BAKI, 10 may — Sputnik. ABŞ-ın Havay ştatının qubernatoru Devid İqe, Kilauea vulkanının püskürməsi ilə əlaqədar Puna rayonunu təbii fəlakət zonası elan edib. Sputnik Azərbaycan xəbər verir ki, bu barədə qubernator öz "Twitter" səhifəsində yazıb.
— Governor David Ige (@GovHawaii) 10 мая 2018 г.
"Punanın geotermal zonasında fövqəladə vəziyyətdir. Təbii fəlakətlə əlaqədar ABŞ prezidentinə Havay adasına yardım göstərilməsi üçün sorğu göndərilib", — deyə İqe yazıb.
Qeyd edək ki, Havay adalarında Kilauea vulkanı püskürməkdə davam edir. Təbii fəlakətlə bağlı minlərlə yerli sakin öz evlərindən təxliyə edilib.
