Afrin

Terrorçulara silah daşıyan konvoy belə vuruldu - VİDEO

505
(Yenilənib 15:08 23.02.2018)
Türkiyə Silahlı Qüvvələri Azad Suriya Ordusu ilə birlikdə Afrində “Zeytun budağı” adlı əməliyyatını davam etdirir

BAKI, 23 fevral — Sputnik. Türkiyənin döyüş təyyarələri Afrinə silah-sursat daşıyan 30-40 avtomobildən ibarət maşın karvanını vurub. Sputnik Azərbaycan xəbər verir ki, görüntüləri Türkiyə Silah Qüvvələrinin Baş Qərargahı internetdə paylaşıb.

“PKK/PYD-YPG və İŞİD terror qruplaşmalarına aid 30-40 avtomobildən ibarət kartej Afrinin cənub-şərqindən şəhərə daxil olmağa cəhd edib. Onlar PYD-li terrorçulara silah-sursat daşıyırmış. 15 km məsafədə yerləşən kartej təsbit edilərək havadan bombalanıb. Atəş nəticəsində mülki sakinlərə zərər dəyməyib”, — Baş Qərargahıdan bildirilib.

Xatırladaq ki, Türkiyə Silahlı Qüvvələri Azad Suriya Ordusu ilə birlikdə Afrində “Zeytun budağı” adlı əməliyyatını davam etdirir. Bir aydır davam edən əməliyyat nəticəsində 1873 terrorçu məhv edilib. Yüzə yaxın yaşayış məntəqəsi və strateji yüksəkliklər PYD-dən azad edilib.

505
Teqlər:
Türkiyə Silah Qüvvələri, "Zeytun budağı", Afrin, PYD, Türkiyə, terrorçu, silah, avtomobil
Əlaqədar
Türk ordusu terrorçuların axırına çıxır
Türk ordusu hücuma məruz qalıb, şəhid və yaralılar var
Türk ordusu irəliləyir, öldürülən terrorçuların sayı artır
Türk ordusu 12 gündə məhv etdiyi terrorçuların sayını açıqlayıb
Türk ordusu Afrində PYD postunu belə ələ keçirdi - VİDEO
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

3
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

3
Teqlər:
anlaşma, Rusiya, Türkiyə, Qarabağ

Tariximizin Laçın vaxtı! - Ali Baş Komandan bəyan etdi

10
Xalqa müraciətində Prezident İlham Əliyev Laçın rayonunun Ermənistan silahlı qüvvələrinin işğalından azad edildiyini bəyan edib.

BAKI, 1 dekabr - Sputnik. Azərbaycan Prezidenti, Ali Baş Komandan İlham Əliyev xalqa müraciət edib.

Sputnik Azərbaycan-ın xəbərinə görə, müraciət AzTV vasitəsilə yayımlanıb.

Xalqa müraciətində Prezident İlham Əliyev Laçın rayonunun Ermənistan silahlı qüvvələrinin işğalından azad edildiyini bəyan edib.

Laçın rayonu 1992-ci il mayın 18-də erməni silahlı birləşmələri tərəfindən işğal edilmişdi.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılıb. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılmalı idi. Lakin erməni tərəfi daha 10 gün vaxt istəyərək Kəlbəcəri noyabrın 25-də boşaltdı. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

10
Teqlər:
Ermənistan Silahlı Qüvvələri, Vladimir Putin, Üçtərəfli bəyanat, Dağlıq Qarabağ, Azərbaycan, İlham Əliyev, Ali Baş Komandan, Laçının azad olunması, Laçının işğalı