "Bizim məktəb də bu tədbirlər silsiləsinə qoşulub. Biz Azərbaycan Xalq Cümhuriyyətinin 100 illiyi, həm ordunun yaranmasının 100 illiyi münasibəti ilə tədbirlər təşkil etmişik. Həmçinin şagirdlərdə milli mənəvi hissləri daha yüksək şəkildə dəyərləndirməyi, onlarda vətənpərvərlik eşqini daha da alovlandırmağı, müstəqillik, onlara azadlıq uğrunda mücadilələri xatırlatmağı qarşımıza məqsəd qoymuşuq".

  • Azərbaycan dili ədəbiyyat müəllimi Vətanə Zeynalova
    Azərbaycan dili ədəbiyyat müəllimi Vətanə Zeynalova
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
  • 177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    177 saylı orta məktəbdə Azərbaycan Xalq Cümhuriyyətinin 100 illiyinə həsr olunmuş tədbir
    © Sputnik / Irade JELIL
1 / 7
© Sputnik / Irade JELIL
Azərbaycan dili ədəbiyyat müəllimi Vətanə Zeynalova

V.Zeynalova daha sonra qeyd edib ki, bu gün keçirilən tədbir 6-cı sinif şagirdlərinin təqdimatındadır: “Şagirdlərimiz professional rəqqas və aktyor olmasalar da, istedadlı və bacarıqlıdırlar. Tədbirimizdə ədəbi-bədii kompozisiyalar təqdim ediləcək. Belə tədbirlərin təşkili və keçirilməsində şagirdlərimizin də böyük marağı var".

Tədbir Vətanə Zeynalovanın ifasında Əhməd Cavadın "Mən Türk övladıyım" şeri ilə başlayıb. Daha sonra şagirdlərin rəqsləri təqdim olunub. Ardınca məktəbli ifasında "Yenilməz batalyon" filmindən mahnı ifa edib.  Tədbir şagirdlərin iştirakı ilə hazırlanmış səhnəciklərlə davam edib.

Qeyd edək ki, tədbirdə Nərimanov Rayon İcra Hakimiyyətinin və Təhsil İdarəsinin nümayəndələri də iştirak ediblər.

532
Teqlər:
tədbir, məktəb, Cümhuriyyət
Əlaqədar
Cümhuriyyət ilinin loqotipi hazırlanıb
Azərbaycanda "Cümhuriyyət parkı"nın salınması təklif olunur
Prezident Cümhuriyyət abidəsini ziyarət edib
Cümhuriyyət Azərbaycan tarixinin ən şərəfli səhifəsidir
Xalqın azadlıq arzusundan yaranan Cümhuriyyət

Azərbaycanda hansı yol hərəkəti qaydaları daha çox pozulur

2
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

2
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

17
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

17