Vyana şəhəri, arxiv şəkli

Avstriyadakı türklər təhlükə qarşısında: İnanılmaz tələb irəli sürülür

182
(Yenilənib 04:01 03.04.2018)
Avstriya hökuməti 18 min 500 Türkiyə əsilli miqrantdan Türkiyə vətəndaşı olmadıqlarını sübut etmələrini istəyir

BAKI, 3 aprel — Sputnik. Avstriyada yaşayan 18 min 500 Türkiyə əsilli miqrant deportasiya edilmək təhlükəsi ilə qarşı-qarşıya qalıb.

Sputnik Azərbaycan "Haberler"ə istinadla xəbər verir ki, Avstriya hökuməti miqrantlardan Türkiyə vətəndaşı olmadıqlarını sübut etmələrini istəyir.

Türkiyə vətəndaşı olmadığını sübut edə bilməyənlər Avstriya pasportundan və bu ölkədəki bütün hüquqlarından məhrum ediləcək. Bu narahatedici məsələ ötən il Avstriyada keçirilən konstitusiya dəyişikliyi ilə bağlı referendumundan sonra ortaya çıxıb.

Avstriyada ifrat sağçı Azadlıq Partiyasına səs hüququ olan 95 min türk seçicinin adının yer aldığı siyahı göndərilib. Azadlıq Partiyası isə bu siyahıda ikili vətəndaşlığı olan seçicilərin olub-olmadığını öyrənmək istəyib. Çünki Avstriyada ikili vətəndaşlıq qadağandır. İndi hökumət Avstriya pasportuna malik bu on minlərlə insandan Türkiyə vətəndaşı olmadıqlarını sübut etmələrini istəyir. Bunu rəsmi olaraq sübut edə bilməyənlər Avstriya vətəndaşlığını itirəcək və deportasiya edilmək riski ilə qarşı-qarşıya qalacaq.

Adolf Hitlerin oxşarı
© Sputnik / Alexandr Polyakov

Avstriya vətəndaşı olmaq üçün müraciət edən hər kəs əvvəlki vətəndaşlığından imtina etmək məcburiyyətindədir. Ancaq Türkiyədəki qanunlar vətəndaşlıqdan çıxan adamların bir müddət sonra yenidən Türkiyə vətəndaşlığına müraciət etməsinə icazə verir. Bir çox Türkiyə əsilli miqrant irs və mülk əldə etmə kimi məsələlərdə problem yaşamamaq üçün Avropa ölkələrində vətəndaşlıq əldə etdikdən sonra yenidən Türkiyə vətəndaşlığına keçir.

Deportasiya edilmək təhlükəsi qarşısında qalan miqrantların işinə baxan vyanalı vəkil Kazım Yılmaz Türkiyə vətəndaşı olmadığını sübut etməyin qeyri-mümkün olduğunu deyib. O, Türkiyənin "vətəndaş deyil" – deyə bir sənəd vermədiyini qeyd edib.

Minlərlə Türkiyə əsilli miqrantın təlaş içində olduğunu deyən Yılmaz, bu şəxslərin deportasiya edilməsini gözləmir. Bunların bir çoxunun Avstriyada doğulduğunu deyən vəkilə görə, onlar məhz bu səbəbdən yaşamaq icazəsi alacaqlar. O, ancaq Avstriya pasportunun ləğvi ilə minlərlə insanın Avropa İttifaqındakı haqlarını da itirəcəyini vurğulayıb.

182
Teqlər:
Azadlıq Partiyası, tələb, türklər, Avstriya

Dağıdılsa da doğmadır, qəbulumuzdur: azad olunmuş Füzulidən yeni kadrlar - FOTO

7
(Yenilənib 14:36 29.11.2020)
Müzəffər Azərbaycan Ordusu Füzulini çoxillik erməni işğalından azad edib. Şəhərdə, demək olar ki, salamat bina qalmayıb

Füzuli Azərbaycan Ordusunun uğurlu əks-hücumu nəticəsində 2020-ci il oktyabrın 17-də Ermənistan hərbi qüvvələrindən təmizlənib. 27 il ərzində ermənilərin Füzulini nə hala saldığıını Sputnik Azərbaycan-ın fotolentində izləyə bilərsiniz.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

7
  • © Sputnik / Aleksey Kudenko

    Füzulidə "Araz" qəzetinin redaksiyasının dağıdılmış binası üstündə Azərbaycan bayrağı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar. Mərkəzdə - Hərbi Xidmətə Çağırış üzrə Dövlət Xidmətinin binası.

  • © Sputnik / Aleksey Kudenko

    Füzulidə qəbiristanlıqda muğam ifaçısı Ağabala Abdullayevin sınıdırılmış büstü.

  • © Sputnik / Aleksey Kudenko

    Füzulidə azərbaycanlıların qəbiristanlığı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə ağacda çəkmələr.

  • © Sputnik / Aleksey Kudenko

    Füzuli bulağı.

  • © Sputnik / Aleksey Kudenko

    Füzulidə dağılmış binanın qarşısında yanmış avtomobil.

  • © Sputnik / Алексей Куденко

    Azərbaycan polisi "Araz" qəzetinin redaksiyası olan dağılmış binanın yanında.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağılmış bina.

  • © Sputnik / Aleksey Kudenko

    Füzulidə yolda Azərbaycan polisi.

  • © Sputnik / Aleksey Kudenko

    Füzulidə dağıdılmış yanğından mühafizə bölməsinin binası.

Koronavirus testi, arxiv şəkli

Dünyaya təəccüblənirdik, özümüz milyonu keçmişik: bu gün 38 nəfəri itirdik

15
(Yenilənib 14:47 29.11.2020)
İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib

BAKI, 29 noyabr - Sputnik. Azərbaycan Respublikasında koronavirus (COVID-19) infeksiyasına 4170 yeni yoluxma faktı qeydə alınıb, 1985 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 38 nəfər vəfat edib.

İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib, onlardan 73676 nəfər müalicə olunaraq sağalıb, 1361 nəfər vəfat edib, aktiv xəstə sayı 43158 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17581, ötən müddət ərzində isə ümumilikdə 17182335 test aparılıb.

15
Teqlər:
rekord, ölənlər, yoluxma, Koronavirus, epidemiya, COVID-19, Azərbaycan
Mövzu:
Azərbaycanda koronavirus: son xəbərlər