Biznesmen, arxiv şəkli

Azərbaycanda önəmli posta yeni təyinat

873
(Yenilənib 13:39 09.04.2018)
Sübhan Kazım oğlu Kazımovu əvəz edəcək yeni direktor Emin Ramiq oğlu Əfəndiyevdir

Bakı, 9 aprel — Sputnik. Nəqliyyat, Rabitə və Yüksək Texnologiyaları Nazirliyi yanında "Azərpoçt" MMC-yə yeni baş direktor təyin edilib.

Sputnik Azərbaycan xəbər verir ki, Sübhan Kazım oğlu Kazımovu əvəz edəcək yeni direktor Emin Ramiq oğlu Əfəndiyevdir. O, aprel ayından yeni vəzifəsinin icrasına başlayıb.

Qeyd edək ki, əmək fəaliyyətinə 1992-ci ildə Material Ehtiyatları Nazirliyinin "Azərtikinti materialları" idarəsində böyük mühəndis vəzifəsindən başlayan Emin Əfəndiyev iqtisadçı, baş mühasibin müavini və baş mühasib vəzifələrində işləyib.

1996-2004-cü illərdə "Rossiyskiy Kredit" Rusiya-Azərbaycan birgə bankında mütəxəssis, şöbə müdiri, departament müdiri, İdarə Heyəti (İH) sədrinin müavini və sədri, 2004-2009-cu illərdə "AZAL Bank"ın İH sədrinin müavini, 2009-2015-ci illərdə "Kapital Bank" ASC-nin filial müdiri, 2015-2018-ci illərdə Azərbaycan Beynəlxalq Bankının Rusiya Federasiyasındakı törəmə bankında ("Bank MBA-Moskva") İdarə Heyətinin sədri vəzifələrində çalışıb.

Onu da əlavə edək ki, martın 14-də keçirilmiş Bankın Səhmdarlarının Ümumi Yığıncağında "Bank"MBA-Moskva", "ABB-Gürcüstan" və "Biznes-Rabitə" MMC-nin fəaliyyətinin dayandırılması qərara alınıb.

873
Teqlər:
"Bank"MBA-Moskva", Nəqliyyat, Rabitə və Yüksək Texnologiyaları Nazirliyi, "Azərpoçt" MMC, baş direktor
Əlaqədar
Daha bir universitetimizə yeni təyinat
Azərbaycan futbolunda yeni təyinat
Azərbaycanda yüksək posta gözlənilməz təyinat
İlham Əliyevdən iki mühüm diplomatik təyinat
Azərbaycanda iki yüksək postun rəhbəri istefa verdi, birinin yerinə təyinat var
Fransada etirazlar

Yeni ildə köhnə adətə davam: fransızlar yenə mitinqə çıxıblar - VİDEO - FOTO

2
(Yenilənib 18:38 16.01.2021)
Sulu qar və koronavirus epidemiyası səbəbindən məhdudlaşmaların sərtləşdirilməsi etirazçılara küçələrə çıxmağa əngəl törətməyib

BAKI, 16 yanvar - Sputnik. Parisdə bu ilin ilk "Azadlıq marşı" keçirilir. Aksiya iştirakçılarının tələbi dəyişməzdir - onlar parlamentin nəzərdən keçirdiyi "Qlobal təhılükəsizlik haqda" qanuna qarşıdırlar. 

Sputnik Fransa xəbər verir ki, sulu qar və koronavirus epidemiyası səbəbindən məhdudlaşmaların sərtləşdirilməsi etirazçılara küçələrə çıxmağa əngəl törətməyib. 

​Etirazları "yeniləməyə" Milli Jurnalistlər Birliyi çağırıb. İnsanlar yerli vaxtla 14:00-da Bastiliya meydanına doğru hərəkət ediblər. Xeyli sayda polis təhlükəsizliyi qorumaq üçün cəlb edilib. 

Hələlik aksiyanın dinc keçdiyi bildirilir. 

​Ötən il noyabrın 24-də Milli Şura "Qlobal təhlükəsizlik haqda" qanun layihəsini birinci oxunuşda qəbul edib. Onun 24-cü maddəsi polisin, jandarmın vəzifələrini icra edən zaman "onların fiziki və ya psixi toxunulmazlığına açıq-aşkar xələl gətirmək məqsədilə" "üzünün şəklinin, yaxud digər identifikasiya elementinin" yayılmasına görə 45 min avro cərimə və həbs cəzasını nəzərdə tutur. 

​Bu maddə jurnalistlərin həmkarlar ittifaqının narazılığna səbəb olub, onlar hesab edirlər ki, bu, söz azadlığına ciddi ziyan vuracaq, vətəndaşlar və KİV isə manifestasiyalar zamanı hüquq-mühafizə orqanlarının əməkdaşlarının işini asudə işıqlandıra bilməyəcəklər. Milli Şura tənqid olunan maddəni yenidən yazmağa qərar versə də həmkarlar ittifaqları yenidən etirazlara səsləyiblər. Parlamentin yuxarı palatası isə qətnaməyə yanvarda baxacaq.

2
Duesseldorf aeroportu, arxiv şəkli

Sərhədi keçənlərdən COVID vaksini barədə sertifikat istəməyin - ÜST

2
(Yenilənib 18:11 16.01.2021)
Bir çox ölkələrdə SARS-CoV-2 virusunun yeni ştammları aşkar olunduğundan Komitə üzv ölkələrə laborator müayinələrini artırmağı və gücləndirməyi tövsiyə edib. 

BAKI, 16 yanvar - Sputnik. Transsərhəd səfərləri zamanı insanlardan COVID-19 əleyhinə peyvənd olunduqlarına dair sertifikat tələb olunması məsləhət deyil.

Sputnik Azərbaycan bildirir ki, bu barədə Ümumdünya Səhiyyə Təşkilatının Fövqəladə Vəziyyət üzrə Komitəsinin bu gün keçirilən videokonfransında deyilib. Qeyd olunub ki, bir çox ölkələrdə vaksin əlçatan deyil və ümumiyyətlə, hələlik peyvəndlərin xüsusiyyətləri öyrənilmə mərhələsindədir. 

Komitə üzvləri qeyd ediblər ki, pandemiya əvvəlki kimi təhlükəli olmaqda davam edir. Bir çox ölkələrdə SARS-CoV-2 virusunun yeni ştammları aşkar olunduğundan Komitə üzv ölkələrə laborator müayinələrini artırmağı və gücləndirməyi tövsiyə edib. 

2
Teqlər:
sertifikat, vaksin, COVID-19, ÜST
Mövzu:
Yeni tip koronavirus pandemiyası