Daniel Popesku

Avropa Şurası Avropa İttifaqının Azərbaycan nümayəndəliklərinin rəhbərləri toplandı

44
(Yenilənib 14:01 21.05.2018)
Bakıda “Qərarların Qəbulunda Vətəndaş İştirakçılığı" mövzusunda konfrans keçirilib

Eldar Tanrıverdiyev, Sputnik Azərbaycan

BAKI, 21 may — Sputnik. Bakıda “Qərarların Qəbulunda Vətəndaş İştirakçılığı" mövzusunda konfrans keçirilib. Sputnik Azərbaycan xəbər verir ki, tədbirdə Avropa Şurası və Avropa İttifaqının Azərbaycan nümayəndəliklərinin rəhbərləri, Milli Məclisin üzvləri, hökumət nümayəndələri və qeyri-hökumət təşkilatlarının nümayəndələri iştirak ediblər.

Açılış sessiyasında çıxış edən Avropa Şurası Bakı ofisinin rəhbəri Zoltan Hernyes öncə Avropa Şurasının Bakı nümayəndəliyinin fəaliyyətinin 2014-2017-ci illər üzrə nəzərdə tutulan fəaliyyət planına uyğun həyata keçirildiyini vurğulayıb. "Qərarların Qəbulunda Vətəndaş İştirakçılığı" mövzusunda müzakirə edilən layihənin Aİ və Avropa Şurasının birgə layihəsi olduğunu vurğulayan Hernyes bu sənəddə hökumətin bütün səviyyələrində vətəndaşların iştirakını nəzərdə tutan bir sıra prinsiplərin, qanunvericilik, institusional çərçivələrin yaradılması, şəffaflığın təmin olunması, qərarların qəbulunda xüsusilə qadınların iştirakının təmin olunması kimi prinsiplərin daxil edildiyini bildirib.

Hernyes çıxışının sonunda Avropa Şurasının Azərbaycanda bu sahədə lazımı nəticələr əldə edilməsi üçün öz tövsiyələrini verməyə davam edəcəyini qeyd edib.

Avropa Şurası Demokratiya Baş Direktorluğunun Demokratik İdarəçilik Departamentinin rəhbəri Daniel Popescu qeyd edib ki, mövcud olan qanunvericilik təkamül prosesində inkişaf etdirilməlidir: "İştirakçılığı daha asan şəkildə təşkil etmək üçün qanunvericiliyin təkmilləşdirilməsi prosesini davam etdirəcəyik".

Daha sonra çıxış edən Avropa İttifaqının (Aİ) Azərbaycan nümayəndəliyinin rəhbəri Kestutis Yankauskas da çıxışı zamanı qeyd edib ki, layihənin icrasında əsas məqsəd bu sahəni təkmilləşdirmək və bu günün, sabahın tempinə uyğun olaraq təşkil etməkdir.

Tədbirdə çıxış edən çillət vəkili, QHT Dəstəyi Şurasının sədri, ATƏT PA-nın vitse-prezidenti Azay Quliyev Azərbaycanda qərarların qəbulunda vətəndaş iştirakçılığının Konstitusiyanın 54-cü maddəsinin birinci hissəsinin əsas tələbi olduğunu qeyd edib: "Bu tələbi yerinə yetirmək üçün qəbul edilmiş qanuna əsasən, mərkəzi, yerli icra hakimiyyət orqanlarında, yerli özünü idarəetmə orqanlarında ictimai şuralar yaradılıb. Nazirlər Kabinetinin qəbul etdiyi Xüsusi Əsasnaməyə əsasən, vətəndaş qurumları bir araya gələrək Nazirliklər yanında özünün qurumunu yaradır ki, qəbul edilən qərarların hazırlanmasında iştirak etsinlər".

Quliyev vurğulayıb ki, bu günə qədər bu istiqamətdə xeyli işlər görülüb: "Artıq 10 mərkəzi icra, 6 yerli icra orqanlarının yanında ictimai şura formalaşdırılıb. Daha 4 yerli icra orqanlarında bu proses davam edir. İctimai şuralar vətəndaşların səsinin, sözünün qurumlara çatdırılmasında unikal mexanizm kimi iştirak edirlər. Bu qurumların sayının daha da artırılmasını istəyirik. Ümid edirəm, yaxın zamanda bu proses daha geniş yayılacaq. Ümumiyyətlə, Azərbaycanda bununla bağlı vəziyyəti qənaətbəxş hesab etmək olar. Bu, dövlət başçısının siyasətidir".

Konfrans Avropa Şurası Nazirlər Komitəsinin "Siyasi Qərarların Qəbulunda Vətəndaş İştirakçılığı"-na dair Rəhbər Prinsiplərini təqdim etmək, eyni zamanda ictimai iştirakçılığın qanunvericilik əsasları və praktikası, ictimai iştirakçılıqda şəffaflıq və informasiya təminatı, qadınların qərarlarının qəbulunda iştirakına dair Azərbaycandakı vəziyyətlə bağlı müzakirələrlə davam etdirilib və tövsiyələr səsləndirilib.

44
Teqlər:
Qərarların Qəbulunda Vətəndaş İştirakçılığı", Avropa Şurası, Azay Quliyev, konfrans, Avropa İttifaqı
Əlaqədar
Azərbaycanlıların soyqırımı ilə bağlı beynəlxalq elmi konfrans keçirilib
Vərəmlə mübarizə gününə həsr olunmuş konfrans keçirilib
Siyəzən Regional Diaqnostika Mərkəzində konfrans keçirilib
Prezidentin iştirakı ilə konfrans keçirilir
Bakıda mühüm beynəlxalq konfrans keçirilir
(1:13 / 9.91Mb / просмотров видео: 54)

İşğalçıların döyüş meydanında atıb-qaçdığı növbəti hərbi texnikalar - VİDEO

26
(Yenilənib 15:04 21.10.2020)
Azərbaycan ordusunun hərbçiləri yenə Ermənistan silahlı qüvvələrinin hərbi texnikasını qənimət olaraq götürüblər.

Müdafiə Nazirliyi Ermənistan silahlı qüvvələrinin döyüş meydanında atıb-qaçdığı, həmçinin bölmələrimiz tərəfindən məhv edilən növbəti hərbi texnikaları nümayış etdirib. 

Sputnik Azərbaycan həmin görüntüləri təqdim edir.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

26
Mövzu:
Azərbaycan və Ermənistan arasında müharibə
(1:45 / 11.29Mb / просмотров видео: 13)

"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar

4
(Yenilənib 14:56 21.10.2020)
Azərbaycanın cəbhəyanı kəndlərinin bütün kişiləri əlinə silah almağa hazırdır, qadınlar isə hər gün baş verən hücumlara baxmayaraq həmişəki kimi öz doğma ocaqlarını qorumağa davam edirlər.

Sputnik Azərbaycan-ın bölgə müxbiri artıq mərmi səsinə alışmış cəbhəyanı kəndlərin dinc sakinləri ilə söhbət edib.

Ağdam və Ağcabədi sakinlərinin dediklərini videomuzdan izləyin.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Nəticədə cəbhə bölgəsində genişmiqyaslı hərbi əməliyyatlar başlayıb.

4
Mövzu:
Azərbaycan və Ermənistan arasında müharibə