Mark Zukerberq

"Facebook"dan Azərbaycana daha 3 ölkəyə yönəlik radikal qərar

772
(Yenilənib 15:08 04.04.2018)
"Facebook" Sankt-Peterburqdan idarə olunan 270 hesabı və səhifəni qapadıb

BAKI, 4 aprel — Sputnik. "Facebook" sosial şəbəkəsinin qurucusu və sahibi Mark Zukerberq "İnternet Araşdırmaları Agentliyi"nin (Internet Research Agency, IRA) idarəetməsi altında olan 270 səhifə və hesabı qapatdıqlarını bəyan edib.

"Bu gün biz "İnternet Araşdırmaları Agentliyi" adlı Rusiya təşkilatının idarə etdiyi 270 səhifə və hesabı qapadaraq bütün dünyada düzgün seçkilərin müdafiəsi istiqamətində vacib addım atmışıq" — deyə Zukerberq özünün "Facebook" səhifəsində yazıb. 

Основатель и главный исполнительный директор Facebook Марк Цукерберг
© Photo : Stuart Ramson / AP Images for Facebook

Sputnik Azərbaycan-ın məlumatına görə, Zukerberq bu addımı niyə atdıqlarını izah edərkən deyib ki, həmin səhifələri "onların kontentinə görə" deyil, "onlara IRA-nın nəzarət etməsinə görə" qapadıblar.

ABŞ KİV-ləri xeyli müddətdir Rusiyanı ABŞ-da keçirilən prezident seçkilərində sosial şəbəkələr vasitəsilə Donald Trampa dəstək verməkdə günahlandırır. Amma indiyə qədər ortaya hər hansı fakt qoyulmayıb və iddialar sübuta yetirilməyib. İttihamlar öz növbəsində Sankt-Peterburqda fəaliyyət göstərən "İnternet Araşdırmaları Agentliyi"nə yönəlib.

Başda "Facebook" və "Twitter" olmaqla, sosial şəbəkələr bu məsələdə ABŞ-ın Senatı və Nümayəndələr Palatası ilə əməkdaşlıq edərək seçkilərə "Rusiyanın müdaxiləsi"ni və "Trampın Rusiya ilə anlaşması"nı araşdırır. Belə bir "anlaşma"nın olduğunu Kreml və Ağ Ev təkzib edir.

Zukerberq deyib ki, hesabların və səhifələrin bloklanması "Rusiyada yaşayan insanlara", eləcə də "Azərbaycan, Özbəkistan və Ukrayna kimi rus dilində danışan qonşu ölkələrə" yönəlib. Onun sözlərinə görə, "Facebook"-dakı agentliklərdən birinin səhifəsi 1 milyona qədər, "Instagram"-dakı 1 agentliyin səhifəsi isə 500 minə qədər izləyici toplayıb.

Zukerberq əlavə edib ki, qapadılan bir sıra səhifələr Rusiyanın xəbər təşkilatlarının, eləcə də IRA-nın nəzarətində olub: "Bu, Rusiya agentliyi daimi olaraq aldatma yolu ilə fəaliyyət göstərir və ABŞ, Avropa və Rusiyadakı insanlarla manipulyasiyaya cəhd edir. Odur ki, biz artıq onları eynilə dünyada olduğu kimi "Facebook"-da da görmək istəmirik".

772
Teqlər:
"İnternet Araşdırmaları Agentliyi", Mark Zukerberq, KİV, facebook, hesab, ABŞ
Əlaqədar
Qalmaqal böyüyür: Mark Zukerberq ABŞ Konqresində ifadə verəcək
"Facebook" istifadəçilər qarşısında geri çəkildi
"Facebook" trilyonlarla dollar cərimə ödəyə bilər
"Facebook"un sahibindən qalmaqallı etiraf
“WhatsApp”ın qurucusundan "Facebook"a qarşı cəsarətli çağırış
“Facebook”un sahibinin döyülmüş şəkli paylaşıldı - FOTO
Pomidor məhsulunun yüklənməsi

Xaric qadağa qoyur, sahibkarlar isə dövlət qurumundan narazılıq edirlər

0
(Yenilənib 16:09 22.01.2021)
Sahibkarlar uzun illərdir istixanada məhsul becərsələr də, builki kimi çətinliklə üzləşmədiklərini deyirlər.

İlham Mustafayev, Sputnik Azərbaycan

BAKI, 22 yanvar — Sputnik. Ötən ilin sonlarında Rusiya ölkəmizdən pomidor idxalına qadağa qoydu. Hazırda qadağanın bir hissəsi götürülsə də, məhsulun ixracı ilə məşğul olan sahibkarlar maliyyə itkisi ilə üzləşdilər. Bu günlərdə isə Qazaxıstan Azərbaycandan pomidor idxalını dayandırdığını bildirdi. Sputnik Azərbaycan-ın bölgə müxbiri pomidorun əsas istehsalçısı sayılan qərb bölgəsinin sahibkarları ilə görüşərək qadağaların onlara təsiri barədə söhbətləşib.

Söhbət zamanı məlum olub ki, nəinki Qazaxıstanın qadağası, Rusiya Azərbaycan pomidoruna yaşıl işıq yandırandan sonra belə, Şəmkirdən Rusiyaya tərəvəz vurulmayıb. Bu haqda danışan Tovuz rayon Düz Qırıqlı kəndindən olan sahibkar Rasim Hümbətov dekabrın 5-də yola saldıqları məhsulun geri qaytarılmasından sonra Rusiya bazarlarına tərəvəz aparılmadığını söyləyib.

© Sputnik / Ilham Mustafa
Şəmkirdə yeşikdə pomidor məhsulu

“10 ildir istixanada məhsul becəririk, builki qədər ziyanımız olmamışdı. Dekabrın 5-dən bu günə xaricə malımız çıxmayıb. Məhsulumuzda da heç bir xəstəlik, problem yoxdur. 60 ton mal üstümüzə qaytarıldı. Yerli bazarlarda da tələbat olmadığından xarab oldu”, - deyə məlumat verib.

Sahibkarlar məhsullarında heç bir xəstəliyin olmadığını bildiriblər. Ədalət Zeynalovun sözlərinə görə, Tuta qurdu deyilən xəstəlik qış mövsümündə Şəmkir istixanalarının heç birində olmur. İndiyədək yerli bazarlara verilən mallarda da bu qurda rast gəlinməyib. Lakin yerli bazarlarda qiymətin maya dəyərindən 2-3 dəfə ucuz olması onları müflisləşməklə üz-üzə qoyub:

“Rusiya qadağanı götürdü ki, xəstəlik olmayan pomidor getsin. Buna görə AQTA (Azərbaycan Respublikasının Qida Təhlükəsizliyi Agentliyi) istixanalarda monitorinq aparıb rəy verməlidir ki, malımız bazara çıxsın. Yanvarın 6-dan AQTA tərəfindən istixanada baxış keçirilərək nümunələr götürülüb. Lakin aradan yarım aydan çox vaxt keçməsinə baxmayaraq heç bir cavab verilməyib. Proses ləng getdiyindən məhsul yetişib xarab olur”.

Fermerlərin sözlərinə görə, yetişmiş məhsul 10 gün ərzində xarab olur. Bu səbəbdən pomidorlar soyuduculara vurularaq saxlanılır ki, bunun özü də əlavə xərc tələb edir. Onlar bildirirlər ki, hər kiloqram üçün pomidorun maya dəyəri 1 manat civarında hesablanır. Yerli bazarlara isə pomidorun cüzi bir hissəsi çıxarılaraq 20-30 qəpiyə satılır.

  • Şəmkirdə yeşiklərdə pomidorlar
    © Sputnik / Ilham Mustafa
  • Sahibkar Ədalət Zeynalov
    © Sputnik / Ilham Mustafa
  • Sahibkar Rasim Hümbətov
    © Sputnik / Ilham Mustafa
  • Sahibkar Sadəddin Rzayev
    © Sputnik / Ilham Mustafa
  • Şəmkirdə sahibkarlar dövlət qurumundan narazılıq edir
    © Sputnik / Ilham Mustafa
  • Şəmkirdə pomidor əkin sahəsində şitil
    © Sputnik / Ilham Mustafa
  • Şəmkirdə pomidor əkin sahəsi
    © Sputnik / Ilham Mustafa
1 / 7
© Sputnik / Ilham Mustafa
Şəmkirdə yeşiklərdə pomidorlar

12 ildir təsərrüfatla məşğul olan Səlahəddin Rzayev isə bir başqa məqama toxunub. Onun fikrincə, Qida Təhlükəsizliyi Agentliyi yalnız iri sahibkarların məhsularına rəy verərək ayrı-seçkiliyə yol verir. Fermer 3 hektardan aşağı torpaq sahəsi olan sahibkarlara agentliyin sertifikat vermək istəmədiyini söyləyib: “Təəssüf ki, tovuzlu və şəmkirli fermerlərin heç birinə icazə verilmir. Yalnız Samux və Abşeron yarımadasında olan böyük istixanalar icazə ala bilirlər. Belə başa düşürük ki, onlar daha böyük sahibkarlardır. AQTA bəyan edir ki, 3 hektardan aşağı torpaq sahəsi olan təsərrüfat sahibləri xaricə mal ixrac edə bilməzlər. Bu hansı məntiqə uyğundur - biz dərk edə bilmirik”.

Şəmkirli sahibkarlar üzləşdikləri problemlərlə əlaqədar aidiyyəti qurumlardan kömək istəyirlər.

0
Teqlər:
Şəmkir, Tovuz, sahibkar, qadağa, ixrac, pomidor
Müdafiə naziri general-polkovnik Zakir Həsənov və Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp arasında görüş

Azərbaycan Britaniya hərbi sahədə əməkdaşlıq edəcəklər?

3
(Yenilənib 16:41 22.01.2021)
Səfir Ceyms Şarp deyib ki, Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcək.

BAKI, 22 yanvar — Sputnik. Müdafiə naziri general-polkovnik Zakir Həsənov yanvarın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp ilə görüşüb. Bu barədə Sputnik Azərbaycan-a Müdafiə Nazirliyindən məlumat verilib.

Müdafiə naziri azad edilmiş ərazilərdə ordumuz tərəfindən həyata keçirilən tədbirlər, həmçinin Azərbaycan Ordusunda aparılan islahatlar və digər məsələlər barədə səfirə məlumat verib.

Görüş zamanı iki ölkə arasında müdafiə sahəsində, o cümlədən hərbi-texniki sahədə əməkdaşlıq üçün böyük potensialın olduğu və bu imkanların genişləndirilməsinin vacibliyi vurğulanıb.

Tərəflər ölkələrimiz arasında hərbi təhsil sahəsində əldə olunan razılaşmaların həyata keçirilməsinin, hərbi ingilis dili kurslarında dinləyicilərin sayının artırılmasının zəruriliyini xüsusi qeyd edib.

Öz növbəsində diplomat Vətən müharibəsində qazanılan qələbə münasibətilə Azərbaycan xalqını təbrik edib.

Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.

Görüşdə regional və ikitərəfli əməkdaşlıq, həmçinin qarşılıqlı maraq doğuran bir sıra digər məsələlər müzakirə edilib.

3
Teqlər:
Böyük Britaniyanın Azərbaycandakı səfiri, Böyük Britaniya