Qüds şəhəri, arxiv şəkli

Qüds öz yerində, amma bütün amillər İsraillə əməkdaşlığı zəruri edir

1172
(Yenilənib 16:45 19.05.2018)
Əlbəttə ki, Bakı Qüds problemində Fələstinin yanındadır, lakin bu, İsrail ilə münasibətləri korlamaq anlamına gəlmir

BAKI, 18 may — Sputnik. Mayın-14-də ABŞ İsraildəki səfirliyini Təl-Əvivdən Qüdsə köçürdü. Bu hadisə, az qala, üçüncü cahan savaşının anonsu kimi dəyərləndirildi.

ABŞ Konqresinin 22 il bundan öncə qəbul etdiyi qərar nəhayət ki, həyata keçdi və bununla da Vaşinqton İsrail dövlətinin qarantı olduğunu bir daha nümayiş etdirdi.

Əslində, Birləşmiş Ştatların “Qüds planı” Trampa məxsus deyil. Vaşinqton strateqləri ötən əsrin 80-ci illərinin əvvəllərində “Böyük İsrail imperiyası modeli”ni irəli sürülüb. Bu modelə görə, Yaxın Şərq yenidən rekonstruksiya olunmalı və ərəb ölkələri İsrailin nəzarətində olmalı idi. Bu planın həyata keçməsi üçün ilk addım kimi 1980-ci il sentyabrın 22-də başlanmış və səkkiz il davam edən İran-İraq müharibəsi alovlandırıldı. Fars körfəzindəki müharibələr, Suriya və İraqın işğalı bu strategiyanın tərkib hissəsidir.

Oded İnonun 1982-ci ildə qələmə aldığı “İnon planı” bölgədəki ərəb ölkələrinin süqutunu nəzərdə tutur. Plan sadədir. İraq-Suriya-Livan bölgəsi vaxt keçdikcə İsrailin nəzarətinə keçməli olan xırda dövlətlərə bölünməlidir. Hər şeydən əvvəl İraq kürd-sünni-şiə qruplarına bölünməli, sonra isə Türkiyə-İran-Pakistan xətti də bölünməyə məhkum edilməlidir. “İnon planı”nı əsas götürən PKK özünün ilk terror aktını 1983-cü ildə həyata keçirib və kürd terrorçuları bu zamandan başlayaraq bölgəni qanlı savaşlara sövq ediblər. “Böyük İsrail”in yaradılması və bu bölgəyə münasibətdə Amerika xarici siyasətinin əsas oxunun biçimlənməsi nəzərdə tutulan planda İsrailin dəstəyi ilə yaradılacaq Kürdüstan amili də mövcuddur. "İnon planı" İraq və Suriyada uğurla nəticələnib və indi bu dövlətlərin unitar quruluşunu saxlamaq imkansız görünür. Sudan, Yəmən və Liviyada qalib gələn “İnon planı” Yaxın  Şərqin bütün ölkələrinə yayılır və domino effekti ilə bölgəni uçurmağa yönəlib.

Bu plana qarşı çıxan Rusiya Suriyada Əsədə dəstək verməklə, bu ölkənin dağılması prosesini ləngidir. Ankara da Azad Suriya Ordusuna dəstək göstərməklə döyüş meydanında tarazlığı təmin edib, süqutu dayandıra bilib. Hazırkı situasiyada İraq və Suriyanın dağılması üçün çalışan yeganə güc Amerika Birləşmiş Ştatları və onun yedəyində gedən İsraildir.

İsrailin Ankaradakı səfiri Eitan Naeh
© AFP 2021 / ADEM ALTAN

Əgər Türkiyədə 2016-cı il 15 iyulda həyata keçirilən dövlət çevrilişi cəhdi uğurla nəticələnsəydi, Moskva bölgədə yalqız qalacaqdı. Buna görə də bu hadisələrin gedişində açıq şəkildə Türkiyənin tərəfini tutdu, qiyamdan bir həftə sonra isə Sankt-Peterburqda Ərdoğanla görüşdü və münasibətlərin yumşalması prosesini fəal davam etdirdi. Bir sözlə, Ərdoğan-Putin uzlaşması Yaxın Şərq üçün həyati önəmli dəyərə malikdir.

Bütün bunları nəzərə alsaq, Azərbaycan hansı addımları atmalıdır? Vurğulayaq ki, Bakının İsrail və eyni zamanda müsəlman ölkələri ilə yaxınlığı ölkənin geosiyasi önəminin göstəricisidir. Bakı İran və yaxud Fələstinin narazılığına səbəb ola bilər ehtimalına görə, mühüm bir oyunçu olan İsrail ilə münasibətlərini korlaya bilməz. Azərbaycan bu günə qədər İsraildən 4 milyard 850 milyon dollar civarında hərbi texnika alıb. İmzalanmış müqavilələrin ümumi dəyəri isə 5 milyard dollardır.

Digər tərəfdən, İsrail öz qazını Azərbaycanla Türkiyə arasında inşa edilən boru xətləri ilə Avropaya nəql etmək istəyir. Bu enerji əməkdaşlığı sayəsində Türkiyə-Azərbaycan-İsrail üçbucağı güclənə bilər.

İsrail-Azərbaycan əməkdaşlığının daha bir əhəmiyyəti var. Dünyanın müxtəlif ölkələrində kök salan erməni lobbisi, Türkiyə ilə yanaşı Azərbaycan əleyhinə də kampaniya aparır, Dağlıq Qarabağ və ətraf rayonların işğalına haqq qazandırmağa çalışır. Buna görə də Azərbaycanın dünyanın müxtəlif ölkələrindəki yəhudi icmalarının dəstəyinə ehtiyacı var ki, erməni lobbisi ilə mübarizədə güclü müttəfiqə malik olsun. İsraildəki 70 min nəfərlik Azərbaycan diasporu isə yəhudi olmasına baxmayaraq, iki ölkə arasındakı əməkdaşlığın genişlənməsidir.

Ayrıca, Azərbaycan İsraildən müasir silahlar alır və bu, bizə torpaqlarımızı işğaldan azad etmək üçün vacibdir.

Unutmayaq ki, İsrail tərəfindən İranla bağlı Azərbaycana müəyyən təzyiqlər var. Bu gün Türkiyə, Pakistan, Səudiyyə Ərəbistanı və digər müsəlman ölkələri Ermənistanla siyasi-diplomatik, iqtisadi əlaqələr qurmadığı halda, müsəlman qonşumuz İran illərdir təcavüzkara qucaq açır. İsrail isə erməniləri müdafiə etmir, əksinə Dağlıq Qarabağ münaqişəsində Azərbaycanın hərbi gücünü artırmağa yönələn addımlar atır.

Türkiyə, Pakistan və digər müsəlman dövlətləri kimi İran da Ermənistanla işğalçı kimi davransaydı, öz sərhədlərini müsəlman torpaqlarını işğal edən təcavüzkara qarşı qapalı saxlasaydı, Qarabağ münaqişəsi bu qədər uzanmazdı. Tehran isə nəinki Ermənistanla, belə görünür ki, Dağlıq Qarabağdakı separatçı rejimlə də əlaqələri davam etdirir.

Bütün bu amillər İsrail ilə əməkdaşlığı zəruri edir. Əlbəttə ki, Bakı Qüds problemində Fələstinin yanındadır, lakin bu, İsrail ilə münasibətləri korlamaq anlamına gəlmir. Bakı çevik diplomatiya yürütmək zorundadır…

1172
Teqlər:
siyasət, İsrail, Fələstin, Qüds, müharibə, qarşıdurma

Əlvida, dəniz, isti günlər üçün darıxacağıq

2
(Yenilənib 21:49 24.09.2021)
İndi daha günəş yandırmır. Sərində sahil boyu gəzişmək, velosiped sürmək bədəni gümrahlaşdırmaqla yanaşı, xüsusi nostalji zövq bəxş edir adama. Payızın ilk günləri Nabran sahilləri Sputnik Azərbaycan-ın fotolentində.

Daha bir yay bitdi. Havaların soyuması ilə dənizə gedənlərin sayı azalıb. Yayın isti günlərində istənilən vaxt sahildə görünən adamlar indi çəkilmək üzrədir. Sübh tezdən tilovunu suya atıb saatlarla gözləyən balıqçılar gözə dəyirlər.

Mavi suların qoynu və qumlu sahillər azyaşlıları sevindirir. Velosipedlə sahil kənarında hərəkət edənlər dənizin təmiz havasında bədənlərini gəncləşdirirlər. Dənizin dalğalarından qorxmayan heyvanlar sahil kənarında sərinləyirlər. Günəşin közərən şüaları görünür. Günəş qürub etdikcə dalğaların səsi aydın eşidilir. Əlvida, dəniz. İsti günlər üçün darıxacağıq...

2
  • © Sputnik / Ilham Mustafayev

    Zaman da qum kimi barmaqlar arasından süzülür.

  • © Sputnik / Ilham Mustafayev

    Nabranda dalğalarla son söhbət - gələn mövsümədək.

  • © Sputnik / Ilham Mustafayev

    Sentyabr gəldisə, balıq tutmaq və yemək olar. Nabranda balıqçılar bu fürsəti qaçırmırlar.

  • © Sputnik / Ilham Mustafayev

    Nabranda qürub daha həşəmətli görünür.

  • © Sputnik / Ilham Mustafayev

    Sahil kənarıyla qaçan alabaş.

  • © Sputnik / Ilham Mustafayev

    Xırçın ləpələr də adamlarsız darıxır.

  • © Sputnik / Ilham Mustafayev

    Yaş qum üzərində velosiped sürmək də bir zövqdür.

  • © Sputnik / Ilham Mustafayev

    Nabranda sahildə unudulmuş toplar.

  • © Sputnik / Ilham Mustafayev

    Polietilen torba budağı "niyyət ağacı"na bənzədib.

  • © Sputnik / Ilham Mustafayev

    Nabranda qürub vaxtı dənizdən pay uman balıqçı.

  • © Sputnik / Ilham Mustafayev

    Narıncıya boyanan gün.

  • © Sputnik / Ilham Mustafayev

    İnəklər də çimərlikdə tənhalıqdan kam alırlar.

  • © Sputnik / Ilham Mustafayev

    Nabranda sahil kənarında qız.

Pianoçu Vurğun Vəkilov

Səməd Vurğunun nəticəsi şah əsərləri ifa edib

19
(Yenilənib 22:24 24.09.2021)
V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

BAKI, 24 sentyabr — Sputnik. Üzeyir Hacıbəyli XIII Beynəlxalq Musiqi Festivalı davam edir. Sentyabrın 23-də festival çərçivəsində Azərbaycan Milli İncəsənət Muzeyində istedadlı pianoçu, Xalq şairi Səməd Vurğunun nəticəsi, "École normale de musique de Paris-Alfred-Cortot" ali musiqi məktəbinin tələbəsi Vurğun Vəkilovun konserti olub.

Sputnik Azərbaycan xəbər verir ki, konsertdə klassik musiqinin şah əsərləri səslənib. Pianoçunun çıxışı böyük maraqla qarşılanıb.

Qeyd edək ki, V.Vəkilov 2004-cü ildə Bülbül adına Orta İxtisas Musiqi Məktəbinin birinci sinfinə gedib. İstedadlı pianoçu 2008-ci ildə Azərbaycanın ümummilli lideri Heydər Əliyevin anadan olmasının 85 illiyinə həsr olunan Gənc İfaçıların Birinci Respublika Müsabiqəsinin qalibi olub. V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

19