Михаил Саакашвили

Saakaşviliyə həbs cəzası verildi

77
(Yenilənib 13:43 05.01.2018)
Tbilisi məhkəməsi Gürcüstanın eks-prezidenti Mixail Saakaşvilinin 3 il müddətinə qiyabi olaraq azadlıqdan məhrum edilməsi barədə qərar çıxarıb

BAKI, 5 yanvar — Sputnik. Tbilisi məhkəməsi Gürcüstanın eks-prezidenti Mixail Saakaşvilinin 3 il müddətinə qiyabi olaraq azadlıqdan məhrum edilməsi barədə qərar çıxarıb. Saakaşvili 2006-cı ildə qətlə yetirilmiş "Gürcüstan Birləşmiş Bankı"nın əməkdaşı Sandro Qirqvlianinin işi üzrə həbs cəzası alıb.

Sputnik Azərbaycan Rusiya mediasına istinadla xəbər verir ki, siyasətçi vəzifəsindən sui-istifadə etməkdə günahlandırılır.

Məhkəmə 4 il müddətinə azadlıqdan məhrumetmə cəzası nəzərdə tutsa da, Amnistiya haqqında qanuna əsasən onun cəzasının 1/4 hissəsi azaldılaraq 3 ilə endirilib.

Cinayət işinin materiallarına görə, Saakaşvili Qirqvlianinin işi ilə əlaqəsi olan yüksək vəzifəli məmurları əfv etməklə onları məsuliyyətdən yayındırıb. Bu baxımdan zərərçəkmiş tərəfin hüquqları dövlətin qanuni maraqları kimi pozulub.

Saakaşvili ilə bağlı Gürcüstanda digər cinayət işləri də qaldırılıb: dövlət vəsaitlərinin şəxsi ehtiyaclar üçün xərclənməsi, 7 noyabr 2007-ci il tarixli səhmlərin paylanması ilə bağlı vəzifə səlahiyyətlərini aşma, parlamentin deputatı Valeri Qelaşvilinin döyülməsi. 2014-cü ildə baş prokurorluq ona qarşı qiyabi ittiham elan edib.

Saakaşvili Georgi Marqvelaşvili prezident postuna gəldikdən sonra, 2013-cü ildə Gürcüstanı tərk edib. 2015-ci ildə o, Ukrayna prezidenti Pyotr Poroşenkonun məsləhətçisi olub. Qısa zamanda ona Ukrayna vətəndaşlığı verilib və Saakaşvili Odessa vilayətinin qubernatoru təyin edilib. O, 2016-cı ildə vilayətin rəhbəri vəzifəsini tərk edib. Sonra Poroşenko onu Ukrayna vətəndaşlığından məhrum edib.

Son zamanlar Saakaşvili Kiyevdə antihökumət aksiyaların təşkili ilə gündəmdədir. Baş Prokurorluq hesab edir ki, bu aksiyalar dövlət çevrilişi həyata keçirmək məqsədilə eks-prezident Viktor Yanukoviçin ətrafı tərəfindən maliyyələşdirilir. Bununla əlaqədar olaraq sabiq qubernator cinayət məsuliyyətinə cəlb edilib. 

77
Teqlər:
Sandro Qirqvliani, Georgi Marqvelaşvili, Valeri Qelaşvili, Viktor Yanukoviç, Ukraynanın Odessa vilayətinin qubernatoru Mixail Saakaşvili, Ukrayna, Ukrayna prezidenti Pyort Poroşenko, amnistiya, həbs cəzası, azadlıqdan məhrum etmə, Mixail Saakaşvili, Tbilisi, Gürcüstan
Əlaqədar
Mixail Saakaşviliyə geri çəkilmək üçün hədə-qorxu gəliblər
Saakaşvili Ukrayna prezidentini istefaya çağırdı, əks halda...
Saakaşvili tərəfdarlarını Oktyabr sarayını tərk etməyə çağırıb
Mixail Saakaşvili geriyə addım atdı
Mixail Saakaşvili sərbəst buraxıldı
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar