Beynəlxalq Bankın Mətbuat filialı qarşısında növbə

Dollarla bağlı tələsik qərar: Banklar məzənnələri dəyişdirdi

2664
(Yenilənib 14:03 25.12.2017)
Rəsmi məzənnənin sabit qalmasına baxmayaraq, bu gün ölkə banklarında dolların manata nisbətdə məzənnəsi qalxıb

BAKI, 25 dekabr — Sputnik. Dekabarın 25-nə Mərkəzi Bankın açıqladığı rəsmi dollar/manat məzənnəsi dekabrın 22-si ilə müqayisədə dəyişməyərək 1,7001 manat olub. Dekabrın 22-də rəsmi olaraq 1 dollar 1,7001 manata bərabər idi.

Manat və dollar
© Sputnik / Anar Mustafayev

Rəsmi məzənnənin sabit qalmasına baxmayaraq, bu gün ölkə banklarında dolların manata nisbətdə məzənnəsi ötən günlə müqayisədə xeyli artıb. Sputnik Azərbaycan əməkdaşının apardığı müşahidəyə görə, bu gün səhər saat 10.00-a qədər "Bank Respublika"-da 1 dolların satış qiyməti 1.7030 olduğu halda, saat 10:00-dan sonra 1.7050 AZN olub.

Dolların satış qiymətində artım Azərbaycan Beynəlxalq Bankında da müşahidə edilib. Səhər saat 10:00-a qədər bu bankda dolların satış qiyməti 1.7040 AZN olsa da, sonra artaraq 1.7050 olub.

Analoji tendensiya "Expressbank"-da da müşahidə edilib. Günə dollar satışını 1.7045 AZN-lə başlayan bank saat 10.00-dan sonra qiyməti qaldıraraq 1.7050 AZN edib.

Əməkdaşımız sözügedən banklarda dollar almağa gələn vətəndaşların sayında da artım müşahidə edib. Vətəndaşlar "DəmirBank"-ın bağlanmasından sonra təşvişə düşərək Yeni il baryamı günlərində dolların məzənnəsinin manata nisbətdə qalxacağını güman edirlər. Bankların dolların alış və satış qiymətlərini qaldırması isə vətəndaşları daha da tədirgin edir.

Xatırladaq ki, dekabrın 23-də "DəmirBank" Açıq Səhmdar Cəmiyyətinin lisenziyası ləğv edilib.

2664
Teqlər:
dollar, manat, bank, Mərkəzi Bank, dekabr, məzənnə, satış, vətəndaş, alış
Əlaqədar
Dollar və avronun yeni məzənnəsindən xəbəriniz var?
Dolların taleyini dəyişəcək qərar verildi
Mərkəzi Bank dolları bahalaşdırdı
Azərbaycanda dolları ucuzlaşdırdılar
Pianoçu Vurğun Vəkilov

Səməd Vurğunun nəticəsi şah əsərləri ifa edib

19
(Yenilənib 22:24 24.09.2021)
V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

BAKI, 24 sentyabr — Sputnik. Üzeyir Hacıbəyli XIII Beynəlxalq Musiqi Festivalı davam edir. Sentyabrın 23-də festival çərçivəsində Azərbaycan Milli İncəsənət Muzeyində istedadlı pianoçu, Xalq şairi Səməd Vurğunun nəticəsi, "École normale de musique de Paris-Alfred-Cortot" ali musiqi məktəbinin tələbəsi Vurğun Vəkilovun konserti olub.

Sputnik Azərbaycan xəbər verir ki, konsertdə klassik musiqinin şah əsərləri səslənib. Pianoçunun çıxışı böyük maraqla qarşılanıb.

Qeyd edək ki, V.Vəkilov 2004-cü ildə Bülbül adına Orta İxtisas Musiqi Məktəbinin birinci sinfinə gedib. İstedadlı pianoçu 2008-ci ildə Azərbaycanın ümummilli lideri Heydər Əliyevin anadan olmasının 85 illiyinə həsr olunan Gənc İfaçıların Birinci Respublika Müsabiqəsinin qalibi olub. V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

19
“Üzeyir sənətinin gənclik sədaları” layihəsinin növbəti konserti

"Üzeyir sənətinin gənclik sədaları"

10
(Yenilənib 22:24 24.09.2021)
Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb.

BAKI, 24 sentyabr — Sputnik. XIII Beynəlxalq Musiqi Festivalı çərçivəsində "Üzeyir sənətinin gənclik sədaları" layihəsinin növbəti konserti baş tutub.

Mədəniyyət Nazirliyindən Sputnik Azərbaycan-a verilən məlumata görə, Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb. Orkestrin bədii rəhbəri Zülfiyyə Sadıqova, dirijoru Orxan Həşimovdur.

Konserti ön sözlə açan bəstəkar, respublikanın Xalq artisti Sərdar Fərəcov 13 il ərzində keçirilən bu festivalın əhəmiyyətindən danışıb. Festivala artıq yeddinci ildir ki, qatılan Xəzər Universitetinin iştirakının gözəl ənənə olduğunu vurğulayıb.

Xəzər Universitetinin Fikrət Əmirov adına konfrans-konsert mərkəzində keçirilən tədbirin solist iştirakçıları sırasında respublikanın əməkdar artistləri - müğənni tenor Fərid Əliyev, zurna və balaban ifaçısı Şirzad Fətəliyev, beynəlxalq müsabiqə laureatları Məhsəti Cabbarova və Yuliya Behbudova olublar.

Konsertdə Nikolay Rimski-Korsakovun "Seyrələn uçan buludlar", Frans Leqarın "Cuditta" operasından Cudittanın mahnısı, Leo Delibin "İspan mahnısı", Tomazo Albinoninin "Adajio", Sərdar Fərəcovun "Elegiya", Ü.Hacıbəylinin "Arşın mal alan" musiqili komediyasından Gülçöhrənin ariyası və digər əsərlər səslənib. Tədbir Fikrət Əmirovun "1001 gecə" baletindən "Şəhrizadın bayramı" rəqs nömrəsi ilə tamamlanıb.

10