BakuBus avtobusu

Daha bir marşrut xətti nağdsız ödəniş sisteminə keçir

788
(Yenilənib 15:34 11.12.2017)
Paytaxtda fəaliyyət göstərən 17 saylı avtobus xətti "Bakubus"ın nəzarətinə keçib

BAKI, 11 dekabr — Sputnik. Bakıda fəaliyyət göstərən 17 nömrəli müntəzəm marşrut xəttinin daşıyıcısı dəyişdirilib. Dəyişiklik edilməsinə səbəb marşrut xətti üzrə sərnişindaşıma xidməti göstərən daşıyıcının fəaliyyətinin qənaətbəxş səviyyədə olmaması, eyni zamanda, dəfələrlə edilən xəbərdarlıqlara məhəl qoymayaraq çatışmazlıqları aradan qaldırmamasıdır.

Bakı Nəqliyyat Agentliyinin (BNA) mətbuat xidmətindən Sputnik Azərbaycan-a verilən məlumata görə, 17 nömrəli marşruta aid avtobusların gündəlik xətdə olarkən təsdiq edilmiş hərəkət sxeminə uyğun fəaliyyət göstərmədiyi və hərəkətin intensiv olduğu küçə və prospektlərdə geridönmə manevri edərkən yol hərəkəti qaydalarının kobud şəkildə pozulması müəyyən edilib.

Bununla yanaşı, sərnişinlərdən 17 nömrəli marşrut xətti ilə bağlı "141" Çağrı Mərkəzinə çoxsaylı şikayətlər daxil olub. Qeyd edilən nöqsanlar barədə BNA tərəfindən dəfələrlə marşrutun daşıyıcısına rəsmi və şifahi xəbərdarlıq olunub, o cümlədən "141 Çağrı Mərkəzi"nə daxil olan şikayətlər daşıyıcının elektron ünvanına göndərilsə də, daşıyıcı tərəfindən heç bir ciddi tədbir görülməyib.

Bunları nəzərə alaraq 17 nömrəli müntəzəm marşrut xətti üzrə "BakuBus" MMC-yə məxsus sərnişindaşıma ilə bağlı mövcud tələblərə tam cavab verən avtobuslar Bakı sakinlərinə xidmət edəcək. Dəyişiklik 16.12.2017 tarixdən qüvvəyə minəcək.

Qeyd edək ki, bununla da nağdsız ödəniş sistemi ilə fəaliyyət göstərən marşrut xətlərinin sayı 20 olacaq.

788
Teqlər:
17 nömrəli marşrut, sərnişindaşıma xidməti, müntəzəm marşrut xətti, BNA, fəaliyyət, Bakı Nəqliyyat Agentliyi, Bakı
Əlaqədar
Növbəti marşrut xətti bərpa edildi
Daha üç marşrut xəttinin istiqaməti dəyişib
Daha bir marşrut xəttində dəyişiklik edilib
Bu marşrutun hərəkət istiqaməti dəyişir
Xırdalanda yanğın, arxıv şəkli

Xırdalan yenə qara tüstüyə büründü - VİDEO

38
(Yenilənib 14:49 08.08.2020)
İlkin məlumata görə, təkər tullantıları yığılan geniş ərazidə yanğın baş verib. Görülən operativ tədbirlər nəticəsində yanğının qarşısı alınıb

BAKI, 8 avqust — Sputnik. Fövqəladə Hallar Nazirliyinin (FHN) “112” qaynar telefon xəttinə Abşeron rayonunun Xırdalan şəhərində (Bakı-Sumqayıt avtomobil yolunun kənarında) yanğın olması barədə məlumat daxil olub.

Sputnik Azərbaycan-ın məlumatına görə, FHN-in Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb edilib.

İlkin məlumata görə, təkər tullantıları yığılan geniş ərazidə yanğın baş verib. Görülən operativ tədbirlər nəticəsində yanğının qarşısı alınıb. Yanğın qısa müddət ərzində söndürülüb.

38
Polis əməkdaşı, arxiv şəkli

Balakəndə istirahət edənləri polis sıraya düzdü

9
(Yenilənib 14:21 08.08.2020)
Karantin qaydalarını pozaraq Gəncədən Balakənə istirahətə gələn dostlar cərimələniblər. Karantin qaydalarını pozaraq Gəncədən Balakənə istirahətə gələn dostlar cərimələniblər.

İbrahim Həşimov, Sputnik Azərbaycan

BAKI, 8 avqust - Sputnik. Karantin qaydalarını pozaraq Gəncədən Balakənə istirahətə gələn dostlar cərimələniblər.

Sputnik Azərbaycan xəbər verir ki, Balakən Rayon Polis Şöbəsinin əməkdaşları koronavirus infeksiyasının kütləvi yayılmasının qarşısının alınması məqsədilə rayon ərazisində reydlər keçirirlər. Reyd zamanı sərt karantin rejimi elan edilən Gəncə şəhərindən icazələri olmadan, qaydaları pozaraq istirahət məqsədilə Balakənə gələn 5 nəfər müəyyən edilib.

© AR Ministry of Internal Affairs
Saxlanılan şəxslər

Onlar polis şöbəsinə dəvət edilərək profilaktik söhbətlər aparılıb. Karantin rejiminin qayda və tələbləri həmin şəxslərə izah olunub. Qaydaları pozduqları üçün barələrində İnzibati Xətalar Məcəlləsinin 211-ci maddəsi ilə protokol tərtib edilib və onlar cərimələniblər.

9
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
DYP Bakını tərk etmək istəyən sürücülərə xəbərdarlıq edib
Hamam kömək etmədi: uşaq bağçasına görə valideynlər də cəzalandılar
Karantin rejimini pozaraq nişan edənlər aşkarlanıb
Hökumət karantin rejiminin daha da yumşaldılması barədə qərar qəbul edib
On koronavirus xəstəsi cinayət məsuliyyətinə cəlb edilib