Bizim Planet verilişi

Bizim Planet: Aprel döyüşləri strateji mənada bütün hesabları dəyişdi

31
(Yenilənib 15:55 10.04.2018)
Aprel hadisələri münaqişənin həll olunmasında tamam yeni bir səhifə açıb

Bakı, 10 aprel — Sputnik. "Aprel döyüşləri strateji mənada bütün hesabları dəyişdi". Sputnik Azərbaycan xəbər verir ki, bu fikirlər "Bizim Planet" verilişində səsləndirilib. Beynəlxalq Münasibətlərin Araşdırılması Mərkəzinin sədri, politoloq Rufiz Qonaqovun təqdim etdiyi "Bizim Planet" verilişi Xarici İşlər Nazirliyi Mətbuat Xidmətinin rəhbəri Hikmət Hacıyev və ADA Universitetinin siyasi elmlər doktoru Elnur Soltanovun maraqlı müzakirələri ilə yadda qalıb.

Bizim Planet verilişi
Ağyol İnformasiya Agentliyinin mətbuat katibi

Ölkə miqyasında mühüm siyasi hadisələrin geniş diskussiya olunduğu verilişdə ilk növbədə Bakı Konqres Mərkəzində baş tutan Qoşulmama Hərəkatının nazirlər konfransının açılış mərasimi, prezident İlham Əliyevin buradakı çıxışı və yekun Bakı Bəyannaməsinin tarixi əhəmiyyəti barəsində tamaşaçılara məlumat verilib. 

Bildirilib ki, Qoşulmama Hərəkatında 120 dövlət iştirak edir. 17 dövlət və 10 beynəlxalq təşkilat Qoşulmama Hərəkatı yanında müşahidəçi statusuna malikdir. Beynəlxalq sülhün və təhlükəsizliyin təmin olunmasında mühüm rol oynayan Qoşulmama Hərəkatının Bakı görüşü öz əhəmiyyətinə görə xüsusi yer tutur. Bakıda təşkil edilən "Davamlı inkişaf naminə beynəlxalq sülh və təhlükəsizliyin təşviq edilməsi" mövzusunda keçirilən Qoşulmama Hərəkatının nazirlər görüşündə ümumilikdə 800-dən artıq şəxs iştirak edib.

Qoşulmama Hərəkatının tarixi, ümumi məqsəd və məramları barəsində geniş məlumat verilib. Vurğulanıb ki, prezident İlham Əliyevin Konfransın açılış mərasimində iştirak etməsi, eləcə də öz çıxışında toxunduğu mövzular olduqca əhəmiyyətli idi. Prezident burada, Azərbaycanda mövcud olan siyasi-ictimai sabitlik, dövlətimizin artan siyasi nüfuzu, sürətli iqtisadi inkişafı, beynəlxalq aləmdəki rolu və yeri, son illərdə ölkəmizdə keçirilən çoxsaylı tədbirlərin əhəmiyyətliliyi, Dağlıq Qarabağ münaqişəsinin həlli istiqamətində atılan addımlar, terrorist bir dövlət kimi beynəlxalq hüquq normalarını pozman Ermənistanın işğalçılıq siyasəti və digər mühüm məsələlər ətrafında qonaqlara məlumat verib.

Qeyd olunub ki, Qoşulmama Hərəkatının Bakıda keçirilmiş 18-ci nazirlər konfransında Yekun Bakı Sənədi, Bakı Bəyannaməsi və Fələstin üzrə bəyanatın qəbul olunması Hərəkatın tarixində yeni mərhələnin əsasını qoyub.

Qoşulmama Hərəkatının suverenlik və dövlətlərin suveren bərabərlik, ərazi bütövlüyü və dövlətlərin daxili işlərinə qarışmamaq prinsiplərini rəhbər tutduğu, təcavüz və sülhün pozulması hallarının qarşısının alınması üçün effektiv tədbirlərin həyata keçirilməsi, həmçinin, dövlətlərin ərazi bütövlüyü və siyasi müstəqilliyinə qarşı hərbi təcavüzdən kənar durulması təsbit olunub.

Bildirilib ki, qlobal məsələlər, regional, sub-regional, inkişaf, sosial məsələlər və insan hüquqları kimi fəsilləri əhatə edən Yekun Bakı Sənədi ölkəmizin maraqları baxımından da fundamentaldır.

Verilişdə şərh edilən digər mühüm mövzu dövlətimizin və xalqımızın tarixində yadda qalan aprel döyüşləri olub. Bildirilib ki, dörd gün davam edən sözügedən qəhrəmanlıq salnaməsi Ermənistan-Azərbaycan, Dağlıq Qarabağ münaqişəsində bir dönüş nöqtəsi yaradıb. Aprel hadisələri münaqişənin həll olunmasında tamam yeni bir səhifə açıb. Ordumuzun göstərmiş olduğu şücaət və xalqımızın hərbdə ordu ilə bir ruhda olması dövlətimizin düşmənlər üzərində mühüm qələbəsi kimi qiymətləndirilib.

Prezident İlham Əliyev
© Official website of President of Azerbaijan Republic

Qeyd olunub ki, aprel hadisələri göstərdi ki, gec, ya da tez bir zamanda tarixi torpaqlarımızın geri qaytarılması qələbəmizi qətiləşdirir.

"Bizim Planet"də müzakirə edilən mövzular arasında keçirilən "AITF-2018" XVII Azərbaycan Beynəlxalq turizm və səyahətlər və "HOREX Caucasus-2018" XII Qafqaz Beynəlxalq mehmanxana, restoran və supermarketlər üçün avadanlıq və ləvazimatlar sərgiləri olub.

Bildirilib ki, prezident İlham Əliyev, birinci xanım Mehriban Əliyeva və Heydər Əliyev Fondunun vitse-prezidenti Leyla Əliyevanın iştirak etdiyi sərgi "Bütün dünya — bir sərgi" şüarı altında nümayiş olunub. 20 ölkəni təmsil edən 277 şirkətin iştirak etdiyi sərgidə Avropa və Asiya ölkələrini təmsil edən şirkətlər yer alıb. Qeyd olunub ki, sərgidə müxtəlif hava yolları və otel şəbəkələri, eləcə də turizm sahəsi üzrə digər xidmət növləri təqdim edilir.

Sərgidə nümayiş etdirilən Qarabağ stendinin böyük maraq doğurduğu xüsusi vurğulanıb. Sərginin təşkil olunmasının əhəmiyyətinə toxunan siyasi şərhçilər bildiriblər ki, sərgi vasitəsi ilə Azərbaycanın turizm imkanlarının tanıdılması ilə bərabər ölkəmiz dünya səviyyəli biznes, alış-veriş və istirahət məkanı kimi təbliğ edilir.

31
Teqlər:
"Bizim Planet", aprel döyüşləri, Ermənistan, Bakı, Azərbaycan
Əlaqədar
"Bizim Planet"də Azərbaycanın siyasi uğurları müzakirə olunub
Aprel döyüşləri barədə yalan məlumat yayan Rusiya telekanalı bağlandı
Müdafiə Nazirliyi aprel döyüşləri barədə yazılanlara cavab verdi
"Aprel döyüşləri Azərbaycanın heç vaxt işğalla barışmayacağını göstərdi"
Aprel döyüşləri vaxtı vurulan ziyanla bağlı məhkəməyə 700 ərizə göndərilib
"Aprel döyüşləri bizim şanlı qələbəmizdir"

Topçu Vüsal məsələsində son nöqtə qoyuldu - "Məqsədimiz..."

4
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

4

Azərbaycanda minaların partlaması nəticəsində 535 mülki şəxs ölüb

1
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

1