Silah

Rusiyada həmyerlisini öldürən azərbaycanlı həbs edilib

416
(Yenilənib 21:51 02.05.2018)
İstintaq zamanı məlum olub ki, öldürülən və saxlanılan şəxs "qanuni oğru" Nadir Səlifovun ("Lotu Quli") cinayətkar qrupunun üzvüdür

Ramella İbrahimxəlilova, Sputnik Azərbaycan

BAKI, 2 may — Sputnik. Sankt Peterburq hüquq mühafizə orqanları azərbaycanlı cinayətkar dəstənin üzvü, 32 yaşlı Fizuli Qarayevi öldürən şübhəlini saxlayıb. Sputnik Azərbaycan "fontanka.ru" saytına istinadla xəbər verir ki, hadisə mayın 1-də, yerli vaxtla 19.30 da baş verib.

Belə ki, Lomonosov küçəsində binaların birinin həyətində cinayətkar 32 yaşlı azərbaycanlı Fizuli Qarayevə baş nahiyəsindən Makaraov tipli tapança ilə 5 dəfə atəş açıb.

Hüquq mühafizə orqanlarının əməkdaşları cinayətkar, 46 yaşlı Azərbaycan vətəndaşı Mahir Məmmədovu saxlayıb. Məmmədovu "Soyuz Peçatnikov" küçəsində 29 saylı evdə tutublar.

Hüquq mühafizə orqanlarının əməkdaşları onu şkafda gizlənmiş halda tapıblar.

İstintaq zamanı məlum olub ki, öldürülən və saxlanılan şəxs "qanuni oğru" Nadir Səlifovun ("Lotu Quli") cinayətkar qrupunun üzvüdür. Rusiyanın qanun keşikçiləri onu ən aqressiv oğru adlandırırlar.

Münaqişənin iştirakçıları Azərbaycanlı iş adamlarından xərac yığılmasına cavabdehlik daşıyırmış. Onlar, eyni zamanda Apraksin həyətindəki bazarın ticarətçilərini də idarə edirmişlər.

Məlumata görə, "Apraksin həyəti"-ndə azərbaycanlılar, ermənilər və əfqanlar liderlik edirlər. Eyni zamanda orada digər millətlərin nümayəndələri də yaşayır və alver edir. Bazarda tez-tez oğurluq və hətta qətl hadisələri də baş verir.

İlkin məlumata görə, Məmmədovun cinayəti törətməsinə Səlifovun onun yerinə Qarayevi təyin etməsi səbəb olub. "Loti Quli"nin Məmmədova qarşı olan inamı itib və azərbaycanlı iş adamlarından xəracın yığılmasını Qarayevə həvalə edib.

416
Teqlər:
Fizuli Qarayev, Nadir Səlifov, "Lotu Quli", qanuni oğru, Rusiya
Əlaqədar
"Lotu Quli"nin yaxın adamı Ağstafada tutuldu
"Lotu Quli"ni söyən avtoritetin arvadı öldürüldü
"Lotu Quli"nin "öldürdüyü" çeçenlə bağlı həqiqət üzə çıxdı
Şeyx Həmzət və "Lotu Quli" qarşıdurması milli münaqişəyə çevrilə bilərmi?
"Lotu Quli" beynəlxalq axtarışa verildi
"Lotu Quli" klanı Rusiya bazarlarına nəzarəti itirir
Dəniz quldurlarının bayrağı, arxiv şəkli

Dəniz quldurlarının öldürdüyü talesiz azərbaycanlı - VİDEO

24
(Yenilənib 00:09 25.01.2021)
Fərman İsmayılov yaxın günlərdə Azərbaycana gələcəkmiş. Ancaq sonradan növbəti əməkdaşların pandemiya səbəbindən gəmiyə gələ bilməməsi onun gəmidə qalmasına səbəb olub.

BAKI, 24 yanvar - Sputnik. Ötən gün axşam saatlarında nigeriyalı dəniz quldurları Qvineya körfəzində Türkiyə gəmisinə basqın ediblər. Nəticədə də 15 nəfər girov götürülüb, bir azərbaycanlı öldürülüb. Öldürülən şəxsin Siyəzən rayon sakini 45 yaşlı Fərman İsmayılov olduğu məlum olub. Onun nəşi yanvarın 26-də Azərbaycana gətiriləcək. Hadisə ilə bağlı Fərman İsmayılovun qardaşı Ayaz İsmayılov ''XəzərXəbər''ə açıqlama verib.

Hadisə Qvineya körfəzində Türkiyəyə məxsus "Mozart" adlı gəmidə baş verib. Gəmi qəfildən nigeriyalı dəniz quldurlarının basqınına məruz qalıb. Məlumata görə, Liveriya bayrağı altında üzən gəmi Laqosdan Keyptauna doğru hərəkət edirmiş. Gəmidə ümumilikdə 19 nəfər olub.Silhalılar gəmidə olan yeganə azərbaycanlı Fərman İsmayılovu öldürüblər.Digər 15 Türkiyə vətəndaşı isə girov götürülüb. Gəmi heyətindən 3 nəfər xilas ola bilib və gəmini təhlükəsiz limana çatdırıblar.

Dəniz quldurlarının qətlə yetirdiyi Fərman İsmayılovun qardaşı Ayaz İsmayılovun sözlərinə görə, Fərman 18 ildən çox müddətdə həmin gəmidə ikinci mexanik vəzifəsində çalışırmış. Qardaşının vəfat etməsi xəbərini isə ona şirkətdən məlumat veriblər.

Ayaz İsmayılov deyir ki, qardaşı yaxın günlərdə Azərbaycana gələcəkmiş. Ancaq sonradan növbəti əməkdaşların pandemiya səbəbindən gəmiyə gələ bilməməsi onun gəmidə qalmasına səbəb olub.

Bu arada Türkiyə rəsmiləri Nigeriya sahillərində "Mozart" adlı yük gəmisinin dəniz quldurları tərəfindən qaçırılan heyət üzvlərinin tapılması istiqamətində fəaliyyətlərə başlayıb. Türkiyə Prezidenti Rəcəb Tayyib Ərdoğan və ölkənin xarici işlər naziri Mövlud Çavuşoğlu ilə gəminin dördüncü kapitanı Furkan Yaren arasında telefon danışığı olub, son vəziyyətlə bağlı məlumat verilib. Mövlud Çavuşoğlu gəminin məxsus olduğu şirkətin icraçı direktoru Osman Levent Karsanla da telefonla danışaraq qaçırılan gəmiçilərin ən qısa zamanda evlərinə qaytarılması istiqamətində bütün imkanların səfərbər ediləcəyini bildirib.

Türkiyənin başda Abuca olmaqla Nigeriya və qonşu ölkələrdəki bütün səfirliklərin qaçırılan heyət üzvlərini xilas etmək üçün səfərbər olduğu qeyd edilir.

Türkiyənin nəqliyyat və infrastruktur naziri Adil Karaismailoğlu yerli mətbuata bildirib ki, qaçırılan "Mozart" gəmisi bu gün saat 11.00-da Qabonun Gentil limanında lövbər salıb. Fərman İsmayılovun nəşi və 3 heyət üzvü hazırda gəmidədir.

Hadisəyə Azərbaycanın Xarici İşlar Nazirliyindən də münasibət bildirilib. Nazirliyin Mətbuat xidməti idarəsinin rəisi Leyla Abdullayeva açıqlamasında bildirib ki, Türkiyə tərəfi ilə qarşılıqlı əlaqələndirmə əsasında nəşin vətənə gətirilməsi üçün müvafiq tədbirlər həyata keçiriləcək.

Türkiyənin Qabondakı səfirliyinin vasitəçiliyi ilə cəsəd paytaxt şəhər Librevilə göndəriləcək. Daha sonra nəşin Türkiyə Hava Yollarının ilk uçuş reysi ilə, yəni 26 yanvar tarixində Türkiyə üzərindən Azərbaycana yola salınması planlaşdırılır.

24
Teqlər:
Türkiyə prezidenti Rəcəb Tayyib Ərdoğan, Türkiyə Prezidenti Rəcəb Tayyib Ərdoğan, Rəcəb Tayyib Ərdoğan, Türkiyə, dəniz quldurları
SpaceX şirkətinin  Falcon 9 raketinin buraxılışı, arxiv şəkli

Orbitə bir dəfəyə rekord sayda kosmik aparat çıxarılıb

11
(Yenilənib 23:34 24.01.2021)
Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. orbitə bir dəfəyə rekord sayda kosmik aparat çıxarılan ilk buraxılışdır.

BAKI, 24 yanvar - Sputnik. "SpaseX" şirkəti bu gün "Falcon-9" raket daşıyıcısının 143 raketlə orbitə buraxılışını həyata keçirib.

Sputnik Azərbaycan xəbər verir ki, start ABŞ-ın şərq sahili vaxtı ilə saat 10:00-da (19:00 GMT+4) Kanaveral (Florida ştatı) kosmodromunda baş tutub.

Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. Şirkətdən bildirirlər ki, bu, orbitə bir dəfəyə rekord sayda kosmik aparat çıxarılan ilk buraxılışdır.

Peyklər sartdan təxminən bir saat sonra yerətrafı orbitə buraxılıb.

11
Teqlər:
kosmik stansiya, kosmik, orbit, "SpaceX", İlon Mask