Rus dili dərsi, arxiv şəkli

Latviya məktəblərində rus dili ləğv edilir

27
(Yenilənib 03:20 03.04.2018)
Milli azlıqların rusdilli məktəblərinin latış dilinə keçməsi əleyhinə tez-tez mitinqlər keçirilir

BAKI, 3 aprel — Sputnik. Latviyada orta məktəblərdə rus dilinin tədrisi qadağan edilib.

Sputnik Azərbaycan Rusiya mətbuatına istinadla xəbər verir ki, Latviya prezidenti Raymond Veyonis milli azlıqların məktəblərinin Latviya dili (latış) təliminə keçməsi haqqında qanun imzalayıb. İndi Latviyada orta təhsili ancaq dövlət dilində almaq mümkün olacaq.

Veyonisin fikrincə, bu qaydalar uşaqlara keyfiyyətli təhsil almağa və Latviyada öz həyatlarını qurmağa imkan yaradacaq. Prezidentin sözlərinə görə, bu ölkəni gücləndirəcək.

Veyonis qeyd edib ki, milli azlıqların uşaqlarının imkanı olacaq ki, şəxsiyyət və mədəniyyətləri ilə bağlı mövzuları öz ana dillərində öyrənə bilsinlər. Bununla yanaşı, ibtidai məktəblərdə fənlərin əhəmiyyətli hissəsi ana dilində aparılacaq.

Bu prosesin 2019-cu ilin sentyabrın 1-də başlanılması və 2021-ci ildə başa çatması gözlənilir.

Məktəbəqədər təhsil iki dildə, ibtidai məktəbdə birinci və altıncı siniflər arasında iki dilli təhsilin üç modeli mövcud olacaq. Yeddinci sinifdən doqquzuncu siniflərə qədər subyektlərin 80%-i ölkənin dövlət dilində tədris ediləcək, 10-12 sinifdə isə dərslər yalnız Latviya dilində (latış) olacaq.

Xatırladaq ki, Latviyanın 2 milyona yaxın əhalisi var və onların 40 faizi rusdilli vətəndaşlardır. Respublikada dövlət dili latış dilidir. Ruslar əcnəbi statusuna malikdir.

Onu da qeyd edək ki, milli azlıqların rusdilli məktəblərinin latış dilinə keçməsi əleyhinə tez-tez mitinqlər keçirilir.

27
Teqlər:
qadağa, Latviya, rus dili

Salyanda zəncirvari qəza: yaralılardan biri baş həkimdir

4
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

4
“Miss Azərbaycan-2019” titulunun sahibi Səmra Hüseynova, arxiv şəkli

“Miss Azərbaycan”la tanış olmağın çox asan yolu varmış zərfin içində...

46
Səmra Hüseynova onun şəxsi həyatı ilə maraqlanan, hətta canlı tanış olmaq istəyən izləyicilərinə cavab verib

BAKI, 3 avqust — Sputnik. “Miss Azərbaycan-2019” titulunun sahibi Səmra Hüseynova sosial şəbəkə istifadəçilərini onların suallarına verdiyi cavablarla şok edib.

Sputnik Azərbaycan-ın məlumatına görə, Səmra onunla necə tanış olmağın asan yolunu da deyib.

Model Instagram-dakı izləyicilərinin suallarına cavab vermək qərarına gəlib. Sualların çoxu isə onun şəxsi həyatına aid olub. Bir çoxları onunla tanış olmaq arzularını dilə gətiriblər, Səmra isə deyib ki, bunun üçün içində pul olan zərf və yaxud da brilyant hədiyyə eləmək yetər.

Qiz deyib ki, dörd aydır ki, karantin ucbatından pul qazana bilmir.

Səmra Hüseynova on ilə yaxındır ki, model biznesindədir, bir çox beynəlxalq və yerli dəb layihələrində, məşhur dizaynerlərin defilelərində iştirak edib. Uzun müddət xaricdə işləyib.

2019-cu ildə “Miss Azərbaycan” titulunu qazanıb. Hüseynova azərbaycanlı həmkarlarından açıq-saçıq layihələrdə iştiraka hazır olmasıyla seçilir.

46
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Azərbaycanlı model ABŞ-ın ən “ulduzlu” evinə köçməyə hazırlaşır
Kamilla Zərbəliyeva: "Qabağımda soyunmaq istəyənlər çoxdur"
Rusiyalı müğənni: Bakını göz yaşları içində tərk elədim və bir daha oraya qayıtmadım