Həbsxana, arxiv şəkli

Qumar qadınlar azərbaycanlı biznesmenin evini yıxıb

230
(Yenilənib 23:38 06.04.2018)
Qumar və qadınlara olan həvəs Moskvadakı Food City Ticarət Mərkəzi ərazisindəki iri meyvə-tərəvəz bazarının sahibini az qala dəmir barmaqlıqlar arasına salacaqdı

BAKI, 7 aprel — Sputnik. Qumar və qadınlara olan həvəs Moskvadakı Food City Ticarət Mərkəzi ərazisindəki iri meyvə-tərəvəz bazarının azərbaycanlı sahibi Zeynalov Məhərrəm Novruz oğlunu az qala dəmir barmaqlıqlar arasına salacaqdı. Və bu təhlükə hələ tam sovuşmayıb. Çünki təkcə keçmiş "Four Seasons" (Çetıre sezona-Dörd mövsüm) Domodedovo meyvə-tərəvəz bazasından Zeynalovla bağlı hüquq-mühafizə orqanlarına 9 nəfər şikayət daxil olub.

Bu barədə Sputnik Azərbaycan-a Moskvanın hüquq-mühafizə orqanlarındakı informasiyalı mənbə məlumat verib.

Qeyd edək ki, Zeynalov martın 30-da Rusiya Daxili İşlər Nazirliyinin Moskva vilayəti üzrə baş cinayət-axtarış idarəsinin əməkdaşları tərəfindən saxlanılıb. 

Məhərrəm Pokrovski adı ilə məşhur olan biznesmen müxtəlif şəxslərə külli miqdarda pul borcludur. Bununla əlaqədar olaraq ona qarşı xüsusilə külli miqdarda ziyan vurmaqla dələduzluq faktı üzrə cinayət işi açılıb.

Əslən Şəmkir rayonunun Çinarlı kəndindən olan Məhərrəm Zeynalovun və hansısa Nuruşun Qərbi Biryulevoda yerləşən, 2013-cü ilin oktyabrında baş verən kütləvi iğtişaşlar zamanı bağlanmış Pokrov meyvə-tərəvəz bazasında iri topdansatış məntəqələri olub. "Pokrovka" adı ilə məşhur olan bu bazanın bağlanmasından sonra azərbaycanlı biznesmenlər, eləcə də Zeynalov Food City aqroklasterinə köçüblər.

Məhərrəm və Rövşən Zeynalov qardaşları "Azfrut" ASC-nin meydançasında avtomobil ticarəti ilə də məşğul olublar. Onlar bazar ərazisinə daxil olan bütün TIR-lara nəzarət ediblər. Həbsin səbəbi Zeynalovun hələ Pokrov bazası fəaliyyət göstərən vaxtdan yığılıb qalmış borclardır. Lakin 31 martda Zeynalov azadlığa çıxıb. 

Bu gün — aprelin 6-da isə məlum olub ki, biznesmen şəhərdən heç yerə getməmək şərtilə azadlığa buraxılıb. Bir sıra məlumatlara görə, onunla bağlı hüquq-mühafizə orqanlarına Food City-nin sahibi və milyarder Qod Nisanov xahiş edib.

Bununla yanaşı, məlum olub ki, Zeynalovun bu qədər borclarının üst-üstə yığılmasına səbəb onun qumara və qadınlara olan düşkünlüyüdür. O, eyni zamanda kazinolara və vətənindən olan şou-biznes nümayəndələrinə səxavətlə pul xərcləyir. Əlbəttə Məhərrəm Zeynalovun Azərbaycanın hansı şou-biznes ulduzlarına flirt etdiyinə hələlik jurnalistlər tərəfindən bir işarə vurulmayıb. Lakin bu, onu yaxından tanıyanlara heç də sirr deyil. O, külli miqdarda pulunu sevgili olduğu müğənnilərin populyarlaşdırılmasına sərf edir. Əldə etdiyimiz məlumata görə, Zeynalov öz tanışlarına bir neçə milyon dollar borcludur.

230
Əlaqədar
Azərbaycanlı biznesmenin əmlakı satışa çıxarılacaq
Sultan Süleymanın biznes arzusu 1 milyon dollarlıq zərərlə bitdi
Bakıda Azərbaycan-İran biznes forumu keçirilir
Azərbaycanlı biznesmenlər kriminallara iri məbləğdə pul ödəməyə məcbur ediliblər
Bakılı biznesmeni oğurlayan şəxs 20 il sonra Moskvada saxlanıldı

Eldar Quliyev vəfat edib

23
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

 

BAKI, 16 aprel — Sputnik. Xalq artisti, rejissor Eldar Quliyev dünyasını dəyişib. Sputnik Azərbaycan xəbər verir ki, rejissor uzun sürən xəstəlikdən sonra bu gün dünyasını dəyişib.

Qeyd edək ki, rejissor yanvarın 18-də xəstəxanaya yerləşdirilmişdi. Martın əvvəlində evə buraxılan sənətkarın səhhəti ağırlaşdığından bir müddət sonra özəl klinikaların birinə yerləşdirilmişdi.

Məlumat üçün bildirək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

23
Teqlər:
vəfat, rejissor, Eldar Quliyev
İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda

İtaliya nümayəndə heyəti Ağdam şəhərində səfərdə olub - FOTO

5
İtaliya parlamentinin üzvləri burada Ermənistanın işğal zamanı Azərbaycan ərazisində törətdiyi vandalizmi öz gözləri ilə görüblər. Səfər zamanı italiyalı qonaqlar Ağdam Cümə məscidi və Ağdam Dövlət Dram Teatrının qalıqları ilə tanış olublar.

BAKI, 16 aprel — Sputnik. Xəbər verildiyi kimi, İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti ölkəmizdə səfərdədir.

Sputnik Azərbaycan-ın məlumatına görə, səfər çərçivəsində İtaliya nümayəndə heyəti işğaldan azad olunmuş Ağdam şəhərində olub. İtaliya parlamentinin üzvləri burada Ermənistanın işğal zamanı Azərbaycan ərazisində törətdiyi vandalizmi öz gözləri ilə görüblər. Səfər zamanı italiyalı qonaqlar Ağdam Cümə məscidi və Ağdam Dövlət Dram Teatrının qalıqları ilə tanış olublar.

  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
1 / 3
© Photo : Milli Mejlis of the Azerbaijan Republic
İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda

Qonaqlar ermənilərin müharibə cinayətləri, mədəni, tarixi, dini abidələri məhv etmələri barədə ətraflı məlumatlandırılıb. Onlara məlumat verilib ki, Ermənistanın işğalına qədər Ağdam nəinki Qarabağ bölgəsinin, eləcə də respublikanın ən böyük, inkişaf etmiş şəhərlərindən idi. Ermənilər işğal etdikləri Ağdam şəhərində və rayonun kəndlərində yaşayış evlərini, ictimai binaları, məktəbləri, uşaq bağçalarını, xəstəxanaları, istehsal müəssisələrini talan edib, uçurub və yandırıblar. Erməni vandalları hətta Şəhidlər xiyabanlarını, qəbristanlıqları da dağıdıblar.

Ağdam səfəri zamanı İtaliya nümayəndə heyətini Milli Məclisin Azərbaycan-İtaliya parlamentlərarası əlaqələr üzrə işçi qrupunun rəhbəri Azər Kərimli və digər rəsmi şəxslər müşayiət ediblər.

5