Təqvim

Bizi 2018-də nələr gözləyir: "İt ili"nin gətirdikləri...

1031
(Yenilənib 22:21 24.12.2017)
"Xoruzun dağıtdıqlarını İtlər yığışdıracaq"

İradə Cəlil, Sputnik Azərbaycan

BAKI, 18 dekabr — Sputnik. Tarixi xronologiyaya baxanda, qarşıdan gələn "İt ili"nin çox təzadlı, hətta ziddiyyətli mənzərəsini görürük. Buna baxmayaraq, yüzlərlə hadisəni təhlil edib gəldiyimiz qənaət bu oldu ki, bu illərdə əsasən münaqişələrin dayandırılması, sülh müqavilələri, azadlıqların bərpası və birləşmələr baş verib. Hər halda, yola saldığımız ifrat gərginlik və müharibələr içində keçən, sövdələşmələri pozan, siyasi ədalətsizliyə dəstək verən "Xoruz ili"ndən fərqli olaraq yeni il sakitliyin bərpasına çalışır.

Новогодняя елка в Баку
Sputnik/ Мурад Оруджев

"Qoroskop" qəzetinin baş redaktoru, astroloq Səbuhi Rəhimli Sputnik Azərbaycan-a açıqlamasında bildirir ki, elə bu səbəbdən də orta əsrlərin çinli astroloqları qarşıda duran dövrü "Xoruzun dağıtdıqlarını İtlər yığışdıracaq" adlandırırdılar.

Tarixdə "İt ili"ndə baş vermiş mühüm hadisələrə nəzər yetirək:

962-ci il: Müqəddəs Roma imperiyası yaradılıb;

1238-ci il: Batı xanın qoşunları Moskvanı darmadağın ediblər;

1514-cü il: Qanlı Çaldıran döyüşü baş verib, Osmanlılar Təbrizi işğal edib;

1730-cu il: Sultan Mahmud taxta çıxıb;

1784-cü il: Avstriyada Y.Stuver ilk dəfə olaraq aerostatda uçuş həyata keçirib, İngiltərədə mexanik Ceyms Uayt tərəfindən buxar maşını ixtira edilib, İngiltərədə Edmunt Kartrayt tərəfindən mexaniki toxucu dəzgah ixtira olunub;

1796-cı il: Azərbaycanın şimal torpaqlarına yürüş edən general V.Zubovun komandanlığı altındakı rus qoşunları Bakını ələ keçirib, İranda türk mənşəli Qacarlar sülaləsi hakimiyyətə gəlib;

1820-ci il: Şamaxı xanlığı ləğv edilib;

1874-cü il: Bakıda "Müqəddəs Nina" məktəbi əsasında ilk qadın gimnaziyası təşkil olunub;

Yeni il atəşi Bakını bürüyüb
© Sputnik / Kamilla Əliyeva / Taleh Mahmudov

1826-cı il: Rusiyada məşhur dekabristlərin beş nümayəndəsi — Pestel, Muravyov-Apostol, Bestujev-Ryumin, Rıleyev və Kaxovski edam olunublar, İran şahzadəsi Abbas Mirzə Şuşanı tutub, Gəncədə ruslar əleyhinə üsyan baş verib;

1898-ci il: Filippin dövləti müstəqillik qazanıb;

1910-cu il: Azərbaycan səhnəsində Üzeyir Hacıbəylinin "Ər və arvad" adlı ilk musiqili komediya tamaşaya qoyulub;

1922-ci il: SSRİ qurulub, Azərbaycan Dövlət Akademik Milli Dram Teatrı yaradılıb, Türkiyənin hərbi və siyasi xadimi Ənvər Paşa Tacikistanda qətlə yetirilib, İngiltərənin Misir üzərində protektoratlığı ləğv edilib, M.Ə.Rəsulzadə Türkiyəyə mühacirət edib;

1934-cü il: Adolf Hitler Almaniyada prezident hakimiyyətini mənimsəyib, həftəlik "Ədəbiyyat qəzeti"nin ilk sayı çapdan çıxıb.

1946-cı il: İordaniya istiqlaliyyət qazanıb, BMT-də Fələstin və İsrail dövlətlərinin yaradılması barədə qərar çıxarılıb, İtaliya Respublika üsul-idarəsinə keçib, Albaniya Xalq Respublikası yaradılıb, Tokioda "Sony" kompaniyasının əsası qoyulub, Təbriz Universiteti açılıb;

1958-ci il: Mərkəzi Afrika Respublikası Fransadan ayrılaraq öz müstəqilliyini elan edib;

1970-ci il: "Luna-16" kosmik gəmisi Aydan torpaq gətirib, yaponlar ilk elektron kalkulyator hazırlayıb;

1982-ci il: İsrail silahlı qüvvələri Beyrutu bombalayarkən yüzlərlə dinc sakin, o cümlədən qadın və uşaqlar həlak olub;

Елки в городе: как Баку готовится к Новому году
Sputnik. Камилла Алиева

1994-cü il: Rusiya Çeçenistana hücum edib, Bakı metrosunun "20 Yanvar" stansiyasında törədilmiş terror nəticəsində 14 nəfər, eyni şəkildə "Gənclik" stansiyasında törədilmiş qanlı aksiya nəticəsində 7 nəfər həlak olub, Türkiyənin Van ərazisində 57 nəfərin ölümü ilə nəticələnən təyyarə qəzası baş verib, Bakı dəmir yolu vağzalında "Kislovodsk-Bakı" qatarında terror aktı törədilib, Bakıda neft hasilatına dair sənəd — "Əsrin müqaviləsi" imzalanıb, Dağlıq Qarabağ müharibəsində atəşkəs elan olunub, ATƏM ATƏT-ə çevrilib, Ruandada soyqırım baş verib, Birinci Çeçen-rus müharibəsi başlanıb, C-130 İran təyyarəsi ermənilər tərəfindən vurulub, Azərbaycanın dövlət və siyasi xadimi Afiyəddin Cəlilov qətlə yetirilib;

2006-cı il: Moskvanın "Bauman" bazarının uçması nəticəsində 40-dan artıq soydaşımız həlak olub, dünya şöhrətli avtoritet Hikmət Muxtarov ("Sabirabadlı Hikmət") Moskvanın Leninqrad küçəsində qətlə yetirilib, İranda türkləri aşağılayan karikatura qalmaqalı başlayıb, İraqın keçmiş dövlət başçısı Səddam Hüseyn edam edilib, Çernoqoriya müstəqillik elan edib, Haaqa türməsində Yuqoslaviyanın keçmiş prezidenti Slobadan Miloşeviç vəfat edib, Lukoşenko 3-cü dəfə Belarusun prezidenti seçilib;

2018-ci il:…??? Qoy yeri-göyü xəlq edən Allahımız Azərbaycanı öz düşmənlərindən azad eləsin. Amin!

1031
Teqlər:
astroloq Səbuhi Rəhimli, İt ili, Xoruz ili, tarix
Əlaqədar
Azərbaycana "yeni il sürprizi" gətirən iki şübhəli avtomobil saxlanılıb
Məktəblərdə Yeni il şənliyi keçirilməsinə rəsmi münasibət
Yeni ildə istirahət üçün yer seçməyə tələsin: Xəbərdarlıq
İbrahimov: “Yeni il ərəfəsində ərzaq məhsullarının qiyməti qalxacaq”
Yeni il hazırlığı baş tutmadı
Yeni ilin ən təhlükəsiz avtomobillərinin adları açıqlandı - Siyahı
Manat, arxiv şəkli

Əmanətlərin Sığortalanması Fondu bağlanmış 4 bankdakı əmanətlərlə bağlı açıqlama yayıb

0
(Yenilənib 14:11 06.08.2020)
"Atabank" ASC, "AG Bank" ASC və "NBC Bank" ASC-də təshih tədbirlərinin tətbiq edildiyi müddət ərzində qəbul edilmiş əmanətlərin ödənişi qeyd edilən məsələ ilə bağlı Azərbaycan Respublikası Konstitusuya Məhkəməsinin müvafiq şərhinə uyğun olaraq həll ediləcək

BAKI, 6 avqust — Sputnik. Əmanətlərin Sığortalanması Fondu ləğv prosesində olan "Atabank" ASC, "Amrahbank" ASC, "AG Bank" ASC və "NBC Bank" ASC-nin 17,9 min əmanətçisinə qorunan əmanətlər üzrə 6 avqust 2020-ci il tarixinə "Kapital Bank" ASC və "Azərbaycan Beynəlxalq Bankı" ASC vasitəsilə 402,3 milyon manat kompensasiya ödəyib. Bu barədə Əmanətlərin Sığortalanması Fondundan Sputnik Azərbaycan-a məlumat verilib.

Ləğv prosesində olan "Atabank" ASC-nin 7,6 min əmanətçisinə 170,8 milyon manat, "Amrahbank" ASC-nin 5,1 min əmanətçisinə 121,7 milyon manat kompensasiya ödənilib. Qeyd edilən banklar üzrə kompensasiyaların ödənilməsinə 01 iyun 2020-ci il tarixdən başlanılıb və kompensasiyalar nağdsız qaydada "Kapital Bank" ASC-nin adlı debet kartları və "Xəzri" sürətli pul köçürmə sistemi vasitəsilə 35 filialda ödənilir.

Ləğv prosesində olan "AG Bank" ASC-nin 2,3 min əmanətçisinə 29,8 milyon manat, "NBC Bank" ASC-nin 2,9 min əmanətçisinə 80 milyon manat kompensasiya ödənilib. Adı çəkilən banklar üzrə kompensasiyaların ödənilməsinə 16 iyun 2020-ci il tarixdən başlanılıb və kompensasiyalar nağdsız qaydada "Azərbaycan Beynəlxalq Bankı" ASC-nin adlı debet kartları vasitəsilə 20 filialda ödənilir.

"Əmanətlərin sığoratalanması haqqında" Azərbaycan Respublikası Qanununun 28.3-cü maddəsinə əsasən, Əmanətlərin Sığortalanması Fondu əmanətçilərin ərizələrini kompensasiya ödənişi haqqında bildirişin ilk dəfə dərc edildiyi gündən başlayaraq bir il ərzində qəbul edəcək.

Həmçinin, "Atabank" ASC, "AG Bank" ASC və "NBC Bank" ASC-də təshih tədbirlərinin tətbiq edildiyi müddət ərzində qəbul edilmiş əmanətlərin ödənişi qeyd edilən məsələ ilə bağlı Azərbaycan Respublikası Konstitusuya Məhkəməsinin müvafiq şərhinə uyğun olaraq həll ediləcək.

0
Aeroport, arxiv şəkli

Azərbaycana səfər etmək niyyətində olan Türkiyə vətəndaşlarının diqqətinə

1
(Yenilənib 13:56 06.08.2020)
Qarşılıqlı olaraq Azərbaycan və Türkiyə vətəndaşları bir-birinin ərazisinə daxil olmaq, tranzit keçmək, ölkədən getmək və müvəqqəti qalmaq üçün 90 (doxsan) gün müddətinə viza tələbindən azad edilirlər.

BAKI, 6 avqust — Sputnik. 2020-ci il fevralın 25-də Bakı şəhərində imzalanmış "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında Saziş" 13 avqust 2020-ci il tarixdə qüvvəyə minəcək.

Sputnik Azərbaycan Dövlət Miqrasiya Xidmətinin məlumatına istinadla xəbər verir ki, sazişə əsasən, qarşılıqlı olaraq Azərbaycan və Türkiyə vətəndaşları bir-birinin ərazisinə daxil olmaq, tranzit keçmək, ölkədən getmək və müvəqqəti qalmaq üçün 90 (doxsan) gün müddətinə viza tələbindən azad edilirlər. Müvafiq ölkə ərazisində 90 (doxsan) gündən artıq müddətə qalmaq istəyən şəxslər müvəqqəti yaşama icazəsi almaq üçün əvvəlcədən müraciət etməlidirlər. Hər iki ölkə vətəndaşlarına məxsus pasportlar müvafiq ölkə ərazisinə giriş tarixindən etibarən azı 6 (altı) ay etibarlılıq müddətinə malik olmalıdır. Hər iki ölkə vətəndaşları milli qanunvericilikdən irəli gələn qayda və prosedurlara riayət etməlidirlər. Azərbaycanda 15 gündən artıq müvəqqəti olan Türkiyə vətəndaşları olduğu yer üzrə qeydiyyata alınmalıdırlar. Həmçinin vizadan azad etmə işləmək və ya hər hansı peşə fəaliyyəti ilə məşğul olmaq hüququ vermir. Azərbaycan ərazisində haqqı ödənilən əmək fəaliyyəti ilə məşğul olmaq istəyən Türkiyə vətəndaşlarına mövcud qaydalara uyğun olaraq işəgötürənlər tərəfindən iş icazəsi alınmalıdır (iş icazəsinin alınması tələb olunmayan hallar istisna olmaqla).

1