BAKI, 11 aprel — Sputnik. Türkiyənin baş naziri Binəli Yıldırım ABŞ-Rusiya münasibətləri barəsində danışarkən deyib ki, "zaman küçə döyüşlərini kənara buraxmaq zamanıdır". Sputnik Azərbaycan Türkiyə mətbuatına istinadla xəbər verir ki, hökumət rəsmisi qeyd edib ki, "problemlər hərbi yolla həll edilə bilməz.
Nazir bildirib ki, "sən daha güclüsən, yoxsa mən" mübahisəsini kənara atmaq zamanıdır: "Küçə "qoçu"ları kimi dava edirlər. Nəticədə sivil insanlar ölür. Zaman rəqabət zamanı deyil. Zaman bölgədəki yaralaları sarmaq zamanıdır".
Daha sonra Binəli Yıldırım qeyd edib ki, əl-ələ verib, həqiqətən Suriyanın da, İraqın da torpaq bütünlüyünü saxlayaraq, terror təşkilatları ilə ikili standartlı davranmadan, terror təşkilatları arasında sıralama etmədən mübarizə aparmaq zamanıdır: "Biz Türkiyə olaraq bunu edirik. Dost və müttəfiqlərimizdən də bunu gözləyirik".
