Ukraynada polis avtomobili, arxiv şəkli

Xarkovda müəmmalı qətl - Öldürülən azərbaycanlı Lənkəranskinin klanına necə daxil olub

633
(Yenilənib 21:40 02.04.2018)
Xarkovda qətlə yetirilən gənc Rövşən Lənkəranski və Lotu Quli klanları arasındakı davanın qurbanı olub

Ramella İbrahimxəlilova, Sputnik Azərbaycan

BAKI, 2 aprel — Sputnik. Üç il əvvəl Ukraynaya gedən neftçalalı valyuta tacirinin oğlu kriminal avtoritet Rövşən Canıyev (Lənkəranski) tərəfdarlarının klanına daxil olub və öldürülüb. Martın 29-da Xarkovda Azərbaycan vətəndaşının qətlə yetirilməsi və Azərbaycan əsilli Gürcüstan vətəndaşının yaralanması faktı ilə bağlı saxlanılan yoxdur.

Bununla bağlı Sputnik Azərbaycan-a Ukrayna Daxili İşlər Nazirliyinin mətbuat xidmətindən məlumat verilib.

Qeyd edək ki, martın 29-da saat 23:00 radələrində Xarkovdakı "Ağdam" restoranı yaxınlığında atəş səsləri eşidilib. Ukrayna DİN-in məlumatına görə, Nyuton küçəsi ilə Lev Landau prospektinin kəsişməsində naməlum şəxslər restoranda istirahət edən qrupa hücum ediblər. Bir neçə adam gözlənilmədən silahlardan atəş açmağa başlayanda, məclisdəki on nəfər restorandan çıxıb. Atəş nəticəsində 1984-cü il təvəllüdlü İsmayılov Zaur Xəzər oğlu başından güllə yarası alıb və hadisə yerindəcə keçinib. Gürcüstan vətəndaşı olan Rəhim Zeynalov isə budundan yaralanıb və xəstəxanaya aparılıb.

Eyni zamanda hadisə yerində olan "Toyota" markalı avtomobil də zərər görüb. Hücum edən şəxslər silahlarını hadisə yerində ataraq qaçıblar. Hadisə ilə bağlı şəhərdə "Sirena" əməliyyatı başlayıb.

Qətlə yetirilmiş İsmayılovun cəsədi dəfn edilmək üçün doğma Neftçala rayonuna göndərilib.

Ukrayna DİN-in əməkdaşlarının sözlərinə görə, hələ məsələnin üstü tam açılmadığından, hadisənin cinayət qrupları arasında baş verən münaqişə ola biləcəyi barədə məlumat yaymırlar.

Bir sıra KİV-lərin yaydığı məlumata görə isə hazırda Türkiyədə yaşayan "qanuni oğru" Nadir Səlifovun (Lotu Quli) əlaltıları bu minvalla 2016-cı ilin avqustunda İstanbulda qətlə yetirilmiş kriminal avtoritet Rövşən Lənkəranskinin tərəfdarları ilə hesablaşırlar.

Hüquq-mühafizə orqanlarındakı məlumatlı mənbə Sputnik Azərbaycan-ın müxbiri ilə söhbətində bildirib ki, İsmayılov 3 il əvvəl Xarkov şəhərinə gedib. Cavan oğlan Xarkovda imkanlı dayısının yanında məskunlaşıb və "Barabaşovo" bazarında ticarət və bizneslə məşğul olmağa başlayıb. Qeyd edək ki, İsmayılovun atası Xəzər hazırda Neftçalada yaşayır və valyutadəyişmə məntəqəsində işləyir. Zaur İsmayılov isə Ukraynada Rövşən Lənkəranski tərəfdarlarının kriminal qruplaşmasına daxil olub.

Mənbənin sözlərinə görə, Lotu Quli və Rövşən Lənkəranski tərəfdarları arasında münaqişə mövcuddur. Lakin hələlik bu münaqişənin predmeti müəyyənləşməyib.

Bununla yanaşı, Rövşən Canıyevin mövqeyi Ukraynada çox güclü olub. Lənkəranski dəfələrlə Ukraynada saxta pasportla saxlanılıb, lakin o, hər dəfə yenidən geri qayıdıb. Yeri gəlmişkən, sözügedən qruplaşmalar arasında dava yeni deyil. 7 aprel 2014-cü ildə Odessanın mərkəzindəki "Veçerniy Baku" restoranında Vaxa ləqəbli nüfuzlu "qanuni oğru" Baxış Əliyev öldürülüb. Cinayət təsir dairələrinin yenidən bölüşdürülməsi ilə əlaqədar baş verib.

Hüquq-mühafizə orqanları bu qətli “oğrular” Əli Heydərov (Lənkəranski tərəfdarı Albert Rıji) və Lotu Quli arasında baş verən münaqişə ilə əlaqələndiriblər. Elə həmin vaxtlardan kriminal aləmdə söhbət gəzirdi ki, bu müharibənin növbəti qurbanı Rövşən Lənkəranski olacaq.

Nadir Səlifov cidd-cəhdlə Ukraynadakı azərbaycanlıları sıxaraq ticarət obyektlərini onların əlindən almağa və orada öz nüfuzunu bərqərar etməyə çalışır.

633
Teqlər:
qarşıdurma, Rövşən Lənkəranski, "Lotu Quli", güllələnmə, kriminal aləm
Əlaqədar
Ukraynada azərbaycanlının güllələnməsinin təfərrüatı məlum olub

Ağdam rayonunun Şelli kəndi - VİDEO

2
Noyabrın 10-da imzalanmış üçtərəfli bəyanata görə, erməni işğalçıları Ağdam rayonunu 2020-ci il noyabrın 20-də tərk ediblər

BAKI, 16 yanvar — Sputnik. Müdafiə Nazirliyi erməni işğalından azad olunan Ağdam rayonunun Şelli kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

2
Teqlər:
video, kənd, Ağdam
Evdən icazəsiz çıxan koronavirus xəstəsi

Gəncədə 30 nəfərə cinayət işi açıldı

2
(Yenilənib 16:30 16.01.2021)
Orxan Məmmədov koronavirus testinin nəticəsi pozitiv çıxmasına baxmayaraq avtoyuma məntəqəsinə gələrək orada işləyib

BAKI, 16 yanvar — Sputnik. Gəncə sakini Orxan Məmmədov koronavirus testinin nəticəsinin pozitiv çıxması, özünü təcrid edərək yaşadığı evdə müalicə almalı olduğu halda şəhər ərazisində fəaliyyət göstərən avtoyuma məntəqəsinə gələrək, orada işlyib. Müştərilərlə mütəmadi təmasda olaraq onlara infeksiyaya yoluxma təhlükəsi yaratdığından polis əməkdaşları tibbi prosedurları gözləməklə onu yaşadığı evə göndəriblər.

Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, bundan başqa, polislər şəhər ərazisindəki stasionar postda xidmət aparan zaman ayrı-ayrılıqda şəhər sakinləri Elnurə Verdiyeva və Sənan Hacıyevin də təcrid qaydalarına riayət etməyərək, sağalmadan yaşadığı evlərini tərk etdiklərini aşkar edib. Vətəndaşlara pandemiya barədə ümumi məlumat verilərək yaşadıqları evlərə göndəriliblər.

Koronavirus pandemiyasının qarşısının alınması məqsədilə aparılan tədbirlər nəticəsində Gəncə şəhərində ümumilikdə 30 nəfərin xəstəliyə yoxluxduğu halda yaşayış yerini tərk etməsi aşkarlanıb ki, həmin şəxslər barəsində Gəncə şəhər Baş Polis İdarəsinin İstintaq və Təhqiqat İdarəsində Azərbaycan Respublikasının Cinayət Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, araşdırmalar davam etdirilir.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar