Donald Tramp

Tramp axır ki, bu işin çarəsini tapdı

123
(Yenilənib 15:06 22.02.2018)
Tramp məktəb ərazisində təhlükəsizliyi təmin edən işçilər qismində silahla necə davranmağı bacaran keçmiş hərbi qulluqçuların işə cəlb edilməsini təklif edib

BAKI, 22 fevral — Sputnik. Florida ştatında bir neçə gün əvvəl baş vermiş silahlı insidentdən sonra hökumət əleyhinə aksiyaların sayı durmadan artır. Sputnik xəbər verir ki, amerikalılar prezident Donald Trampdan silah satışı ilə bağlı qanunda dəyişiklik olunmasını tələb edirlər.

Dünən axşam Tramp problemin həlli yollarını müzakirə etmək üçün Floridadakı məktəblərin şagird və müəllim heyəti ilə görüşüb. O, mümkün hücumlardan qorunmaq üçün müəllimləri silahla təchiz etmək təklifini irəli sürüb.

Prezident, həmçinin məktəb ərazisində təhlükəsizliyi təmin edən işçilər qismində silahlarla necə davranmağı bacaran keçmiş hərbi qulluqçuların işə cəlb edilməsini təklif edib.

"Açığı, müəllimlər üzərlərindəki silahı gizli şəkildə daşıya bilərdilər. Onlar xüsusi təlim keçərdilər. Belə olan halda məktəblərdə oxşar cinayətlərin də sayı azalardı. Çünki canilər məktəblərdə onlara cavab atəşinin açılmayacağını bilirlər", — Tramp deyib.

123
Teqlər:
Tramp, Florida, təlim, Donald Tramp, şagird, məktəb, silah, silahlı insident, prezident
Əlaqədar
Tramp özünəvurğunluğun son həddində
Tramp Fələstini təhdid etdi, qarşı tərəfin cavabı sərt oldu
Donald Tramp günahkarları tapıb
Tramp “ən yaxşı saxta xəbər müəllifləri"ni açıqlayıb
Tramp çıxışında elə bir quş buraxdı ki...
Sarımsaq, arxiv şəkli

Təbii antibiotik zərərli imiş

13
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

13
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı