İyi Partiya rəhbərinin müavini Ümit Özdağ

"Ərdoğanın Amerika siyasəti "çox qışqırıb, az görməkdir"

690
(Yenilənib 22:31 02.02.2018)
Ümit Özdağ deyib ki, Suriyanın ərazi bütövlüyünü bərpa edə biləcək yeganə qüvvə Bəşər Əsəd rejimidir

BAKI, 2 fevral — Sputnik. "Ərdoğanın ABŞ əleyhinə qışqırıb-bağırması 2019-cu il prezident seçkilərində xalqdan səs toplamaq məqsədi güdür". Sputnik Türkiyə xəbər verir ki, bunu yeni qurulan "İyi Partiya" rəhbərinin müavini Ümit Özdağ "Sözçü" qəzetinə özəl müsahibəsi zamanı deyib.

Ümit Özdağ türk ordusunun Suriyanın şimalındakı Afrin bölgəsinə başlatdığı hərbi əməliyyatdan danışarkən, prezident Ərdoğanı da sərt tənqid edib: "Prezidentin Amerika siyasəti "çox bağırıb, az iş görməkdir". Afrin əməliyyatından sonra Menbiç deməyinə baxmayın. Ərdoğan ABŞ-la üz-üzə gəlmək istəməyəcək. Bir yolla Menbiç məsələsini həll edəcəklər. Ancaq Türkiyə üçün ən vacib olanı Menbiç, həmçinin Fərat çayının şərqidir. Ümumilikdə İraqa qədər olan bütün sərhəd əraziləri terrorçulardan təmizlənməlidir".

Ü.Özdağ əlavə edib ki, Suriyanın ərazi bütövlüyünü bərpa edə biləcək yeganə qüvvə Bəşər Əsəd rejimidir.

690
Teqlər:
siyasət, tənqid, Ərdoğan
Əlaqədar
Rusiyadan Ərdoğana vacib dəvət
Putinlə Ərdoğan anlaşdı: Afrin və Soçi proseslərində ortaq məxrəc
Ərdoğan azərbaycanlı deputata təşəkkür etdi
Türk ordusunun zəfəri Ərdoğanla Əsədi barışdıracaq
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

7
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

7
Xəzər dənizi, arxiv şəkli

Pandemiya dövründə Xəzərin perspektivləri

9
Xəzər əməkdaşlığının necə inkişaf etdiyi və yaxın perspektivdə region dövlətlərinin qarşılıqlı fəaliyyətindən nələrin gözlənildiyi barədə tədbir keçiriləcək.

Avqustun 12-si Beynəlxalq Xəzər dənizi Günü kimi qeyd olunur. Pandemiyadan əvvəlki dövrdə həmin gündə regional problemlərin müzakirəsinə həsr olunmuş böyük sammit və konfranslar təşkil edilirdi. Yeni şəraitdə tərəflər əməkdaşlığın perspektivlərini onlayn rejimdə nəzərdən keçirməkdə davam edirlər.

Bununla belə, karantin tədbirlərinin tətbiqinə və region ölkələri arasında birbaşa əlaqələrin məhdudlaşdırılmasına baxmayaraq, Xəzərdə yük dövriyyəsi inkişaf etməkdə davam edir. Resurs bazasının iqtisadi mənimsənilməsi də dayanmır, iri beynəlxalq enerji layihələri həyata keçirilir.

Bu gün Xəzər əməkdaşlığının necə inkişaf etdiyi və yaxın perspektivdə region dövlətlərinin qarşılıqlı fəaliyyətindən nələrin gözlənildiyi barədə avqustun 14-də saat 12:00-da Sputnik Azərbaycan Multimedia Mətbuat Mərkəzinin təşkilatçılığı ilə Bakı-Nur-Sultan-Moskva onlayn videokörpüsündə danışacaqlar:

Bakıda:

- Bakı Dövlət Univesitetinin professoru, İqtisadi coğrafiya kafedrasının müdiri, elmlər doktoru Çingiz İsmayılov;

Nur-Sultanda:

- Qazaxıstan Respublikasının İlk Prezidenti Fondu yanında Dünya iqtisadiyyatı və siyasəti İnstitutunun eksperti Jumabek Sarabekov;

Moskvada:

- Rusiya Elmlər Akademiyasının Şərqşünaslıq İnstitutunun Mərkəzi Asiya, Qafqaz və Ural-Volqa bölgələrinin Öyrənilməsi Mərkəzinin elmi işçisi Stanislav Pritçin.

Spikerə suallar əvvəlcədən bu elektron ünvana göndərilə bilər: ivelizade@gmail.com.

Tədbir Sputnik Azərbaycan-ın Facebook səhifəsində yayımlanacaq.

Kontaktlar:

Telefonlar: 404-13-84/85

Sputnik Azərbaycan-ın Multimedia Mətbuat Mərkəzi bu ünvanda yerləşir: Mətbuat prospekti, 529-cu məhəllə, ev 23 М, 4-cü mərtəbə.

9