Gələn ilki dövlət büdcəmiz müzakirəyə çıxarıldı

© Sputnik / Murad OrujovПачки азербайджанских манатов и калькулятор
Пачки азербайджанских манатов и калькулятор - Sputnik Azərbaycan
Abunə olmaq
İclasda 2018-ci il üçün yaşayış minimumu, 2018-ci il üçün ehtiyac meyarının həddi müzakirə ediləcək

BAKI, 21 noyabr — Sputnik. Bu gün Milli Məclisin plenar iclası keçirilir. Sputnik Azərbaycan xəbər verir ki, iclasın gündəliyinə 7 məsələ daxil edilib.

İlk olaraq "Azərbaycan Respublikasının 2018-ci il dövlət büdcəsi haqqında" qanun layihəsi müzakirə ediləcək.

"Sosial təminatı və müdafiəni həyata keçirən müvafiq icra hakimiyyəti orqanının 2018-ci il büdcəsi haqqında", "İşsizlikdən sığorta fondunun 2018-ci il büdcəsi haqqında" qanun layihələrinə baxılacaq.

İclasda "Azərbaycan Respublikasında 2018-ci il üçün yaşayış minimumu haqqında", "Azərbaycan Respublikasında 2018-ci il üçün ehtiyac meyarının həddi haqqında" qanun layihələri müzakirə ediləcək.

Bundan başqa, plenar iclasda Milli Məclisin 2018-ci il üçün xərclər smetasına, Hesablama Palatasının 2017-ci il üçün xərclər smetasına baxılacaq.

İclasda baş nazir Artur Rasizadə və hökumət nümayəndələri iştirak edirlər.

Qeyd edək ki, noyabrın 22-23-də də bu 7 məsələ müzakirə ediləcək.

Xəbər lenti
0