Sevinc Kərimova

Türkiyədə rəzalət: Azərbaycanlı kişi həyat yoldaşını başqa kişilərə satıb

337
(Yenilənib 21:33 21.05.2018)
Keçmiş ərinin əlindən qurtulan və iki uşağı ilə ortada qalan qadına bina sakinləri sahib çıxıb

BAKI, 21 may — Sputnik. Türkiyədə azərbaycanlı iş adamı Elmir A. vaxtilə ayrıldığı həyat yoldaşı Sevinc Kərimovanı "yenidən evlənək" deyə aldadaraq evə gətirib və onu başqa kişilərlə cinsi əlaqədə olmağa məcbur etməyə çalışıb. Sputnik Azərbaycan Türkiyə mətbuatına istinadla xəbər verir ki, kişi onun təklifi ilə razılaşmayan qadını iki övladının gözü qarşısında saçlarından sürüyərək 11-ci mərtəbədən atmağa cəhd edib.

Keçmiş ərinin əlindən qurtulan və iki uşağı ilə ortada qalan qadına bina sakinləri sahib çıxıb.

Məlumata görə, Sevinclə Elmir 5 il öncə boşanıblar. Türkiyədə yaşayan Elmir bir ay əvvəl həyat yoldaşına "hər şey yaxşı olacaq, uşaqlarıma baxacağam, sizin başınızın üstündə olacağam" deyərək Antalyaya gətirib. Sevinc Kərimovanın sözlərinə görə, həyat yoldaşı əvvəlcə onu fahişəliyə məcbur etməyə çalışıb. Otağının qapısını bağlayan qadın cinsi təcavüzdən xilas olsa da, zorakılıqdan, döyülməkdən xilas ola bilməyib.

Ötən gün Elmir qadını yenidən fahişəliyə məcbur etməyə çalışıb, qadın razılaşmadığı üçün onun saçlarından tutaraq eyvana sürüyüb və 11-ci mərtəbədən atmağa çalışıb.

Məcbur qalan qadın polisə şikayət edib və onun keçmiş həyat yoldaşı barəsində “uzaqlaşdırma” qərarı çıxarılıb. Araşdırma zamanı Elmir A.-nın Türkiyədə başqa bir azərbaycanlı qadınla evli olduğu məlum olub. Haqqında cinayət işi başladılan Elmir A. qadına zəng edərək onu öldürməklə hədələyib.

Kimsəsiz, ortada tək qalan qadına bina sakinləri sahib çıxıb. Onlar öz aralarında pul toplayaraq Sevinc Kərimova və uşaqlarını Azərbaycana göndəriblər.

Sevinc Kərimovanın polisə verdiyi izahata görə, Elmir A.-dan onu döyüb dişini sındırdığı üçün ayrılıb. Elmir buna görə 1 il məhkumluq həyatı da yaşayıb. Bir ay öncə isə Elmir qadını və uşaqlarını yanına çağırıb, onlara yaxşı baxacağını deyib. Amma nəinki onlara baxmayıb, hətta Sevinc Kərimovanın özü ilə gətirdiyi 4 min dollar pulu da ondan alıb: "Evə heç nə almırdı. İki gün öncə telefonda biri ilə danışdı. Mənə də dedi ki, evə qonaq gələcək, gülərüzlə qarşılayarsan. Evə tanımadığım bir adam gətirdi, özü isə getdi. Gələn adam evdə alt paltarı ilə gəzməyə başlayanda mən uşaqlarımı da götürüb otağımıza girdim, qapını bağladım". 

Sevinc Kərimova övladları ilə
© Photo : Haberler.com
Sevinc Kərimova övladları ilə

Kərimova bildirib ki. Bundan sonra da "əri" tez-tez evə başqa adamlar gətirib və hər dəfə də qadın öz otağına qapanıb. Sonuncu dəfə isə Elmir Sevinci döyərək eyvandan atmağa çalışıb.

337
Teqlər:
rəzalət, fahişəlik, döyülmə, Türkiyə, qadın, azərbaycanlı
Azərbaycanın Avroviziya-2013 müsabiqəsindəki təmsilçisi Fərid Məmmədov

Santa-Barbarada olmuşam! Tanınmış azərbaycanlı müğənnidən fərqli paylaşım

2
(Yenilənib 20:57 05.07.2020)
Santa-Barbara şəhərinə səfər edən tanınmış azərbaycanlı ifaçı Fərid Məmmədov imkanı əldən buraxmayıb və uşaqlıq arzusunu həyata keçirib

BAKI, 5 iyul – Sputnik, Kəmalə Əliyeva. Azərbaycanı “Avrovision-2013” mahnı müsabiqəsində təmsil edən tanınmış ifaçı Fərid Məmmədov məşhur “Santa-Barbara” serialının çəkildiyi yerlərdə olub.

Sputnik Azərbaycan xəbər verir ki, Fərid səfəri ilə bağlı fotoları “Instagram” səhifəsində paylaşıb. Fərid etiraf edir ki, uşaqlıda bu serialı çox sevdiyindən, nə zamansa çəkilişlər gedən evi ziyarət etmək qərarına gəlib.

View this post on Instagram

#santabarbara #santabarbaraseries another trip

A post shared by Farid (@thefaridmammad) on

 “Santa-Barbara” tarixdə ən uzun sabun operası (soap opera) sayılır. Ümumilikdə serialın 2137 seriyası çəkilib. “Santa-Barbara” eyniadlı şəhərdə yaşayan Kepvell ailəsinin həyatından bəhs edir.

Fərid Məmmədov Azərbaycanın Əməkdar artisti Aybəniz Həşimovanın yetirməsidir. 2013-cü ildə Azərbaycanı “Avrovision” müsabiqəsində təmsil edəndən sonra xaricdə də tanınmağa başlayıb.

2
Əməkdar artist Tofiq Hüseynov

Əməkdar artist Tofiq Hüseynov vəfat edib

34
(Yenilənib 20:37 05.07.2020)
Aktyor bir saat əvvəl evində dünyasını dəyişib. Xatırladaq ki, Tofiq Hüseynov xərçəng xəstəliyindən əziyyət çəkirdi.

BAKI, 5 iyul – Sputnik. Akademik Milli Dram Teatrının aparıcı səhnə ustası, Əməkdar artist Tofiq Hüseynov vəfat edib.

Sputnik Azərbaycan xəbər verir ki, bu barədə Akademik Milli Dram teatrının mətbuat xidmətinin rəhbəri Cavid Zeynallı məlumat yayıb.

Qeyd edilir ki, aktyor bir saat əvvəl evində dünyasını dəyişib.

Xatırladaq ki, Tofiq Hüseynov xərçəng xəstəliyindən əziyyət çəkirdi.

"Akademik Milli Dram Teatrının bədii rəhbər-direktoru, Xalq artisti Azər Paşa Nemətovun və teatrın kollektivi adından Tofiq Hüseynovun yaxınlarına dərin hüznlə başsağlığı verir, mərhuma Allahdan rəhmət diləyirik. Tofiq Hüseyov iyulun 6-da öz vəsiyyətinə uyğun olaraq Xırdalan qəbiristanlığında anasının və atasının yanında torpağa tapşırılacaq. Ruhu şad olsun!

Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olmuşdur.

Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.

Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb", - deyə o bildirib.

34