Aygün Attarın Erməniçilik müasir dövrün böyük problemi kimi kitabının təqdimat mərasimi

"Erməniçilik müasir dövrün böyük problemi kimi" kitabının təqdimatı keçirilib

41
(Yenilənib 15:37 13.04.2018)
Kitabda birinci dünya müharibəsi ərəfəsində, həmçinin 1918-20-ci illərdə ermənilər tərəfindən törədilmiş soyqırımlar elmi mənbələrin əsasında təhlil olunur

BAKI, 13 aprel — Sputnik. Professor Aygün Attarın "Erməniçilik müasir dövrün böyük problemi kimi" kitabının təqdimat mərasimi keçirilib. Sputnik Azərbaycan-ın məlumatına görə, təqdimat mərasimində millət vəkilləri, ziyalılar, tarixçilər iştirak edib.

Tədbiri giriş sözü ilə açan millət vəkili, professor Musa Qasımlı Aygün Attarın pedaqoq və ziyalı kimi Türkiyədəki fəaliyyəti haqqında geniş məlumat verib. O bildirib ki, müəllif Türkiyədə Azərbaycan həqiqətlərinin, ölkəmizin tarixinin təbliği üçün böyük işlər aparıb: "Təqdim olunan "Erməniçilik müasir dövrün böyük problemi kimi" kitabı sanballı tarixi əsərdir. Bu kitab Aygün Attarın üç cəhətini- siyasi mübarizliyini, elm-təhsil təşkilatçılığını və arxivçi-tarixçiliyini özündə birləşdirir. Kitab zəngin arxiv materialları əsasında yazılıb".

UNEC-də Qəhrəmanlarımız qan yaddaşımızdır kitabının təqdimatı olub
© Photo : UNEC mətbuat xidməti

Professor Elçin Əhmədov bildirib ki, bu kitab erməni məsələsinin sistemli və kompleks şəkildə araşdırılmasına həsr olunub: "Bu kitabda 1630-cu ildən bu yana baş verən hadisələr ayrı-ayrılıqda təhlil olunub. Kitabda kapitalistləşən, siyasiləşən, terroristləşən, dövlətləşən və qloballaşan erməniçiliyin xüsusiyyətləri, gördükləri işlərin mahiyyəti göstərilib. Kitabda birinci dünya müharibəsi ərəfəsində, həmçinin 1918-20-ci illərdə ermənilər tərəfindən törədilmiş soyqırımlar elmi mənbələrin əsasında təhlil olunur. Kitabın ən mühim cəhəti isə daha çox xarici mənbələrin əsasında hazırlanmasıdır. Bu dəyərli iş həm daxildə, həm xaricdə yaşayan azərbaycanlılar üçün bir nümunədir".

Millət vəkili Adil Əliyev kitabın müəllifinə təşəkkürünü bildirib. O qeyd edib ki, bu kitabın Türkiyə türkcəsində yazılması sevindirici haldır. Sonrakı dövrlərdə kitabın ingilis və rus dillərinə tərcümə olunaraq yayılması zəruridir. Xaricdə fəaliyyət göstərən diaspora nümayəndələrimiz, beynəlxalq təşkilatlarda çalışan həmyerlilərimiz bu kitabı mütləq şəkildə əldə edib gerçək tarixi həqiqətlərin təbliği üçün yararlanmalıdırlar.

Daha sonra çıxış edənlər əlavə ediblər ki, ümumilikdə "Erməniçilik müasir dövrün böyük problemi kimi" əsəri elmi ictimaiyyət və geniş oxucu kütləsi üçün dəyərli siyasi-tarixi kitabdır və müxtəlif dillərə tərcümə edilərək yayılması vacibdir.

41
Teqlər:
arxivçi-tarixçi, Aygün Attar, erməniçilik, kitab
Əlaqədar
Şahbaz Xuduoğlu: “Kitab mağazalarının sayını artırmaq lazımdı”
Tariximizi əks etdirən kitab nəşr olunub
Azərbaycanın “xüsusi təyinatlı gözəli” müdafiə nazirinə kitab həsr edib
Abdulla: “Aparıcıların 80-90 faizinin axırıncı oxuduğu kitab “Əlifba” olub”
Abdullayev: “Gənclər nə qədər çox kitab oxusalar, bu bir o qədər yaxşıdır”
Köçərli: “Kitab Sərgi-Yarmarkası kitabçılar üçün çox yaxşı bir fürsətdir”
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

1
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

1
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

5
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

5