Türkiyə tankları Suriya ilə sərhədə yaxın Kilis əyalətində, 21 yanvar 2018-ci il

Türkiyə ordusu artıq Afrindədir

553
(Yenilənib 23:44 21.01.2018)
Türkiyə Silahlı Qüvvələrinə Afrində əməliyyata başlayan Azad Suriya Ordusu da dəstək verir

BAKI, 21 yanvar — Sputnik. Türkiyə Silahlı Qüvvələrinin (TSK) tankları Suriyanın Afrin bölgəsinə daxil olub.

Sputnik Türkiyə xəbər verir ki, TSK-ya Afrində əməliyyata başlayan Azad Suriya Ordusu da dəstək verir.

Əməliyyatların getdiyi ərazidə olan NTV və AA müxbirlərinin verdiyi məlumata görə, "Zeytun budağı hərəkatı" çərçivəsində TSK-ya dəstək verən ASO Afrin ərazilərinə daxil olaraq içəridə hərəkətə başlayıb.

Quru əməliyyatları zamanı Türkiyə ordusunun ciddi müqavimətlə üzləşmədiyi xəbər verilir. YPG terrorçuları ətraf kənd və qəsəbələrə geri çəkiliblər.

Türkiyə dünən Afrində Suriyanın silahlı kürd dəstələrinə (YPG) qarşı əməliyyatlara başlayıb. Terrorçuların mövqelərinə havadan zərbələr endirilib.

Suriyanın müxalifətdən olan Azad Suriya Ordusu bu gün ölkənin şimalında yerləşən Afrin rayonunda genişmiqyaslı əməliyyatlara başlayıb.

TSK dünən saat 17.00-da başlayan əməliyyat zamanı Afrindəki 7 bölgədə aşkarlanan 113 PYD/PKK hədəfindən 108-nin vurulduğunu bəyan edib.

553
Teqlər:
Zeytun budağı əməliyyatı, Afrin, Azad Suriya Ordusu, TSK, Türkiyə Silahlı Qüvvələri, hərbi əməliyyatlar, Türkiyə, Suriya
Əlaqədar
Suriyadan Afrin əməliyyatına cavab: Türkiyə ərazisi raket atəşinə tutuldu
Afrin əməliyyatı barədə maraqlı detal üzə çıxdı
Afrin əməliyyatı başlayır: Türkiyənin müttəfiqi Suriyaya girdi

İsraillilər dua edərkən tribuna çökdü - VİDEO

0
(Yenilənib 23:05 16.05.2021)
İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb. Hadisə yerindən video sosial şəbəkələrdə yayılıb.

KİV-in məlumatına görə, hadisə zamanı yaralananların sayı artıq 160 nəfəri ötüb. İki nəfərin həlak olduğu deyilir. Daha altı nəfərin vəziyyəti ağırdır. 

Hüquq mühafizə orqanları dini ayin keçirilən zaman bütün təhlükəsizlik qaydalarına riayət olunub-olunmamasını araşdırır.

0
Teqlər:
yaralılar, çökmə, tribuna, sinaqoq, İsrail

Gürcüstanda svanlar azərbaycanlılara hücum etdilər, dava düşdü - VİDEO

0
Milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

BAKI, 16 may - Sputnik. Gürcüstanın Dmanisi rayonunda azərbaycanlılarla svanlar arasında kütləvi dava düşüb.

Sputnik Azərbaycan bildirir ki, bu barədə məlumatı APA yerli sakinlərə istinadən yayıb. Xəbərə görə, insident bu gün saat 5 radələrində rayonun “9 aprel” küçəsində baş verib.

Sakinlərin məlumatına görə, milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

Hadisə zamanı bir neçə nəfərin ciddi xəsarət aldığı bildirilir. Q.Şamilovun sözlərinə görə, dava svanların aldıqları məhsulun pulunu ödəmək istəməməsi səbəbi ilə baş verib.
Faktla əlaqədar Gürcüstan Daxili İşlər Nazirliyi araşdırmalara başlayıb.

Eləcə də oxuyun:

Tbilisidə Azərbaycan və Türkiyə əleyhinə təxribat baş verib

* "Gürcüstana qarşı Rusiyanın mövqelərini dəstəkləməliyik" – Millət vəkili

Gürcüstan DTX Azərbaycanla münasibətlərə qəsdən zərər vurmaq cəhdlərinin olduğunu açıqladı

 

0
Teqlər:
azərbaycanlılar, Gürcüstan, dava