Zaqatala rayonunda bir neçə gün öncə yağan leysan nəticəsində Tala çayı daşıb

Şimal-qərb bölgəsində fövqəladə vəziyyət: Kəndlərin altı üstünə çevrildi

765
(Yenilənib 14:38 17.05.2018)
Kənd sakinləri bildirirlər ki, aidiyyatı qurumlara dəfələrlə müraciət etmələrinə rəğmən, səslərinə səs verən olmayıb

Şahpəri  Abbasova, Sputnik Azərbaycan

BAKI, 17 may— Sputnik. Zaqatala rayonunda  bir neçə gün öncə yağan leysan nəticəsində Tala çayı daşıb. Sel rayonun Höytala, Vöhtala, Yolayrıc kəndlərinə külli miqdarda ziyan vurub. Sputnik Azərbaycan-a danışan Höytala kənd sakinlərinin sözlərinə görə, bu hadisə dəfələrlə təkrarlanıb, amma bu dəfə daha dağıdıcı olub.

Kənd sakini Ramazan Qabaçov bildirir ki, aidiyyatı qurumlara dəfələrlə müraciət etmələrinə rəğmən, səslərinə səs verən olmayıb: “Fövqəladə Hallar Nazirliyinin əməkdaşları gəlib. Çaya kimi gəliblər, amma bu tərəfə keçə bilməyiblər. Kəndin içindəki vəziyyəti görməyiblər”.

Kənd sakininin fikrincə, mövcud vəziyyətin qarşısını almaq çətin deyil, texnika lazımdır: “Bu çayın mənbəyi var, oranı bağlamaq lazımdır. Əgər beton qoyulsa, bu problem həll olunar. Su gəlsə də, çaya axıb getsin. Bir dəfə də güclü sel gəlsə, bütün kənd məhv olacaq”.

Sel daşqınları kənd sakini Kərəm İmranovun həyətini yerlə-yeksan edib. O deyib ki, sel gələn gün həyəti böyük bir gölü xatırladırmış: “Sanki Tala çayı həyətimizdə idi. İllərlə əziyyət çəkib böyütdüyüm ağaclar məhv oldu. Hər il sel gəlirdi, amma bu qədər dağıdıcı olmamışdı. Yoldaşım xəstədir, borc-xərc edib onu apardım Mahaçqalaya müalicəyə. Oradan gələn gün bu hadisə oldu. 3 qızım var, onları necə böyüdəcəm?”

  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
  • Zaqatala rayonunda  bir neçə gün öncə yağan leysan nəticəsində Tala çayı daşıb
    Zaqatala rayonunda bir neçə gün öncə yağan leysan nəticəsində Tala çayı daşıb
    © Sputnik / Shahperi Abbasova
1 / 9
© Sputnik / Shahperi Abbasova
Zaqatala rayonunda bir neçə gün öncə yağan leysan nəticəsində Tala çayı daşıb

“Nə qədər xırdabuynuzlu heyvanım, toyuq-cücəm məhv oldu. Bar verən ağacların kökündən çıxarıb. 2 gün evdən bayıra çıxa bilmədik. Evimizin içini də su basmışdı, indi də nəmlidir”, — kənd sakini əlavə edib.

Baş vermiş fövqəladə hadisə kənd sakini Vahid İmranova da külli miqdarda zərər vurub. Bölgənin insanlarının yeganə gəlir mənbəyi fındıqdır. V.İmanovun fındıq sahəsini sel yuyub aparıb: “Ağacların hamısı bir müddətdən sonra quruyacaq.  Bizdən vergi istəyəcəklər, biz nə ilə vergi ödəyək? Təkcə mənim yox, həmkəndlilərimin əksəriyyətinin fındıq bağaları məhv olub. Bir sözlə, bu qədər əziyyətimiz hədər oldu”.

Yerli sakin Məhəmməd  Xurmayev deyib ki, yaranmış vəziyyətə görə məktəblilər 5 gün dərsə gedə bilməyiblər: “Bu məsələ birdəfəlik həll olunmalıdır. Bu durumdan ən çox əziyyət çəkən uşaqlardır. Bu, onlar üçün travmadır. Hər dəfə sel gələndə uşaqlar qorxur, bundan başqa hər dəfə sel gələndə bir neçə gün dərsə gedə bilmirlər. Onlar Tala çayının üzərindəki körpüdən keçib dərsə gedirlər. Hər gün valideynlər qorxa-qorxa onları körpüdən keçirirlər”.

“O körpünü yerli sakinlərlə birlikdə tikmişdik. Körpü çox təhlükəlidir. Sel gələndə isə daha təhlükəli olur. Bir neçə il əvvəl körpüdən bir kişi düşüb öldü. Dəfələrlə körpü tikilməsini tələb etmişik. Amma hər dəfə bəhanə gətirirlər”, — deyə M.Xurmayev gileylənib.

Kənd sakini  Vüqar Mamukayev isə qeyd edib ki, sel daşqınları nəticəsində kəndin qəbiristanlığı da su altında qalıb: “Bəzi qəbir daşları yerindən qopub. Atam bu yaxınlarda rəhmətə gedib, onun üçünə gələn olmadı, bütün kənd su içində idi. İndi də qəbiristanlıq lilin içindədir. Dua etmək üçün qəbiristanlığa keçə bilmirik. Qonşu kəndlərdə də durum eynidir”.

Qeyd edək ki, Tala çayının səviyyəsi hazırda ötən günlərə nisbətən aşağı düşüb.

765
Teqlər:
Tala çayı, daşqın, Zaqatala, körpü, sel
Əlaqədar
Rayonu sel vurdu, çay daşdı, bir kəndlə əlaqə kəsildi
Ankara su altında qaldı: Sel insanları və maşınları apardı – VİDEO
Sel cənub bölgəsini belə apardı - VİDEO
Güclü sel həyatı iflic elədi
Dolu və sel bölgəni iflic etdi: icra başçısı təcili göstəriş verdi
Azərbaycanda sel və daşqın gözlənilir — xəbərdarlıq
Sputnik Beynəlxalq İnformasiya Agentliyinin loqosu, arxiv şəkli

"Bu, "Sputnik Latviya"ya qarşı ilk qərəz deyil" - Azərbaycanlı media eksperti

1
(Yenilənib 22:03 04.12.2020)
"Azadlıq radiosunun yayımının bloklanması pislənir, amma "Russia Today"-in yayımına məhdudiyyətə heç bir reaksiya verilmir"

Zülfiyyə Quluyeva, Sputnik Azərbaycan

BAKI, 4 dekabr — Sputnik. Latviya Dövlət Təhlükəsizlik xidməti dekabrın 3-də Riqadakı "Sputnik" bürosunun əməkdaşlarına, eləcə də "Baltnews" portalının jurnalistlərinə və digər rusdilli media nümayəndələrinə Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürüb. Jurnalistlər saxlanılıb, dindirilib, axtarışa məruz qalıb və onlar haqqında cinayət işi qaldırılıb. Sputnik Azərbaycan ölkənin tanınmış media ekspertlərinin bu məsələyə münasibət bildirib.

Jurnalistlərin Həmkarlar İttifaqının sədri Müşfiq Ələsgərli Sputnik Azərbaycan-a açıqlamasında bildirib ki, bu hadisələr  jurnalistika prinsipi baxımından həqiqətən də yolverilməzdir: "Bu "Sputnik Latviya"ya qarşı olan ilk hadisə deyil. Çox uzun müddət dünyada belə kampaniyalar aparılırdı ki, Azadlıq radiosunun və digər beynəlxalq KİV-lərin fəaliyyəti bloklanır. Amma məsələ ondadır ki, Avropa ölkələrində, hətta ABŞ-ın özündə bu prinsiplər çox pozulur. Bunlardan qabaq, "Russia Today"-in yayımı bloklanmadı. Pribaltika ölkələrində onların yayımına məhdudiyyət qoyulub. Hələ o vaxt bu məsələ qalxanda bildirilirdi ki, Azadlıq radiosunun yayımının bloklanması pislənir, amma "Russia Today" yayımına məhdudiyyətə heç bir reaksiya verilmir. Çox təəssüf ki, söz azadlığı prinsipləri çox vaxt elə onu yaradan ölkələr tərəfindən pozulur. Müasir mediada baş verən ifadə azadlığı pozuntularının çoxu elə qərb dövlətlərinin özündən gəlir. O cümlədən, Avropa və ATƏT məkanından. Əvvəllər biz danışırdıq ki, bu ikili standartlar əsasən Azərbaycana qarşıdır. Amma son dövrlər görürük ki, bunların özlərinin ifadə azadlığına qarşı münasibətlərində çox ciddi dəyişikliklər var. Məsələn, elə bir neçə gün öncə Fransada baş verən toqquşmalarda media azadlığını götürək. Qlobal təhlükəsizlik haqqında qəbul olunan qanunun bir nömrəli hədəfi medianın azadlığının məhdudlaşdırılmasıdır. Beynəlxalq təşkilatlar tərəfindən belə bir ifadə işlədildi ki, artıq ATƏT-in, Avropa Şurasının ən aparıcı dövlətlərindən olan Fransa kimi ölkə söz azadlığının durumuna görə Somali və Sudanın vəziyyətinə düşüb. Söz və ifadə azadlığına ikili yanaşma var. Bu cür yanaşmalar Qərb dəyərləri haqqında danışanların özünü şübhə altına salır. Media azadlığının qanunvericilik nöqteyi nəzərindən məhdudlaşdırılması, ikili yanaşma jurnalistlərin təhdid olunması ilə bağlı ciddi faktlar ortaya çıxır. "Sputnik Latviya"ya qarşı baş verən hadisələr də kəskin şəkildə qınanılmalı, media, ifadə azadlığına qarşı addım kimi dəyərləndirilməlidir. Mən xarici KİV-lərin, onların əməkdaşlarının fəaliyyətinə baltikyanı dövlətlərdə yaradılmış bu maneəni və təhdidi kəskin qınayıram".

Qeyd edək ki, Rusiya Xarici İşlər Nazirliyi Latviya hakimiyyət orqanlarının "Baltnews" portalı və "Sputnik Latviya"nın rusdilli jurnalistlərinə qarşı hərəkətlərini sərt şəkildə qınayıb. Bildirilib ki, "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririlir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz. Bütün bu uydurma ittihamların, heç şübhəsiz, rusofobiyanın təsiri ilə həyata keçirilən cəzalandırma tədbiri olduğu aydındır. Məsələ ATƏT Nazirlər Şurasında qaldırılacaq", – deyə məlumatda bildirilir. Nazirlik ümid etdiyini bildirir ki, ATƏT-in yeni Media Azadlığı Nümayəndəsi baş verənləri görməzdən gəlməyəcək və Latviyaya qarşı "bu cür hücumların qəbuledilməzliyi", "söz azadlığını təmin edilməsi üçün beynəlxalq öhdəliklərin yerinə yetirilməsinin zəruriliyi" əsasında təzyiq göstərəcək. "Avropa Şurasından da adekvat reaksiya gözləyirik", – deyə məlumatda bildirilir.

Xatırladaq ki, keçən il Estoniyada da analoji hadisə müşahidə olunmuşdu.

1
Teqlər:
Həbs, jurnalistlər, Sputnik Latviya
Azərbaycan Respublikası Müdafiə Nazirliyinin binası

Silahlı Qüvvələrə Yardım Fonduna toplanan vəsaitin miqdarı məlum oldu

13
(Yenilənib 21:07 04.12.2020)
Qeyd edək ki, noyabrın 1-dən dekabrın 1-dək  Silahlı Qüvvələrə Yardım Fonduna 12.611.973,40 AZN, 175.507,81 ABŞ dolları, 15.723,23 avro, 40 türk lirəsi, 550 ingilis funt sterlinqi və 336.000,00 rubl vəsait daxil olub.

BAKI, 4 dekabr — Sputnik. Azərbaycan Respublikası Prezidentinin 2002-ci il 17 avqust tarixli 755 nömrəli Fərmanı ilə təsdiq edilmiş Silahlı Qüvvələrə Yardım Fonduna cari il dekabrın 1-dək  210.625.007,86 AZN, 11.171.613,65 ABŞ dolları, 181.319,42 avro, 495.561,33 türk lirəsi, 1.844,72 ingilis funt sterlinqi və 5.398.550,00 rubl vəsait daxil olub.

Sputnik Azərbaycan xəbər verir ki, bu barədə məlumatı Müdafiə Nazirliyi yayıb.

Qeyd edək ki, noyabrın 1-dən dekabrın 1-dək  Silahlı Qüvvələrə Yardım Fonduna 12.611.973,40 AZN, 175.507,81 ABŞ dolları, 15.723,23 avro, 40 türk lirəsi, 550 ingilis funt sterlinqi və 336.000,00 rubl vəsait daxil olub.

13
Teqlər:
Silahlı Qüvvələrə Yardım Fondu, Müdafiə Nazirliyi