Fələstin bayrağı, arxiv şəkli

Fələstində ölənlərin sayı 32 nəfərə çatıb

23
(Yenilənib 15:47 09.04.2018)
İsrail blokadası altında olan Qəzza zolağında 30 martda keçirilən dinc yürüş zamanı yaralanan fələstinli Mervan Avad Kudeyh bu səhər həyatını itirib

BAKI, 9 aprel — Sputnik. İsrail blokadası altında olan Qəzza zolağında 30 martda keçirilən "Böyük qayıdış yürüşü" zamanı yaralanan fələstinli Mervan Avad Kudeyh bu səhər həyatını itirib.

Sputnik Azərbaycan "Anadolu" agentliyinə istinadla xəbər verir ki, Qəzza Səhiyyə Nazirliyindən verilən açıqlamaya görə, dinc yürüş zamanı İsrail əsgərlərinin açdığı atəş nəticəsində yaralanan fələstinli Kudeyh müalicə aldığı xəstəxanada ölüb.

Bununla da, 30 martdan bəri davam edən dinc aksiyalarda İsrail əsgərləri tərəfindən öldürülən fələstinlilərin sayı 32-yə çatıb. Dinc nümayişlərdə 2850-dən çox fələstinli də yaralanıb. Qəzzadakı xəstəxanalarda müalicələri davam edən bəzi yaralıların vəziyyətinin ağır olduğu bildirilir.

Qeyd edək ki, fələstinlilər "Torpaq Günü"nün 42-ci ildönümü çərçivəsində martın 30-dan etibarən blokada altındakı Qəzza zolağının İsrail sərhədində dinc aksiyalar keçirir. Fələstinlilər dinc aksiyaları may ayının ortasına qədər davam etməyi planlaşdırır. "Torpaq Günü" fələstinlilərin göstərdiyi müqavimətin rəmzi olaraq göstərilir.

23
Teqlər:
"Torpaq Günü", dinc aksiya, dinc yürüş, nümayiş, Qəzza, İsrail
Əlaqədar
Türkiyə yenə Qəzza zolağına humanitar yardım göndərəcək
Dünya bankı: Qəzza üstü açıq həbsxanaya çevrilib
Fələstin – İsrail qarşıdurması yenidən şiddətlənir
Vəziyyət gərginləşdi: ABŞ təmsilçisindən Fələstin liderinə böyük hörmətsizlik
Fələstin ABŞ-dan imtina etdi: Daha vasitəçi ola bilməz
DSX əsgəri, arxiv şəkli

Baş Prokurorluq sərhədi qanunsuz keçənlərlə bağlı xəbərdarlıq etdi

8
(Yenilənib 12:43 21.10.2020)
Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

 

BAKI, 21 oktyabr — Sputnik. Azərbaycan Respublikasının Baş Prokurorluğu tərəfindən aparılmış araşdırmalarla son günlərdə müxtəlif terror təşkilatlarının üzvlərinin, o cümlədən xarici ölkə vətəndaşlarının dövlət sərhədini müəyyən edilmiş sənədlər olmadan Ermənistan ərazisindən qanunsuz keçərək Azərbaycan Respublikasının işğal olunmuş ərazilərinə gəlib qanunsuz silahlı birləşmələr yaratmaları,eləcə də ərazilərimizin işğalına yönələn təcavüzkar müharibədə muzdlu kimi istifadə edilmələri müəyyən edilib.

Sputnik Azərbaycan Baş Prokurorluğun məlumatına istinadla xəbər verir ki, bu kimi qanunsuz halların qarşısının alınması məqsədilə xarici ölkə vətəndaşlarının Azərbaycan Respublikasının ərazisinə hansı qaydada gəlmələri ilə bağlı fransız, ispan, alman, rus, ingilis və ərəb dillərində növbəti dəfə maarifləndirici videoçarxlar hazırlanıb.

Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

8
Mövzu:
Azərbaycan və Ermənistan arasında müharibə
OPEC-in mənzil-qərargahı, arxiv şəkli

OPEC neftin bir barelinin qiymətinin 40 dollardan aşağı düşməməsini hədəfləyir

8
OPEC-in prezidenti Əbdülməcid Əttar 2021-ci ilin əvvəlindən etibarən neft qiymətlərində artım gözlənildiyini bildirib.

BAKI, 21 oktyabr — Sputnik. Neft İxrac Edən Ölkələr Təşkilatı (OPEC) və bu quruma üzv olmayan neft istehsal edən digər ölkələrdən ibarət OPEC+ qrupunun üzvləri 2020-ci ilin sonuna qədər neftin bir barelinin qiymətinin 40 dollardan aşağı düşməməsini hədəfləyir.

Sputnik Azərbaycan Türkiyə mediasına istinadla xəbər verir ki, bu barədə Əlcəzairin Energetika naziri və OPEC-in müvəqqəti prezidentliyini icra edən Əbdulməcid Əttar məlumat verib. O, OPEC+ qrupunun neft bazarını və qiymət sabitliyini qorumaq üçün bütün lazımi addımları atmağa qərar verdiyini deyib.

Yeni növ koronavirus (COVID-19) epidemiyası səbəbiylə dünyada neftə olan tələbatın gündəlik 9 milyon bareldən çox azaldığını bildirən Əttar 2021-ci ilin əvvəlindən etibarən neft qiymətlərində artım gözlənildiyini də bildirib.

Qeyd edək ki, aprel ayında OPEC+ qrupu ölkələri may ayının əvvəlindən iyulun sonuna qədər gündəlik neft hasilatını 9,7 milyon barelə, avqustdan ilin sonuna qədər isə 7,7 milyon barelə endirmək barədə qərar qəbul etmişdi.

8
Teqlər:
neft, OPEK, OPEC