Raket zərbəsi, arxiv şəkli

Bəşər Əsədin tabeçiliyindəki hərbi bazaya raket zərbələri endirildi

117
(Yenilənib 11:05 09.04.2018)
Suriyanın Homs vilayətində rejimə aid "Tiyas" hərbi bazasına raket zərbəsi endirilib - ölən və yaralananlar var

BAKI, 9 aprel — Sputnik. Suriyanın Homs vilayətində rejimə aid "Tiyas" hərbi bazasına raket zərbəsi endirilib. Sputnik Azərbaycan "Milliyet"ə istinadla xəbər verir ki, məlumatı Suriya dövlət televiziyası yayıb. 

Xəbərə görə, hava bazası yaxınlığında şiddətli partlayış səsləri eşidilib, ölən və yaralananlar var. Suriya qüvvələri hücuma qarşılıq verib.

Hücum ilə bağlı bir amerikalı səlahiyyətlidən açıqlama da gəlib. Açıqlamada bildirilib ki, Suriyada Əsədə aid bazaya ABŞ-ın hücum etməsi ilə bağlı məlumatlar həqiqəti əks etdirmir.

Qeyd edək ki, ABŞ prezidenti Donald Tramp Suriyada baş verən və 78 nəfərin həyatını itirməsinə səbəb olan kimyəvi hücumdan sonra sərt bəyanatlar vermişdi. Tramp açıqlamasında Əsədin bunun əvəzini ağır ödəyəcəyini bildirmişdi.

Onu da bildirək edək ki, Ağ Ev Şərqi Quta əyalətinin Duma yaşayış məntəqəsində kimyəvi silahdan istifadə edilməsindən sonra Suriyaya qarşı hərbi əməliyyatı istisna etmir. Bunu Ağ Evin təhlükəsizlik və terrorla mübarizə üzrə müşaviri Tomas Bossert bildirib.

117
Teqlər:
Tramp, zərbə, Bəşər Əsəd, raket, Suriya, hərbi baza, ABŞ
Əlaqədar
ABŞ Suriya ilə bağlı qərarını verdi
İsraildən gecikmiş Suriya etirafı
Politoloq İranın Suriya siyasətindəki pərdəarxası məqamlarını izah edir
İran Suriya barədə xəbərdarlıq etdi
Suriya ordusuna hücumdan sonra Pentaqondan maraqlı açıqlama
Suriya İsrailin döyüş təyyarəsini vurdu
Suriya probleminin həlli yolunda mühüm addım atıldı
Suriya səmasında toqquşma: Amerika təyyarəsi Rusiya qırıcısına atəş açıb
Bakıda buludlu hava, arxiv şəkli

Bakıda buludlu olacaq, bölgələrə yağacaq

0
Tibbi-meteoroloji proqnoza gəldikdə isə, sentyabrın 30-u, oktyabrın 1-də Abşeron yarımadasında komfort temperatur şəraiti gözlənilir ki, bu da meteohəssas insanlar üçün əlverişlidir

BAKI, 29 sentyabr — Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, cənub-şərq küləyi əsəcək. Havanın temperaturu Bakıda və Abşeron yarımadasında gecə 15-17, gündüz 22-25 dərəcə isti olacaq. Atmosfer təzyiqi 767 mm civə sütunundan 763 mm civə sütununa enəcək, nisbi rütubət gecə 60-70, gündüz 40-45 faiz olacaq.

Sentyabrın 30-da Azərbaycanın rayonlarında havanın əsasən yağmursuz keçəcəyi, lakin axşam bəzi yerlərdə şimşək çaxacağı, yağış yağacağı gözlənilir. Səhər bəzi yerlərdə duman olacaq. Mülayim şərq küləyi əsəcək. Havanın temperaturu gecə 12-17, gündüz 23-28, dağlarda gecə 7-11, gündüz 13-16 dərəcə isti olacaq.

Tibbi-meteoroloji proqnoza gəldikdə isə, sentyabrın 30-u, oktyabrın 1-də Abşeron yarımadasında komfort temperatur şəraiti gözlənilir ki, bu da meteohəssas insanlar üçün əlverişlidir.

0
Teqlər:
hava proqnozu

Hikmət Hacıyev dünyanın aparıcı KİV-lərini Qarabağ döyüşləri barədə məlumatlandırdı

6
Mülki əhali arasında həlak olan və yaralananların olduğunu təəssüflə bildirən Prezident köməkçisi indiyədək 2-si azyaşlı olmaqla 10 nəfərin həlak olduğunu və 30 nəfərin yaralandığını qeyd edib

BAKI, 29 sentyabr — Sputnik. Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Türkiyə Respublikasında akkreditə olunmuş dünyanın aparıcı xarici KİV nümayəndələrinə (Wall Street Journal, Reuters, Voice of America, New York Times, CNN International, Politico, Deutsche Well, El Pais, El Periodico, ORF, Bloomberg və Journo) videoformatda mətbuat brifinqi verib.

Sputnik Azərbaycan-ın xəbərinə görə, Ermənistan silahlı qüvvələrinin son təxribatları barədə məlumat verən H.Hacıyev cəbhəboyu zonada yerləşən mövqelərimizin və yaşayış məntəqələrimizin qəsdən intensiv surətdə atəşə tutulduğunu bildirib.

Mülki əhali arasında həlak olan və yaralananların olduğunu təəssüflə bildirən Prezident köməkçisi indiyədək 2-si azyaşlı olmaqla 10 nəfərin həlak olduğunu və 30 nəfərin yaralandığını qeyd edib.

Habelə, H.Hacıyev ordumuzun əsas məqsədinin Ermənistanın növbəti hərbi təcavüzünün qarşısının alınması, mülki əhalinin təhlükəsizliyinin təmin edilməsi, ələlxüsus ölkəmizin beynəlxalq səviyyədə tanınmış ərazi bütövlüyünün təmin edilməsi olduğunu bildirib.

Daha sonra, H.Hacıyev jurnalistlərin suallarını cavablandırmış və onları Azərbaycana dəvət edib.

6
Mövzu:
Azərbaycan və Ermənistan arasında müharibə
Əlaqədar
Rəsmi Bakı BMT Təhlükəsizlik Şurasından gözləntisini açıqladı
"Qoşunların təmas xətti boyu əməliyyatlar davam edir, bu, vətən müharibəsidir!
Ermənistan ərazisindən Daşkəsən rayonu ərazisi atəşə tutulur
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Prezidentin köməkçisi Ermənistanın son təxribatı ilə bağlı bəyanat yayıb