Türk ordusunun Afrin əməliyyatına dair mühüm bəyanat
(Yenilənib 13:18 14.03.2018)
"Zeytun budağı" əməliyyatı nəticəsində indiyədək 3444 terrorçu zərərsizləşdirilibBAKI, 14 mart — Sputnik. Türkiyə Silahlı Qüvvələri (TSQ) və Azad Suriya Ordusunun (ASO) Afrində keçirdiyi "Zeytun budağı" əməliyyatı nəticəsində indiyədək 3444 terrorçu zərərsizləşdirilib. Sputnik Azərbaycan "Anadolu" agentliyinə istinadla xəbər verir ki, məlumatı Türkiyə Silahlı Qüvvələrinin Baş Qərargahı yayıb.
Terrorçuların zərərsizləşdirilməsi üçün hava və quru əməliyyatları davam edir.
Qeyd edək ki, PYD/YPG terror təşkilatlarına qarşı "Zeytun budağı" əməliyyatı yanvarın 20-də başlayıb. Rəsmi Ankara ərazidə terrorçuların sonuna çıxanadək əməliyyatın davam edəcəyini bəyan edir.
Gürcüstanda atışma: evləri və oteli yandırdılar, ölən var
(Yenilənib 01:18 09.08.2020)
Hadisəyə səbəb Kulikam kəndində 27 yaşlı kişinin qətli olub. Onun qohumları qisas almaq qərarına gəliblər: şəhərdə qarşıdurma və dava başlayıb. Bir nəfər güllə yarası alıbBAKI, 9 avqust — Sputnik. Gürcüstanın cənubunda Axalkalaki şəhərində (Samsxe-Cavahetiya bölgəsi) gənclərin davası nəticəsində bir nəfər ölüb, bir neçə ev və otel yandırılıb.
Sputnik Gürcüstan xəbər verir ki, vəziyyəti nəzarətə götürmək üçün polisi səfərbər etmək lazım olub.
Hadisəyə səbəb Kulikam kəndində 27 yaşlı kişinin qətli olub. Onun qohumları qisas almaq qərarına gəliblər: şəhərdə qarşıdurma və dava başlayıb. Bir nəfər güllələnib.
“Axalkalaki rayonunda kriminal hadisə olub, adam ölüb. Bundan sonra kəndlilər şəhərdə toplaşıblar və daha bir kriminal hadisə baş verib. Hadisə yerinə əlavə polis qüvvələri gəlib. Şəhərdə vəziyyətə tamamilə nəzarət olunur. Gərginlik davam edir, amma əlavə polis qüvvələri vəziyyəti nəzarətə götürüblər”, - Samsxe-Cavahetiyanın qubernatoru Besik Amiranaşvili deyib.
Hadisə ilə bağlı Axalkalakidə “qəsdən adamöldürmə” maddəsi ilə cinayət işi açılıb.
Tramp öz ölkəsinin şirkətinə ciddi problemlər yaradıb
(Yenilənib 01:21 09.08.2020)
Əgər qurğuda "WeChat"i yükləmək imkanı olmayacaqsa, Çindəki alıcılar "Apple" məhsullarında maraqlı olmayacaqlarBAKI, 8 avqust — Sputnik. ABŞ Prezidenti Donald Tramp "TikTok" və "WeChat"lə mübarizəyə dair fərmanları ilə "Apple" şirkətinin məhsullarının Çində satışı üçün təhlükə yaradıb.
Sputnik Azərbaycan "Bloomberg"ə istinadən xəbər verir ki, Amerika liderinin qadağasına əsasən, bu tətbiqləri "App Store"da yaymaq mümkün olmayacaq, onlarla bağlı bütün maliyyə əməliyyatları isə bloklanacaq.
"Bloomberg"in məlumatına görə, "WeChat" tətbiqi çoxlu sayda servisi əvəz edir: onun vasitəsilə alış-veriş, müxtəlif ödəmələr həyata keçirilir, ondan zəng, elektron poçt, "bütün növ şəxsi və işgüzar ünsiyyət" üçün istifadə olunur. "WeChat"i turistlər də yükləməlidirlər, əks halda, onlar hətta kiçik alış-verişləri ödəyə bilməmək riski ilə üzləşə bilərlər.
Beləliklə, əgər qurğuda "WeChat"i yükləmək imkanı olmayacaqsa, Çindəki alıcılar "Apple" məhsullarında maraqlı olmayacaqlar. Keçirilmiş sorğunun nəticələrinə əsasən, əgər bu tətbiqi yükləmək mümkün olmasa, vətəndaşların çoxu qadcetdən imtina etməyə hazırdırlar.
"iPhone"un satışının 20%-dən çoxu Çinin payına düşür, ona görə də "WeChat"in "App Store"dan çıxarılması şirkət üçün ciddi maneə olacaq. "Bloomberg Intelligence"in analitiki Anand Şrinivasan bu fikirdədir.
Avqustun 7-də Donald Tramp ABŞ şirkətlərinə "TikTok" və "WeChat"in mülkiyyət sahibləri olan şirkətlərlə razılaşmalara son qoymaları üçün 45 gün vaxt verib. Ağ Ev iddia edir ki, Çin tətbiqləri ABŞ-ın milli təhlükəsizliyinə təhdiddir. Tramp bu fərmanı ABŞ-ın "Microsoft" və Çinin "ByteDance" şirkətləri arasında "TikTok"un alınmasına dair danışıqlar gedən vaxtda imzalayıb.