Bərdənin Əliyanlı kəndi

Axır ki, əliyanlıların fəryadına hay verildi

992
(Yenilənib 15:54 14.05.2018)
Kənd bələdiyyəsi əraziyə atılan zibilin təmizlənməsini təmin edib

Musa Muradlı, Sputnik Azərbaycan

BAKI, 14 may — Sputnik. Bir neçə gün öncə Bərdə rayonunun Əliyanlı kəndində ekoloji fəlakət hökm sürdüyü barədə məlumat vermişdik. Qeyd etmişdik ki, kənardan gətirilən məişət tullantıları kənddəki yaşayış evlərinin yanına atılır. Ərazidəki antisanitar vəziyyətdən fəryad edən kənd sakinləri bildirmişdilər ki, tullantıların yaratdığı üfunət qoxusu dözülməzdir.

Sputnik Azərbaycan-ın bölgə müxbiri dünən yenidən həmin kənddə olub və tamam başqa bir mənzərə ilə üzləşib. Belə ki, ərazidə xoşagəlməz vəziyyətdən, qalaq-qalaq yığılmış zibil təpələrindən əsər-əlamət belə qalmayıb.

Kənd sakinlərindən öyrəndiyimizə görə, Əliyanlı kənd bələdiyyəsinin sədri Telman İbişov sakinlərin haqlı narazılığından nəticə çıxararaq əraziyə texnika cəlb edib. Qısa zaman ərzində zibilliyi təmizlətdirməklə problemin həllinə nail olub.

Sözügedən ərazidə oynayan uşaqlar evlərinin yaxınlıqda yerləşdiyini deyiblər. Bildiriblər ki, artıq dözülməz üfunət qoxusu çəkilib: “Əvvəl evimizdə zibilliyin iyindən durmaq olmurdu. Evdə çörək belə yeyə bilmirdik. İndi isə vəziyyət yaxşılaşıb. Zibillik təmizlənəndən bəri xoşagəlməz iy artıq çəkilib”.

Bərdənin Əliyanlı kəndi
© Sputnik / Musa Muradlı
Bərdənin Əliyanlı kəndi

Uşaqlar onu da əlavə ediblər ki, ərazidə insanların həyatı üçün təhlükə yaradan itlərin də sayı azalıb.

Əliyanlı kənd bələdiyyəsinin sədri Telman İbişov Sputnik Azərbaycan-a deyib ki, ərazidə yenidən zibil poliqonunun yaranmasına imkan verməyəcək. Əraziyə zibil tullantılarının daşınmasının qarşısını almaq məqsədilə yük maşınlarının hərəkətinə mane olacaq şlaqbaum qoyulacaq.

Onu da qeyd edək ki, bələdiyyə sədri ilə söhbət zamanı kənddə zibil üçün yerlərin ayrılmadığı məlum oldu. Bu da məişət tullantılarının idarə olunmasında yaranan özbaşınalığın səbəblərindən biridir.

992
Teqlər:
kənd bələdiyyəsi, Əliyanlı kəndi, zibillik, üfunət, Bərdə rayonu, qoxu, ekoloji fəlakət
Əlaqədar
Əliyanlıların fəryadı Bakıya qədər çatdı: "Bizi xilas edin!"
Kənd sakinləri ev-eşiklərini tərk edir — Bölgədə ciddi problem
Kənd sakinləri hazırlıqsız yaxalandı, yollar bağlandı
Mahrızlı kənd sakinləri təsadüf nəticəsində sağ qalıblar
Aleksey Navalnıy, arxiv şəkli

G7 ölkələrinin Navalnı tələbi

1
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

1
Teqlər:
Rusiya, azadlıq, tələb, nazirlər, G7, Aleksey Navalni

Putin prezident Baydenlə ilk dəfə danışdı, ABŞ-ın arzusunu yerinə yetirdi

9
(Yenilənib 23:17 26.01.2021)
Vladimir Putin Cozef Baydenlə ABŞ prezidenti qismində ilk dəfə telefonla danışıb. ABŞ-ın təşəbbüsü ilə baş tutan danışıqda Baydenin arzusunda olduğu məsələ həllini tapıb

BAKI, 26 yanvar - Sputnik. Rusiya Prezidenti Vladimir Putin ABŞ-ın yeni seçilmiş dövlət başçısı Cozef Baydenlə bu gün telefonla danışıb. 

Sputnik Azərbaycan bildirir ki, bu barədə Kremlin mətbuat xidməti məlumat yayıb.

Co Baydenin mətbuat katibib Cen Psakinin sözlərinə görə, telefon danışığı ABş tərəfinin təşəbbüsü ilə baş tutub.

Putin həmkarını ABŞ prezidenti postunda işə başlaması münasibətilə təbrik edib. 

Kremlin məlumatına görə, Putin dünyada təhlükəsizlik və sabitliyin qorunmasına görə məsuliyyətləri nəzərə alınmaqla Rusiya ilə ABŞ-ın münasibətlərinin normallaşmasının hər iki ölkənin, eləcə də bütün dünyanın xeyrinə olacağını vurğulayıb. 

Psakinin sözlərinə görə, ABŞ tərəfinin əsas niyyətlərindən biri Strateji Hücum Silahlarına dair Müqavilənin (SHS-3) 5 il müddətinə uzadılması olub. Prezidentlər müqavilənin uzadılması barədə razılığa gəliblər.

Həmçinin dövlət başçıları koronavirus pandemiyasına qarşı mübarizədə, eləcə də ticari-iqtisadi əlqələr daxil olmaqla digər sahələrdə də əməkdaşlıq imkanlarını müzakirə ediblər. Beynəlxalq və ikitərəfli gündəmin aktual məsələləri də müzakirə obyekti olub.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq

9