Əlləri ilə qulaqlarını tutmuş uşaq

Paytaxt sakinlərinin yuxusu ərşə çəkilib - GECƏ KABUSU

16916
(Yenilənib 16:24 19.03.2018)
Karaoke-restoranın sahibi bina sakinlərini uzun müddətdir yuxuya həsrət qoyub

BAKI, 19 mart — Sputnik. Paytaxtın Binəqədi rayonu Əcəmi Naxçıvani küçəsində "Yuxa" karaoke-restoranı açılandan sonra buradakı evlərin sakinlərinin həyatı kabusa dönüb. Həmin müəssisədə gecə saat 3-ə qədər yüksək səsli musiqi sədaları altında mahnı oxuyurlar ki, o da evlərin içində aydınca eşidilir və yatmağı mümkünsüz edir.

Naxçıvani küçəsindəki 368 nömrəli binada ("Elit" ticarət mərkəzinin arxası) yaşayan sakinlər Sputnik Azərbaycan-a bildiriblər ki, problem təkcə onların səs-küydən yata bilməmələri deyil, həm də orada baş verənlər ucbatından daim əsəb böhranı keçirmələridir. Həmin evdə çox sayda gənc ailə yaşayır ki, onların da azyaşlı uşaqları var. Axşam saat 9-da yatmalı olan azyaşlı uşaqlar restorandan gələn səs-küy səbəbindən yata bilmirlər və onların yuxu rejimi tamamilə pozulur.

"Mən bütün günü gərgin işləyəndən sonra evə gəlirəm ki, yatıb dincəlim, çünki səhər yenidən işə getməliyəm. Amma bu mümkün deyil. Restorana gələn müştərilərin oxuduğu mahnılar gecə saat 3-ə qədər yatmağa imkan vermir, 3-dən sonra isə yuxumuz qaçır", — deyə binanın adının çəkilməsini istəməyən sakini bildirib.

Onun sözlərinə görə, restoran səsin ətrafa yayılmaması üçün vacib olan səs izolyasiya sistemi ilə təchiz edilməyib: "Bu, yeni tikilmiş binadır və onun divarları çox nazikdir. Səsi asanlıqla keçirir. Mən artıq bununla bağlı polisə müraciət etmişəm. Lakin sahibkara və administratora qarşı hər hansı tədbir görülməyib".

Binanın sakinləri özləri də klubun Vaqif adlı administratoru ilə söhbət ediblər. Administrator sakinləri arxayın edib ki, müəssisədə səs izolyasiya ediləcək və gecə saat 12-dən sonra onları heç bir səs-küy narahat etməyəcək. Lakin fevral ayında baş verən bu söhbətdən sonra da bina sakinləri azı beş dəfə restorandan gələn zəhlətökən səsdən əziyyət çəkiblər.

Sputnik Azərbaycan-ın əməkdaşı da restoranın rəhbərliyi ilə əlaqə saxlayıb. Administrator bildirib ki, restoran səsdən ikiqat izolyasiya edilib və buradan kənara heç bir səs-küy çıxmır: "Üstəlik, restoran gecə saat 12-dək işləyir. Biz sakinlərlə məsələni özümüz ayırd edəcəyik. Qarışqadan fil düzəltmək lazım deyil. Burada heç nə baş verməyib".

Lakin binanın sakinləri səsin izolyasiyası ilə bağlı başqa fikirdədirlər. Vətəndaşlar bununla bağlı Ekologiya və Təbii Sərvətlər Nazirliyinə də şikayət ediblər.

Restoran sahibi bilməlidir ki, istirahətin təşkili zamanı hər bir vətəndaşın hüquqlarına hörmətlə yanaşmaq lazımdır. AR-nın İnzibati Xətalar Məcəlləsinin 521-ci maddəsinə (Məişət səs-küyünə qarşı mübarizə qaydalarının pozulması) əsasən, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə vaxtı saat 24-dən 7-dək səs-küy salmağa, ucadan mahnı oxumağa, musiqi alətlərini ucadan çalmağa, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə, fiziki şəxslər 300 manatdan 400 manatadək, vəzifəli şəxslər isə 2,5 min manatdan 3,5 min manatadək edilir.

16916
Teqlər:
administrator, "Yuxa" karaoke-restoranı, Əcəmi Naxçıvani küçəsi, Binəqədi rayonu, yuxu, sakin, səs-küy, Bakı, gecə, paytaxt
Əlaqədar
Bakının ilk qız diceyi: "Toylar gecə klublarından daha təhlükəlidir"
Gecə klubunda dəhşət: 22 nəfər yaralandı
Əsgərlər gecə klubunda dava saldılar
Hacıbala Abutalıbov: Əxlaqsız gecə klubunu Yazıçılar Birliyi icarəyə verib
Bakıda gecə klubunun sahibəsini kim və niyə zorlayıb
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

2
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

2
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7