Zaqatala rayonunda  bir neçə gün öncə yağan leysan nəticəsində Tala çayı daşıb

İcra Hakimiyyəti məsələyə aydınlıq gətirdi...

315
(Yenilənib 21:03 17.05.2018)
O bildirib ki, hadisə günü 8 kəndə elektrik enerjisinin verilməsi dayandırılıb

İradə Cəlil, Sputnik Azərbaycan

BAKI, 17 may — Sputnik. "Tala çayının kənarında torpaq valları vardı. Zamanla həmin laylar dağıdılıb, ərazidə evlər tikilib. Çayın heç bir bəndi dağılmayıb". Bu barədə Sputnik Azərbaycan-a Zaqatala Rayon İcra Hakimiyyətinin birinci müavini, fövqəladə hallar komissiyasının sədri Tofiq Əhmədov məlumat verib.

O bildirib ki, hadisə günü 8 kənddə elektrik enerjisinin verilməsi dayandırılıb: "Sel zamanı elektrik xəttləri, qaz xəttləri sıradan çıxıb. Həyətlərə, bəzi evlərin birinci mərtəbəsinə su dolub. Fındıq bağlarına, əkin sahələrinə zərər dəyib".

Biz artıq həmin zərərin məbləğini müəyyənləşdirib, Fövqəladə Hallar Nazirliyinə təqdim etmişik", — deyə T.Əhmədov bildirib.

O qeyd edib ki, əhaliyə dəymiş zərərin ödənilməsi nazirliyin verəcəyi qərara bağlıdır: "Burada əhaliyə böyük məbləğdə zərər dəyməyib. Dağıntı yoxdur. Xəsarət alan yoxdur. Kiminki sığortası var, təbii ki, dəymiş zərəri ödəniləcək. Artıq su çəkilir. Çaydan axan suyun da miqdarı azalıb. Tez bir zamanda bütün problemlər aradan qaldırılacaq. Bu təbiət hadisəsidir".

T.Əhmədov bildirib ki, Tala çayı daşan zaman ərazidə olan körpüyə zərər dəyib və bu problem də yaxın zamanlarda həllini tapacaq.

Xatırladaq ki, mayın 10-dan 11 —ə keçən gecə Zaqatala rayonunda Tala çayı daşıb. Sel suları Üçüncü Tala və Höytala kəndlərinin arasında olan Vöhtala kəndini basıb. Kəndin küçələri əhalinin əkin sahələrinə zərər dəyib.

Hazırda ərazidə dövlət qurumları tərəfindən problemlərin aradan qaldırılması məqsədilə ilə müvafiq işlər görülür.

315
Əlaqədar
Sel daha bir bölgədə fəlakətə səbəb oldu
Rayonu sel vurdu, çay daşdı, bir kəndlə əlaqə kəsildi
Ankara su altında qaldı: Sel insanları və maşınları apardı – VİDEO
Sel cənub bölgəsini belə apardı - VİDEO
Güclü sel həyatı iflic elədi
Dolu və sel bölgəni iflic etdi: icra başçısı təcili göstəriş verdi
Azərbaycanda sel və daşqın gözlənilir — xəbərdarlıq
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

52
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

52
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

3
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

3
Mövzu:
Azərbaycanda koronavirus: son xəbərlər