Əmlak Məsələləri Dövlət Komitəsinin binası

Ləğv edilmiş dövlət idarəsinin əmlakı satılır

301
(Yenilənib 15:17 04.01.2018)
Qurumun Nardaran qəsəbəsində və Hacıqabul rayonunda olan müəssisələri hərraca çıxırılır

BAKI, 4 yanvar — Sputnik. Respublikanın şəhər və rayonlarında ləğv edilmiş "Azərxalça" Elmi Yaradıcılıq İstehsalat Birliyinin əmlakı təkrar hərraca çıxarılacaq. Bu barədə Sputnik Azərbaycan-a Əmlak Məsələləri Dövlət Komitəsindən məlumat verilib.

Bildirilib ki, "Azərxalça" Elmi Yaradıcılıq İstehsalat Birliyinin (İB) Nardaran qəsəbəsində və Hacıqabul rayonunda olan müəssisələri hərraca çıxırılır. Hərrac Əmlak Məsələləri Dövlət Komitəsinin İnformasiya Texnologiyaları və Məlumat İdarəetmə Mərkəzində təşkil edilir

Qeyd edək ki, "Azərxalça" İB-nin Bakı şəhəri, Sabunçu rayonu, Nardaran qəsəbəsi, N.Əsgərov küçəsində yerləşən əmlak kompleksinin ümumi sahəsi 1455 kv. metrdir (torpaq sahəsi 7777 kvadratmetr) və ilkin olaraq 60 min manata hərraca çıxarılır. Hərracda iştirak etmək üçün ümumi məbləğin 10 faizi – 6000 manat beh olaraq verilməlidir. Torpaq sahəsi qiymətləndirilən əmlakın tərkibinə daxil deyil.

İstehsalat Birliyinin Hacıqabul şəhəri, İ.Qayıbov küçəsi 1 ünvanında olan əmlak kompleksi isə 50 min manata hərraca çıxarılacaq.

Hərraclarda iştirak etmək üçün müvafiq hərrac komissiyasına hərracın başlanmasına ən geci 3 bank günü qalanadək sifarişçinin şəxsiyyətini təsdiq edən sənəd (hüquqi şəxslər üçün: qeydiyyat şəhadətnaməsi, nizamnaməsi və VÖİN), Əmlak Məsələləri Dövlət Komitəsi tərəfindən təsdiq edilmiş formada sifariş, ləğvetmə Komissiyası tərəfindən müəyyən edilmiş hesaba behin köçürülməsini təsdiq edən sənəd, (10% məbləğində beh "Kapital Bank" ASC-nin Mərkəz filialındakı AZ32AIIB45019049440048941102 nömrəli tranzit hesablaşma hesabına ödənilməlidir), təqdim edilməlidir.

Qeyd: Hərraclar respublikanın şəhər və rayonlarında müvafiq yerli hərrac komissiyaları tərəfindən keçiriləcək.

Bakı şəhəri üzrə: Sifarışlər Əmlak Məsələləri Dövlət Komitəsinin yanında Hərracların Təşkili üzrə Auksion Mərkəzində qəbul olunur.

301
Teqlər:
"Azərxalça" Elmi Yaradıcılıq İstehsalat Birliyi, Əmlak Məsələləri Dövlət Komitəsi, komissiya, Hacıqabul, rayon, Nardaran, ləğv, respublika, şəhər, hərrac
Əlaqədar
Dövlət Neft Fondu hərraca çıxartdığı valyutanı azaldıb
Mərkəzi Bankın depozit hərracının nəticələri açıqlanıb
Osmanlı: “Azərbaycanın əmlak bazarında vəziyyət yaxşı deyil”
Azərbaycanda dövlət əmlakının özəlləşdirilməsi qaydaları dəyişdi
Özü intihar etmişdi, əmlakı müsadirə edildi
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

3
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

3
Игровой момент матча ЕВРО-2020 между сборными Венгрии и Франции

Fransa yığması AVRO-2020-nin oyununda Macarıstan komandası ilə heç-heçə edib

4
(Yenilənib 19:18 19.06.2021)
Budapeşt şəhərində keçirilmiş qarşılaşma hələlik Avropa çempionatında ən çox azarkeşin izlədiyi görüş olub.

Futbol üzrə Fransa yığması Avropa çempionatının qrup görüşündə Macarıstan millisi ilə heç-heçə oynayıb.

F qrupunda ikinci tur qarşılaşması Budapeştdə keçirilib və 1:1 hesabı ilə başa çatıb. Meydan sahiblərində qolu birinci hissəyə əlavə olunmuş vaxtda Attila Fiola vurub. Fransızların cavab topunu 66-cı dəqiqədə Antuan Qrizmann vurub. Oyunu 55 998 azarkeş izləyib, bu AVRO-2020-nin hələlik ən çox azarkeş tərəfindən izlənilən oyunudur.

Oyunun birinci hissəsində Macarıstan yığmasının oyunçusu Adam Soloi isti vurmasından əvəz olunub.

Birinci turda Fransa yığması Almaniyaya qalib gəlib - 1:0, Macarıstan isə Portuqaliya komandasına məğlub olub - 0:3. Almaniya və Portuqaliya yığmalarının oyunu bu gün Münhendə keçiriləcək.

Üçüncü turda Fransa Budapeştdə Portuqaliya ilə, Macarıstan isə Münhendə Almaniya ilə qarşılaşacaq. Oyunlar iyunun 23-də baş tutacaq.

4