Nigar Arpadarai

"Formula 1" Azərbaycan Qran-Prisi ilə bağlı baş verir - Rəsmi açıqlama

391
(Yenilənib 14:50 21.05.2018)
Nigar Arpadarai: "Hər iki tərəf maraqlı olacaqsa, yenidən 5 il müddətinə Azərbaycan Qran-Prisi keçiriləcək"

Təranə Xudabaxşiyeva, Sputnik Azərbaycan

BAKI, 21 may — Sputnik. Son 3 ildə Azərbaycanda keçirilən “Formula 1” yarışları maraqla qarşılanır. Bu yarışlar nəinki Azərbaycanda dünyada maraqla izlənilir. Bakı Şəhər Halqası Əməliyyat Şirkətinin (BŞH) rəhbəri Arif Rəhimov Almaniya mətbuatına müsahibəsində Azərbaycan Qran-Prisi barədə danışarkən maraqlı faktlara toxunub. O bildirib ki, Azərbaycan Qran-Prisi yenidən iyun ayında Azərbaycanda keçirilə bilər. Rəhbər onu da qeyd edib ki, "Liberty Media" ilə əməkdaşlıqda çətinliklər var.

Sputnik Azərbaycan məsələyə Bakı Şəhər Halqasının PR meneceri Nigar Arpadarainin münasibətini öyrənib. Nigar Arpadarai bildirib ki, Qran-Prinin iyun ayında başlayacağı hələ ki, dəqiq bilinmir: “Amma biz bu yarışın iyun ayına keçirilməsini istərdik. Çünki həmin ayda bizim üçün "Formula 1" yarışı keçirmək daha sərfəlidir. Keçən il də qeyd etmişdik ki, biz sadəcə 2017-ci ildə yarışın aprel ayına salınması üçün müraciət etmişdik. Çünki Cümhuriyyətin 100 illiyi münasibəti ilə keçiriləcək tədbirlərdən sonra yarışı keçirmək üçün hazırlıqları çatdıra bilməzdik".

"Amma gələn ildən yenidən iyun ayında yarışları təşkil etmək bizə sərf edər. Bununla bağlı "Formula 1" rəhbərliyinə müraciət etmişik. Qərarın necə olacağı hələ dəqiq bilinmir", — deyən N.Arpadarai Arif Rəhimovun açıqlamasında Rusiyada keçirilən Soçi Qran-Prisi haqqında fikirlərinə də münasibət bildirib: “Bizim yarışın Soçi ilə heç bir əlaqəsi yoxdur. Hətta keçən il Soçi ilə bizim Qran-Pri arasında vaxt az idi. Amma turistlərdən ora da gedən oldu, kifayət qədər bizə də turist gəldi. Hər bir yarışın özünün auditoriyası var".

PR meneceri Arif Rəhimovun "Liberty Media" ilə əməkdaşlıqda çətinlik olması ilə bağlı səsləndirdiyi fikrə də toxunub: "Arif Rəhimova jurnalistlər nə sual ünvanlayıb və Arif Rəhimov niyə belə deyib, hansı məqamda bunu dilə gətirib deyə bilmirəm. Bəlkə də jurnalistlər səhv anlayıblar. Onu deyə bilərəm ki, bizim "Liberty Media" ilə münasibətlərimiz əladır. Onların yeni komandası var və bizimlə sıx işləyirlər”.

“Məndən soruşursunuzsa, heç bir problemimiz olmadığını deyə bilərəm. Hətta "Formula 1"-in yeni rəhbəri Çeys Keri Azərbaycanda keçirilən iki Qran-Prisində iştirak edib və çox bəyəndiyini də etiraf edib", — sözçü əlavə edib.

N.Arpadarai Azərbaycan Qran-Pisinin müddətinin artırılmayacağı və Azərbaycanın yerinin başqa ölkəyə veriləcəyi xəbərinə isə belə cavab verib: "Daha bir ölkənin "Formula 1"- ə əlavə ediləcəyi məsələsi gündəmdədir. Amma bu ölkənin Azərbaycan ilə heç bir əlaqəsi yoxdur. Son iki ildə Azərbaycan Qran-Prisi o qədər maraqlı keçir ki, həm rəhbərlik, həm də fanatların böyük marağına səbəb olub. Düşünürəm ki, iki Formula 1 yarışından sonra hər iki tərəf maraqlı olacaqsa, yenidən 5 il müddətinə Azərbaycan Qran Prisi keçiriləcək".

391
Teqlər:
Nigar Arpadarai, Formula1, Azərbaycan Qran-Prisi
Əlaqədar
Azarkeşlər qərar verdi: Azərbaycan Qran-Prisi ən yaxşıdır
Formula 1 Azərbaycan Qran-Prisi başa çatdı: Qalib...
Bakıda "Formula-1" üzrə Azərbaycan Qran-prisi başladı
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

10
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

10
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

8
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

8