Ət

Əti toyuğu bişirmədən əvvəl yumaq olar?

786
(Yenilənib 10:51 28.02.2018)
Alimlər toyuğu mikrodalğalı sobada bişirməyi tövsiyə etmirlər

BAKI, 28 fevral — Sputnik. Mütəxəssislərin fikrinə görə, ətin üzərində görünən çirk yoxdursa, əti yumaq, nəinki lazım deyil, hətta ziyanlıdır.

Su mikrobların azalmasına səbəb olmur və əksinə mikroblar su damcıları ilə ətrafa yayılır.

Bişirilmə zamanı ətdə olan bütün mikroblar onsuz da məhv olur. Təbii ki, söhbət yaxşı bişmiş və ya qızardılmış ətdən gedir.

Aşpazlar da bişirdikdən əvvəl əti yumağı tövsiyə etmirlər ki, bu hazır qidanın dadını pisləşdirir.

Toyuğa gəldikdə isə toyuğu bişirdikdən əvvəl yumaq daha da ziyanlı sayılır. Məsələ burasındadır ki, çiy toyuqda çox təhlükəli Campylobacter jejuni bakteriyalar olur. Toyuğu yuyanda bu bakteriyalar ətrafa yayılır.

Yaxşı yuyulmamış əllərdən, mətbəx ləvazimatlardan bakteriyalar insan orqanizminə düşə bilər ki, bu nadir immun xəstəliyi olan Giyen-Barre sindromunun inkişafına gətirib çıxarda bilər. Bu sindrom zamanı periferik sinirlər zədələnir və insanda kəskin sinir-əzələ iflici inkişaf edir. Sindrom istənilən yaşda olan insanlarda inkişaf edə bilər. Ağır hallarda sindrom insanın tam iflicinə səbəb olur.

Bu səbəbdən ekspertlər toyuğu yumamağı, sadəcə dərisini soymağı və görünən piyi kəsib atmağı tövsiyə edir. Toyuğu təmizlədikdən sonra əllərinizi axar suyun altında sabunla yaxşı yuyun.

Sputnik Azərbaycan saglamolun.az-a istinadən bildirir ki, ekspertlər toyuğu yüksək temperaturda yaxşı bişirməyi və ya qızartmağı, heç zaman yarıçiy halda yeməməyi tövsiyə edirlər.

Alimlər toyuğu mikrodalğalı sobada bişirməyi tövsiyə etmirlər, bu halda bakteriyaların sağ qalma ehtimalı çox olur.

786
Teqlər:
bakteriya, toyuq, ət
İdris Debi, arxiv şəkli

Prezident döyüşdə həlak oldu, ölkənin sərhədləri bağlandı

0
(Yenilənib 16:31 20.04.2021)
"İdris Debi İtno döyüş meydanında ölkənin ərazi bütövlüyünü müdafiə edərkən son nəfəsini verdi. Çad xalqına dərin hüznlə başsağlığı veririk".

BAKI, 20 aprel — Sputnik. Çad Respublikasının Prezidenti İdris Debi ölkənin şimalında üsyançılara qarşı döyüş zamanı aldığı xəsarətdən həlak olub. Bu barədə RİA Novosti "Frans-Press" agentliyinə istinadla məlumat yayıb. Məlumatı döyüşlərdə iştirak etmiş hərbçilər təsdiqləyiblər.

Qeyd olunur ki, 68 yaşlı Debi silahlı üsyançılara qarşı mübarizədə qələbəni qeyd etmək və silahlı qüvvələrin əməliyyatlarına rəhbərlik etmək üçün cəbhə bölgəsinə gedib. Dövlət başçısı toqquşmada ağır yaralanaraq xəstəxanaya çatdırılıb, ancaq onun həyatını xilas etmək mümkün olmayıb.

"İdris Debi İtno döyüş meydanında ölkənin ərazi bütövlüyünü müdafiə edərkən son nəfəsini verdi. Çad xalqına dərin hüznlə başsağlığı veririk", – deyə ordunun rəsmi nümayəndəsi general Azem Bermandoa Aquna yerli televiziya kanalında çıxışı zamanı bildirib.

Qeyd edək ki, İdris Debi bir qədər əvvəl seçicilərin 79% səs çoxluğu ilə altıncı dəfə ölkənin prezidenti seçilmişdi. O, 1990-cı ilin dekabrından bu yana dövlət başçısı vəzifəsində idi.

Seçki günü aprelin 11-də hərbçilər Liviyadakı bazalardan Çada qarşı hücuma başlayıblar. Bir müddət sonra səngiyən döyüşlər ötən bazar günü yenidən başlayıb və bazar ertəsi Çad ordusu "Çadda Dəyişiklik və Razılaşma Cəbhəsi"nin (FACT) 300-dən çox üsyançı üzvünü məhv edib.

Yerli "Al Wihda" qəzetinin yazdığına görə, prezidentin ölümündən sonra ölkədə onun oğlu Debi Mahamatın başçılığı ilə müvəqqəti hərbi şura yaradılıb. Şura tezliklə "keçid dövrü xartiyası"nı elan edəcək.

Prezidentin ölümündən sonra Çadda iki həftəlik milli matəm və saat 18:00-dan 5:00-a kimi komendant saatı elan olunub. Bundan başqa, hərbçilər "başqa bir təlimata qədər" ölkənin quru və hava sərhədlərini bağlamağa qərar veriblər.

Qeyd edək ki, Çad terrorçular və qanunsuz miqrasiya səbəbindən Afrika qitəsinin ən problemli bölgələrindən biri olan Saheldə yerləşir. 2014-cü ildə Fransa bölgədə "Barxan" adlı antiterror əməliyyatına başlayıb. Bu missiya Burkina-Faso, Mavritaniya, Mali, Nigeriya və Çadı da əhatə edən "Sahel Beşliyi"nin (G5) regional quruluşu tərəfindən dəstəklənib.

0
 Təcili yardım briqadası, arxiv şəkli

Azərbaycanda COVID: yoluxma da, ölüm artdı

1
İndiyədək ölkədə ümumilikdə 303 858 nəfərin koronavirus infeksiyasına yoluxması faktı müəyyən edilib, onlardan 267 485 nəfər müalicə olunaraq sağalıb, 4203 nəfər vəfat edib.

BAKI, 20 aprel — Sputnik. Azərbaycanda son sutka ərzində koronavirus (COVID-19) infeksiyasına 2197 yeni yoluxma faktı qeydə alınıb, 1 946 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 34 nəfər vəfat edib.

İndiyədək ölkədə ümumilikdə 303 858 nəfərin koronavirus infeksiyasına yoluxması faktı müəyyən edilib, onlardan 267 485 nəfər müalicə olunaraq sağalıb, 4203 nəfər vəfat edib. 32 170 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 13777, bu günə qədər isə ümumilikdə 3 128 656 test icra olunub.

1
Teqlər:
Azərbaycan, statistika, Koronavirus, epidemiya, COVID-19
Mövzu:
Azərbaycanda koronavirus: son xəbərlər