Şabrandakı küçələrdən birinə aprel döyüşlərində şəhid olan kiçik gizir Babək Abidovun adı verilib

Aprel şəhidinin adına küçə verildi

119
(Yenilənib 16:29 16.04.2018)
Babək Vəfadar oğlu Abidovun aprel döyüşləri zamanı göstərdiyi igidlikdən danışılıb

Leyla Abdullayeva-Sputnik Azərbaycan

BAKI, 16 aprel — Sputnik. Şabrandakı küçələrdən birinə 2016-cı ilin aprel döyüşlərində şəhid olan kiçik gizir Babək Abidovun adı verilib. Sputnik Azərbaycan-ın bölgə müxbiri xəbər verir ki, küçənin açılışı ilə bağlı rayon mərkəzində tədbir keçirilib.

Aprel döyüşlərində şəhid olan kiçik gizir Babək Abidovun qəbri
© Sputnik / Leyla Abdullayeva
Aprel döyüşlərində şəhid olan kiçik gizir Babək Abidovun qəbri

Tədbirdə Şabranın Zeyvə kəndində anadan olan Babək Vəfadar oğlu Abidovun aprel döyüşləri zamanı göstərdiyi igidlikdən danışılıb. Şəhidin atası Vəfadar Abidov göstərilən diqqət və qayğıya görə minnətdarlığını dilə gətirib. Sonda üzərində şəhidin ad və soyadı əks olunan lövhənin açılışı olub.

Aprel döyüşlərində şəhid olan kiçik gizir Babək Abidov
© Photo : Ailənin şəxsi arxivindən
Aprel döyüşlərində şəhid olan kiçik gizir Babək Abidov

Qeyd edək ki, Babək Abidov 2 aprel 2016-cı ildə qəhrəmancasına şəhid olub. O, göstərdiyi qəhrəmanlığa görə, ölümündən sonra Azərbaycan Respublikasinin prezidenti İlham Əliyevin sərəncamı ilə "Hərbi ximətdə fərqlənməyə görə III dərəcəli medal" ilə təltif edilib.

119
Teqlər:
aprel şəhidi, Babək Vəfadar oğlu Abidov, Şabran, küçə
Əlaqədar
Aprel şəhidinin anasından cəsarətli çağırış: "Dik durun, ağlamayın!"
Aprel şəhidinin xatirəsi əbədiləşdirildi — FOTO
"Şəhidlər Xiyabanının bazasında soyqrımı muzeyi yaradılsın"
Prezident müharibə əlilləri və şəhid ailələrini sevindirdi
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

88
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

88
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

4
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

4
Mövzu:
Azərbaycanda koronavirus: son xəbərlər